"არა წამებას"! "საქართველო ივანიშვილის წინააღმდეგ"- ვიდეო ბლოგების სერიიდან "პროტესტი საქართველოში"
შაბათის მარში თბილისში
17 ოქტომბერს თბილისში კიდევ ერთხელ გაიმართა ტრადიციული “შაბათის მარში”. მოქალაქეებმა მსვლელობა ამჯერადაც ავლაბრის მეტროს მიმდებარე ტერიტორიიდან პარლამენტის მიმართულებით გამართეს.
პროტესტი საქართველოში. ყველა ვიდეო “არა წამებას!” “საქართველო ივანიშვილის წინააღმდეგ”- ეს იყო 44-ე შაბათის მარშის ძირითადი გზავნილები.
ტრადიციული შაბათის მარში ნაწილია იმ პროტესტისა, რომელიც საქართველოში 689-ე დღეა უწყვეტად მიმდინარეობს.
ძირითადი მოთხოვნები უცვლელია: პროევროპული აქციების დროს დაკავებულების გათავისუფლება და ახალი საპარალამენტო არჩევნების დანიშვნა.
თითქმის ორი წელია საქართველოში უწყვეტი საპროტესტო აქციები მიმდინარეობს. აქციის მონაწილეები ყოველ საღამოს იკრიბებიან ქვეყნის დედაქალაქში, თბილისსა და საქართველოს რამდენიმე პატარა ქალაქში.
აქციების მიმდინარეობისას ათობით ადამიანი დააკავეს. ბევრ მათგანს სისხლის სამართლის ბრალდება წაუყენეს და პატიმრობა მიუსაჯეს. პირველად, დამოუკიდებელი საქართველოს ისტორიაში, გვყავს 150-მდე სინდისის პატიმარი, მათ შორის ქალები. დაპატიმრებულია გამოცემების “ბათუმელებისა” და “ნეტგაზეთის” დამფუძნებელი, მზია ამაღლობელი. მას ორწლიანი პატიმრობა აქვს მისჯილი პოლიციელისთვის სილის გაწვნის ფაქტზე.
აქციის მონაწილეები ითხოვენ გათავისუფლდეს ყველა პოლიტიკური პატიმარი, დაინიშნოს ახალი საპარლამენტო არჩევნები და გაუქმდეს ყველა ის ანტიდემოკრატიული კანონი, რაც ბოლო ორ წელიწადში მიიღო “ქართულმა ოცნებამ”.
პროტესტის ჩასახშობად, “ქართული ოცნება” სულ უფრო ამკაცრებს რეპრესიებს სამოქალაქო საზოგადოებისა და მედიის წინააღმდეგ. თუმცა, უწყვეტი პროტესტი, სხვადასხვა ფორმით, დღემდე გრძელდება.
