აფხაზეთში ფასების სახელმწიფო რეგულირება შემოიღეს

ფასების რეგულირება აფხაზეთში

პროდუქტების გაძვირების გამო, აფხაზეთში ფასების სახელმწიფო რეგულირება შემოდის. საუბარია ზოგიერთ საკვებ პროდუქტზე.

უკრაინაში მიმდინარე ომის გამო, თებერვლის ბოლოდან აფხაზეთში, საცალო ქსელებში, სურსათზე ფასები საშუალოდ 50-60 პროცენტით გაიზარდა. ამიტომ, აფხაზეთის მთავრობამ, გარკვეული საკვები პროდუქტების ჯგუფზე, ფასების დარეგულირების შესახებ მიიღო გადაწყვეტილება.

როგორ ერგებიან აფხაზეთში ომსა და მშვიდობას

როგორ იმოქმედა რუსეთისთვის დაწესებულმა სანქციებმა სოხუმის მცხოვრებლებზე

პროდუქტების ამ ჯგუფში შედის: ბოსტნეული, კარაქი, რძე, კვერცხი, შაქარი, მარილი, სხვადასხვა სახის მარცვლეული და ბავშვთა საკვები.

რეგულირება გასაყიდ საქონელზე ფასნამატის შეზღუდვას გულისხმობს.

რუსეთი აფხაზეთს ფინანსურ დახმარებას უმცირებს, რათა დამოუკიდებლობა ასწავლოს

რუსეთი აფხაზეთს დოტაციებს უმცირებს – მოსკოვში აცხადებენ, რომ სურთ აფხაზეთი და სამხრეთი ოსეთი დამოუკიდებლები გახდნენ, საინვესტიციო კლიმატის გაუმჯობესების გზით

ფასნამატის მაქსიმალური დონე საბითუმო გაყიდვებისთვის საქონლის საბაჟო ღირებულების 10 პროცენტით განისაზღვრა. საცალო ქსელში კი, სიაში შეტანილი პროდუქტების ფასები, მათი საბითუმო ფასის 12 პროცენტს არ უნდა აღემატებოდეს.

გარდა ამისა, მთავრობამ, ცალკე განკარგულებით, ადგილობრივ ბაზარზე ფასების მკვეთრი ზრდის გამო, ფარმაცევტული პროდუქტებისა და მედიკამენტების, აგრეთვე სოფლის მეურნეობისთვის საჭირო ქიმიკატებისა და სასუქების იმპორტი საბაჟო გადასახადის გაათავისუფლა.

სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო