კორონავირუსის გამო აფხაზეთს ჯარისკაცები დააკლდა
წელს აფხაზეთში ჯარში დაგეგმილზე მეოთხედით ნაკლები წვევამდელი გაიწვიეს. ამაში დამნაშავე კორონავირუსა – ჯერ პანდემიის გამო გაწვევა გადაიდო, შემდეგ კი ყველა აბიტურიენტი უნივერსიტეტში გამოცდის გარეშე ჩაირიცხა, რამაც პოტენციური ჯარისკაცების რაოდენობა მნიშვნელოვნად შეამცირა.
დაგეგმილი გაწვევა აფხაზურ ჯარში ჯერ კიდევ მარტში უნდა ჩატარებულიყო. თუმცა, პანდემიის გამო ზაფხულისთვის გადაიდო.
აფხაზეთის სამხედრო კომისრის, ბესლან ტარბას განცხადებით, წვევამდელთა გეგმა 75% -ით შესრულდა.
• სამხედრო გაწვევა – სამშობლოს დასაცავად თუ უფასო ყარაულებად?
• კომენტარი: სამშობლო წმინდა სიტყვაა, მაგრამ მისი ჯარი – არა. ქართული პატრიოტიზმის თავისებურებები
• ადამიანები, ვისთვისაც ომი არ მთავრდება. შესაძლებელია თუ არა პოსტტრავმული სინდრომის დამარცხება?
სამხედრო გაწვევას აფხაზეთში 18-დან 27 წლამდე ასაკის მამაკაცები ექვემდებარებიან. ისინი 18 თვის განმავლობაში მსახურობენ (მათთვის, ვინც უმაღლესი განათლება მიიღო, სამსახურის ვადა 12 თვეა).
”ჩვენი გასაწვევი რესურსი სკოლის კურსდამთავრებულებს მოიცავს, რომლებიც 18 წლის გახდნენ. საგაზაფხულო კამპანიის გადადების გამო, მათ უმაღლეს სასწავლებლებში ჩაბარება დაიწყეს. ჩვეულებრივ, ყველას საკითხს ცალკე ვსწავლობთ, თუ ვინმე სკოლაში კარგად სწავლობდა და სურს სწავლის გაგრძელება, მაშინ, ბუნებრივია, ჩვენ ვაძლევთ შესაძლებლობას გახდეს სტუდენტი. მაგრამ, აფხაზეთის სახელმწიფო უნივერსიტეტის ხელმძღვანელობამ გადაწყვიტა ყველა აბიტურიენტი უგამოცდოდ ჩარიცხოს, რაც ჩვენს რესურსზე უარყოფითად იმოქმედებს, ”- განუცხადა ჟურნალისტებს სამხედრო კომისარმა ბესლან ტარბამ.
გარდა ამისა, ბევრი წვევამდელი ჯანმრთელობის მდგომარეობის გამო “დაიბრაკა”. პირველ რიგში მიზეზებს შორის არის ხერხემლის, მეორე ადგილზე – ნერვული სისტემის დაავადებები.