"ძალიან კარგი, მაგრამ რატომ ვსაუბრობთ ამაზე საჯაროდ?" - აფხაზეთში ბიზნესი ჯარს დაეხმარება

აფხაზეთში ბიზნესი ჯარს დაეხმარება

აფხაზეთის ხელისუფლებამ გამოაქვეყნა ანგარიში, რომლის მიხედვით მთავრობასა და ადგილობრივ ბიზნესმენებს შორის არმიის მხარდამჭერი მოლაპარაკებები წარმატებით დასრულდა. ამ მოლაპარაკებების შედეგად გამოქვეყნდა გრძელი სია, თუ რას დააფინანსებს კერძო ბიზნესი. საზოგადოება მიესალმა ასეთ მხარდაჭერას, მაგრამ მიუღებლად მიიჩნია მსგავსი თანამშრომლობის გასაჯაროება.

აფხაზეთში ბიზნესი ჯარს დაეხმარება

აფხაზეთში ბიზნესი ჯარს დაეხმარება

„ჩვენ ვვარაუდობთ, რომ ჯარში არის პრობლემები, კერძოდ, მატერიალური პრობლემები. მე ვფიქრობ, რომ კიდევ ერთხელ უნდა გამოვიყენოთ საკუთარი რესურსები. რა თქმა უნდა, ჩვენც გვაქვს კითხვები სახელმწიფოსთან, მაგრამ ახლა ძალიან რთული პერიოდია და ჯარს ჩვენი დახმარება სჭირდება. ახლა ვიფიქრებთ, ტექნიკურად როგორ მოვახერხოთ ეს“, – ადგილობრივი მედია შპს „აფხაზეთის ღვინისა და წყლების“ დირექტორის, ნიკოლაი აჩბას კომენტარს აქვეყნებს, რომელიც შეხვედრებში მონაწილეობდა.

აფხაზეთის ვიცე-პრემიერმა სერგეი პუსტოვალოვმა, რომელიც ხელმძღვანელობს სამუშაო ჯგუფს, აფხაზეთის ჯარში მობილიზების პროცესის გასაუმჯობესებლად, გამოაქვეყნა კონკრეტული სია, თუ რაში სჭირდება ჯარს დახმარება:

• მედიკამენტების მარაგის შევსება და პირველადი დახმარება;
• პარამედიკოსების მომზადება პრაქტიკული მედიცინის კურსებზე;
• თანამედროვე მობილური კომუნიკაციების დანერგვა;
• საჭირო რაოდენობის უპილოტო საფრენი აპარატების შეძენა და ამ აპარატების ოპერატორებისთვის სწავლების ორგანიზება;
• სამხედრო ნაწილების მომარაგება თანამედროვე პერსონალური დამცავი აღჭურვილობით (ჯავშანჟილეტი, ჩაფხუტი, ბალისტიკური სათვალე, ტაქტიკური ხელთათმანები);
• შეიარაღებული ძალების პირადი შემადგენლობისა და რეზერვის საველე ფორმების რეზერვის შექმნა;
• მაღალი გამავლობის მანქანების შეძენა;
• მცირე ზომის ავტომატური იარაღის ეტაპობრივი შემოტანა;
• თერმოგამოსახულებების შეძენა;
• დენის გენერატორების შეძენა.

აფხაზეთში ბიზნესი ჯარს დაეხმარება

• „343 ჰექტარი 11 რუსული ტანკის სანაცვლოდ“ – აფხაზეთში ოპოზიციას პარლამენტის იმედი აქვს
• კომენტარი: რამდენ ხანს შეიძლება გაგრძელდეს ომი უკრაინაში და როგორ დასრულდება ის რუსეთისთვის

აფხაზეთში ბიზნესი ჯარს დაეხმარება

ადგილობრივ მედიაში ფართოდ გაშუქდა ხელისუფლების წარმომადგენლების შეხვედრა ბიზნესის წარმომადგენლებთან. სწორედ შეიარაღებული ძალების მდგომარეობის ამ ღიაობამ საზოგადოებაში დიდი კრიტიკა გამოიწვია.

„უბრალოდ შოკირებული ვარ ბიზნესსაზოგადოების პრეზიდენტთან შეხვედრით. თუ თქვენ სერიოზულად გსურთ თავდაცვის საკითხებთან გამკლავება, რატომ ასაჯაროებთ ამას? – განაცხადა აფხაზეთის ომის ერთ-ერთმა ვეტერანმა, აფხაზეთის ეროვნულმა გმირმა ასლან კობახიამ – ჩვენ ვერასდროს მოვიგებდით ომს, ვლადისლავ არძინბას ყველასთვის რომ ეთქვა ბიზნესმენებთან შეხვედრების შესახებ.“

კობახიას მიაჩნია, რომ აფხაზეთის ირგვლივ ახლა ძალიან მძიმე ვითარებაა. „ასეთ პიარ კამპანიებს ზიანის გარდა არაფერი მოაქვს“, – ამბობს ის.

ბიზნესმენებთან შეხვედრის შესახებ განცხადება ასლან ბჟანიამაც გააკეთა.

„თუ მოულოდნელად მოხდა სიტუაციის ესკალაცია, ჩვენ მზად უნდა ვიყოთ ამისათვის.“ – ამბობს ის.

ბჟანიას გამოსვლამ საზოგადოებაში კითხვების დამატებითი ტალღა გამოიწვია. „ეს არის უკრაინის მოვლენების გამოძახილი და კარგ ფორმაში ყოფნის ბრძანება მოსკოვის ბრძანებიდან მოვიდა? ან აქვს თუ არა აფხაზეთის ხელმძღვანელობას რაიმე ინფორმაცია საქართველოს მხრიდან შესაძლო გეგმების შესახებ?“ – წერს ტელეგრამის არხი აფხაზეთი-ცენტრი.

სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო