პროტესტი პოლიციის ძალადობისა და დაუსჯელობის წინააღმდეგ. ვიდეო ბლოგების სერიიდან "პროტესტი საქართველოში"
მარში პოლიციის ძალადობისა და დაუსჯელობის წინააღმდეგ
“ერთად ძალადობისა და დაუსჯელობის წინააღმდეგ”-ამ ლოზუნგით გაიმართა საპროტესტო მსვლელობა უწყვეტი პროტესტის 563-ე დღეს.
პროტესტი საქართველოში. ყველა ვიდეო შაბათის ტრადიციული მარშის მონაწილეებმა ამჯერად პოლიციელების მხრიდან ძალადობა გააპროტესტეს. პროტესტი მოჰყვა კადრებს, რომლებიც ტელეკომპანია “პირველმა” გადაცემის ანონსის სახით გაავრცელა და რომელშიც ჩანს პოლიციელთა მიერ დაკავებული ახალგაზრდების ცემა.
ერთ წელზე მეტია საქართველოში უწყვეტი საპროტესტო აქციები მიმდინარეობს. აქციის მონაწილეები ყოველ საღამოს იკრიბებიან ქვეყნის დედაქალაქში, თბილისსა და საქართველოს რამდენიმე პატარა ქალაქში.
აქციების მიმდინარეობისას ათობით ადამიანი დააკავეს. ბევრ მათგანს სისხლის სამართლის ბრალდება წაუყენეს და პატიმრობა მიუსაჯეს. პირველად, დამოუკიდებელი საქართველოს ისტორიაში, გვყავს 150-მდე სინდისის პატიმარი, მათ შორის ქალები. დაპატიმრებულია გამოცემების “ბათუმელებისა” და “ნეტგაზეთის” დამფუძნებელი, მზია ამაღლობელი. მას ორწლიანი პატიმრობა აქვს მისჯილი პოლიციელისთვის სილის გაწვნის ფაქტზე.
აქციის მონაწილეები ითხოვენ გათავისუფლდეს ყველა პოლიტიკური პატიმარი, დაინიშნოს ახალი საპარლამენტო არჩევნები და გაუქმდეს ყველა ის ანტიდემოკრატიული კანონი, რაც ბოლო ორ წელიწადში მიიღო “ქართულმა ოცნებამ”.
პროტესტის ჩასახშობად, “ქართული ოცნება” სულ უფრო ამკაცრებს რეპრესიებს სამოქალაქო საზოგადოებისა და მედიის წინააღმდეგ. თუმცა, უწყვეტი პროტესტი, სხვადასხვა ფორმით, დღემდე გრძელდება.
