აფხაზეთში ოპოზიციის მიტინგის შედეგები: მოჯადოებული წრე დაირღვა. მოსაზრება
აფხაზეთში ოპოზიციის მიტინგის შედეგები
წმინდა მათემატიკურად, აფხაზეთის პრეზიდენტმა ასლან ბჟანიამ ოპოზიციასთან დაპირისპირებაში გაიმარჯვა. მან შეძლო შეენარჩუნებინა ძალაუფლება მისთვის წარდგენილი ულტიმატუმის არც ერთ პუნქტზე დათმობის გარეშე.
მაგრამ ფსიქოლოგიურად – როგორც აფხაზეთის ყველა მოქალაქის პრეზიდენტმა – წააგო. რადგან ის ეწინააღმდეგებოდა აფხაზური დემოკრატიის ფუნდამენტურ პრინციპს, რომლითაც ნებისმიერი მოქალაქისთვის ძალაუფლება ხელმისაწვდომი უნდა იყოს.
30 მაისს პრეზიდენტი და მთავრობა, რომლებმაც საკუთარი თავი შემოღობეს ავტობუსებით და პარალელური აქციით, ხალხის თვალში მხოლოდ უნდობლობას იმსახურებენ.
უხერხული იყო. გულის სიღრმეში იმედი მაქვს, რომ ისინი ამას ხვდებიან.
- აფხაზეთი: პრეზიდენტმა არ დააკმაყოფილა ოპოზიციის მოთხოვნები
- დამოუკიდებლობის თემაზე პლაკატების გამო აფხაზეთში აქტივისტები დააკავეს
- რუსეთი 2025 წელს აფხაზეთის საჯარო მოხელეების დაფინანსებას წყვეტს. როგორ გადაუხდიან ხელფასებს მათ?
და საერთოდ არ მაინტერესებს, როცა ამ ყველაფერს ამართლებენ: ამბობენ, შეხედე სხვაგან რა ხდება, დანარჩენ მსოფლიოში, სადაც მომიტინგეებს ხელკეტებით სცემენ, რეზინის ტყვიებს ესვრიან და აპატიმრებენ. ცუდი ფორმების კოპირება ნამდვილად არ არის ის, რისთვისაც ჩვენ ხელისუფლებას ძალაუფლებას ვაძლევთ.
თუმცა, გულწრფელად მიხარია, რომ ასლან ბჟანია ახლა საპრეზიდენტო სავარძელში კანონით განსაზღვრულ ხუთწლიან ვადას დაჯსერდება. და სულაც არა, რომ ეს მოხდა უსაფრთხოების უპრეცედენტო ზომების წყალობით.
და მადლობა აფხაზურ საზოგადოებას, რომელიც დაიღალა იმის ყურებით, თუ როგორ ხდება მისი სისხლით და ოფლით მოპოვებული ქვეყნის რყევა რევოლუციებით.
როდესაც ერთი ჯგუფი, სწორი ლოზუნგებით, კონკურენტს აძევებს პრეზიდენტის სასახლიდან და ხელში იგდებს ძალაუფლებას, გარკვეული პერიოდის შემდეგ თავად ხდება “ჩამოგდებული” იგივე ლოზუნგებით.
მაგრამ ახლა არის იმედი, რომ მოჯადოებული წრე გაირღვა.
სულ მცირე, ჩვენ 30 მაისს სიტყვა „მიტინგი“ დავუბრუნეთ პირვანდელ მნიშვნელობას – სოციალურ-პოლიტიკური განწყობის საჯარო გამოხატვას.
მანამდე აქცია ჩვენ მიერ აღიქმებოდა, როგორც პრეზიდენტის სასახლის შტურმის წინა მოსაზმადებელი პერიოდი – ერთგვარი გახურების ადგილი.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო.”
