ეუთო-ს წარმომადგენელი: შეშფოთებული ვარ საქართველოში მიმდინარე მოვლენებით

ეუთო-ს წარმომადგენლის კომენტარი

სამხრეთ კავკასიის საკითხებში ეუთოს საპარლამენტო ასამბლეის სპეციალურმა წარმომადგენელმა ლუის გრაჩამ განცხადება გაავრცელა, რომელშიც შეშფოთებას გამოთქვამს საქართველოში მიმდინარე მოვლენებთან დაკავშირებით.

გავრცელებულ განცხადებაში ლუის გრაჩა ყველა მხარეს დიალოგისკენ მოუწოდებს. ის აღნიშნავს, რომ ძალადობრივი ქმედებები დაუშვებელია და დემონსტრანტებს, კანონის უზენაესობის პატივისცემით, მშვიდობიანი პროტესტის უფლების გამოყენებისკენ მოუწოდებს. ამავდროულად, მისივე თქმით, პოლიცია ვალდებულია, დემონსტრანტების წინაშე თავშეკავება გამოიჩინოს, ხოლო ხელისუფლებამ დემონსტრანტებს მოუსმინოს და ფუნდამენტურ თავისუფლებებს პატივი სცეს.

“ამ კრიტიკულ მომენტში ყველა მხარეს მოვუწოდებ ნდობის აღსადგენად და დემოკრატიული ინსტიტუტების გასაძლიერებლად, კონსტრუქციულ და ღია დიალოგში ჩართვისკენ. ქართველი ხალხი მშვიდობიან და დემოკრატიულ მომავალს იმსახურებს და ჩვენი ასამბლეა ამ მიზნის მისაღწევად ძალისხმევის მხარდაჭერაში ერთგული რჩება.” – წერს გრაჩა გავრცელებულ განცხადებაში.

გრაჩა თავის განცხადებაში არჩევნებსაც ეხება და ამბობს, რომ საქართველოში არჩევნები ღრმად პოლარიზებულ გარემოში ჩატარდა:

“როგორც საერთაშორისო სადამკვირვებლო მისიის წინასწარ დასკვნებშია აღნიშნული, არჩევნები ღრმად პოლარიზებულ გარემოში ჩატარდა, რასაც დღესაც ვხედავთ. ამავდროულად, ყველას მოვუწოდებ, გაითვალისწინონ ეუთო/ოდირის მოსალოდნელი საბოლოო ანგარიში, მოვუწოდებ ყველა მხარეს, ჩაერთონ კონსტრუქციულ და ღია დიალოგში ნდობის აღდგენისა და დემოკრატიული ინსტიტუტების გასაძლიერებლად.”

ბიძინა ივანიშვილი, ვახტანგ გომელაური, ვაჟა სირაძე, ხარება და სხვები – გამოქვეყნდა ბალტიის ქვეყნების მიერ სანქცირებულთა სია

ამ ქვეყნებში ისინი პერსონა ნონ გრანტად გამოცხადდნენ

29 ნოემბერს “ქართულმა ოცნებამ” ევროკავშირში გაწევრიანების პროცესი 2028 წლამდე შეაჩერა. შედეგად, თბილისსა და საქართველოს სხვადასხვა ქალაქში საპროტესტო აქციები დაიწყო. 

ბოლო ოთხი დღეა, სპეცრაზმი მიტინგებს ძალადობრივად შლის. წყლის ჭავლის და სხვა სპეციალური საშუალებების გამოყენების გარდა, კრიმინალური პოლიცია სცემს და აკავებს მომიტინგეებს. მათ შორის, გასულ ღამეს დაარბიეს რუსთაველის მეტროში ჩასული მოქალაქეები.

1 დეკემბერს ბალტიის სამი სახელმწიფო – ლიეტუვა, ლატვია და ესტონეთი – საქართველოში “ლეგიტიმური პროტესტის ჩამხშობების” წინააღმდეგ სანქციებზე შეთანხმდა. ამის შესახებ ლიეტუვის საგარეო საქმეთა მინისტრი გაბრიელიუს ლანდსბერგისი და ლატვიის საგარეო საქმეთა მინისტრი, ბაიბა ბრაჟე პლატფორმა X-ზე წერენ.

კონკრეტულად ხელისუფლების რომელი წევრების სანქცირებაზეა საუბარი, ამ ეტაპზე მინისტრებს არ დაუკონკრეტებიათ.