აფხაზეთში ე.წ. საპრეზიდენტო კანდიდატების რეგისტრაცია დასრულდა
აფხაზეთის 2025 წლის საპრეზიდენტო არჩევნების კანდიდატები
აფხაზეთში ე.წ. პრეზიდენტობის კანდიდატების რეგისტრაცია დასრულდა.
15 თებერვალს რიგგარეშე საპრეზიდენტო არჩევნებში ხუთი კანდიდატი მიიღებს მონაწილეობას.
ესენი არიან:
- ბადრა გუნბა ყოფილი ვიცე-პრეზიდენტი, მოქმედი ხელისუფლების კანდიდატი, ანუ ექს-პრეზიდენტ ასლან ბჟანიას გუნდიდან. ამ დროისთვის გუნბა პრეზიდენტის მოვალეობას ასრულებს. ბევრი მის ერთადერთ კოზირად მიიჩნევს კრემლის ღია მხარდაჭერას.
- ადგურ არძინბა ოპოზიციის ერთადერთი კანდიდატი, აფხაზეთის სახალხო მოძრაობის ლიდერი. თავდაპირველად ვარაუდობდნენ, რომ არჩევნებში ოპოზიციის კიდევ ერთი წარმომადგენელიც მიიღებდა მონაწილეობას. მაგრამ ბოლო მომენტში ოპოზიციის კიდევ ერთმა ლიდერმა, პარლამენტის წევრმა კან კვარჩიამ ჯანმრთელობის პრობლემების მოტივით საპრეზიდენტო არჩევნები დატოვა. 2024 წლის 20 დეკემბერს, პარლამენტის სხდომაზე დაწყებული კონფლიქტის დროს, კვარჩია ცეცხლსასროლი იარაღიდან გასროლით დაჭრა მისმა კოლეგამ, დეპუტატმა ადგურ ხარაზიამ.
- სოხუმში, პარლამენტის სხდომაზე, სროლა იყო. ერთი დეპუტატი დაიჭრა, ერთი კი გარდაიცვალა
- არჩევნები აფხაზეთში: მმართველი პარტიის კანდიდატი და ოპოზიციის ლიდერი კრემლის ერთგულებაში ეჯიბრებიან ერთმანეთს
3-4. ამჟამინდელ არჩევნებში ცენტრისტებს წარმოადგენენ რუსეთში აფხაზეთის სავაჭრო მისიის ყოფილი ხელმძღვანელი ოლეგ ბარციცი და კონტროლის პალატის ყოფილი ხელმძღვანელი რობერტ არშბა. მათ არ შეიძლება ეწოდოს ფავორიტები საპრეზიდენტო რბოლაში, თუმცა იმის გათვალისწინებით, რომ ამომრჩეველთა დიდი პროცენტი არ ენდობა არც ამჟამინდელ ხელისუფლებას და არც ოპოზიციას, ბარციცს და არშბას მეორე ტურში მოხვედრის გარკვეული შანსები აქვთ.
5.ადგურ ხურუმალი ერთ-ერთი ბანკის ხელმძღვანელი, რომელსაც უზარმაზარი ფინანსური პრობლემები აქვს. “არასდროს ვყოფილვარ პოლიტიკაში და არც საზოგადოებრივ საქმიანობაში”, – ამბობს ხურუმალი. ის ითვლება უპირობო აუტსაიდერად, რომელსაც ოდნავი შანსიც არ აქვს.
ცენტრალურმა საარჩევნო კომისიამ ერთი კვირის ვადაში უნდა გადაამოწმოს ამ ხუთეულის მხარდასაჭერად შეგროვებული ხელმოწერები (2-დან 2,5 ათასამდე) და თუ დარღვევა არ იქნება, ისინი მიიღებენ კანდიდატის ოფიციალურ სტატუსს.
შეგახსენებთ, რომ ვადამდელი საპრეზიდენტო არჩევნები აფხაზეთში მას შემდეგ დაინიშნა, რაც ასლან ბჟანია გასული წლის ნოემბერში რუსეთ-აფხაზური საინვესტიციო შეთანხმების რატიფიცირების წინააღმდეგ მასობრივი პროტესტის ფონზე გადადგა.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
