9 მიზეზი კავკასიის უნივერსიტეტის სამაგისტრო პროგრამაზე ჩასაბარებლად. რჩევები მათთვის, ვინც მაგისტრატურაზე აბარებს
კავკასიის უნივერსიტეტის ხელმძღვანელები და ასევე კურსდამთავრებულები ამბობენ, რომ არსებობს 9 კონკრეტული მიზეზი, რატომაც კავკასიის უნივერსიტეტის მაგისტრატურა საზღვარგარეთ სწავლის კარგი ალტერნატივაა:
JAMnews-ი კავკასიის უნივერსიტეტთან ერთად გიყვებათ, რატომ უნდა მიაქციოთ ყურადღება CU-ს მაგისტრატურას.
მიზეზი 1: მდიდარი ტრადიცია და თანამედროვე ინფრასტრუქტურა
კავკასიის უნივერსიტეტი დიდი გამოცდილების მქონე, წარმატებული უმაღლესი სასწავლებელია. მისი ისტორია 1998 წლიდან ერთი ოთახით და რამდენიმე სტუდენტით იწყება.
დღეს უნივერსიტეტი1909 წელს აშენებულ და აღდგენილ კამპუსში ფუნქციონირებს და თანამედროვე ინფრასტრუქტურითა და აღჭურვილობით ერთ-ერთი ყველაზე მასშტაბური სასწავლო დაწესებულებაა რეგიონში.
მიზეზი 2: ორმაგი ხარისხის დიპლომი
კავკასიის უნივერსიტეტს აქვს შესაძლებლობა გასცეს ორმაგი ხარისხის დიპლომი. მათ შორის ერთი პრესტიჟული უცხოური უნივერსიტეტის დიპლომია.
ამ შესაძლებლობას ბიზნესის ადმინისტრირების პროგრამა იძლევა. პროგრამის წარმატებით დასრულების შემდეგ, სტუდენტს მიენიჭება საერთაშორისო ბიზნესის ადმინისტრირების ხარისხი კავკასიის ბიზნესის სკოლის მიერ და ბიზნესის ადმინისტრირების მაგისტრის ხარისხი გრენობლის ბიზნესის სკოლის მიერ.
სასწავლო მოდულები ტარდება წელიწადნახევრის განმავლობაში. მეცადინეობები ტარდება თბილისში.
მიზეზი 3: დასაქმების პერსპექტივა
კავკასიის უნივერსიტეტს თითქმის 100 პროცენტიანი დასაქმების სტატისტიკა აქვს.
უნივერსიტეტის კურსდამთავრებულები მუშაობენ სხვადასხვა მენეჯერულ პოზიციებზე, კერძო თუ საჯარო კომპანიებში არამხოლოდ საქართველოში, არამედ ევროპასა და აშშ-ში.
CU-ს დასაქმების დეპარტამენტის ხელმძღვანელი თამუნა შენგელია აღნიშნავს, რომ კავკასიის უნივერსიტეტის კურსდამთავრებულთა დასაქმება, როგორც წესი, საფეხურებად ხდება.
„სამაგისტრო პროგრამა აერთიანებს როგორც თეორიულ, ისე პრაქტიკულ კომპონენტს, ამიტომ სტუდენტები მოკლე დროში იძენენ საინტერესო და ახალ უნარებს. მათი დასაქმება პირველივე საფეხურიდან ხდება და შემდეგ სწრაფად მზარდია ამბიციებიც და შესაძლებლობებიც“.
მისი თქმით, კავკასიის უნივერსიტეტის სტუდენტებს სწავლის პროცესის დროს მუდმივი შეხება აქვთ კომპანიის მენეჯერებთან, CEO-ებთან, ამიტომ მათთვის სამსახურის პირველი დღე, სხვებთან შედარებით ნაკლებად სტრესულია.
„დამსაქმებლებისგან ხშირად მომისმენია, რომ ჩვენ სტუდენტებს აქვთ განსაკუთრებული უნარები სწრაფად ადაპტირდნენ გარემოში,“ – ამბობს თამუნა შენგელია.
კავკასიის უნივერსიტეტის კურსდამთავრებული სანდრო ცხვარაძე, რომელიც ამჟამად ევროკავშირის პროექტში მუშაობს, ამბობს, რომ დამსაქმებლებს უყვართ თუკი პოტენციური თანამშრომლის სივიში კავკასიის უნივერსიტეტს ამოიკითხავენ:
„ეს არ არის დიპლომზე გამოკიდება. ჩემი აზრით, ეს იმიტომ ხდება, რომ ამ უნივერსიტეტს აქვს შინაარსი, ღირებულებათა სისტემა. კავკასიის უნივერსიტეტში სწავლა ნიშნავს რომ მიზანი გაქვს, რომ ძალიან ბევრი იმუშავე როგორც შენ თავთან, ისე სხვებთან ერთად,“ – ამბობს ის.
მიზეზი 4: სწავლის მოქნილი გრაფიკი
კავკასიის უნივერსიტეტში სწავლის მოქნილი სისტემაა, რაც საშუალებას აძლევს სტუდენტებს, რომლებსაც, მაგალითად, ოჯახი ჰყავთ ან სამსახური აქვთ, ხარისხიანი განათლება მიიღონ ისე, რომ პირად საქმეებს და ცხოვრებას არ მოწყდნენ.
კავკასიის უნივერსიტეტის მაგისტრანტები განსაკუთრებით აღნიშნავენ, რომ სისტემა ძალიან პრაქტიკულია – უფრთხილდება პროგრამის მონაწილეთა დროს და ფინანსებს.
„სამაგისტრო პროგრამა არის ძალიან კარგად მორგებული დამოუკიდებელ, ზრდასრულ ადამიანებზე, რომლებმაც კარგად იციან რა უნდათ და ასევე იციან ყოველი წუთის ფასი. ხშირ შემთხვევაში მაგისტრატურის სტუდენტები უკვე დასაქმებულები არიან, მუშაობენ და სწავლის საფასურსაც თავად იხდიან. ამიტომ, განცდა იმისა, რომ აქ გატარებული ნებისმიერი წუთი უნდა იყოს პროდუქტიული – ძალიან მნიშვნელოვანია მათთვის,“ – ამბობს ირინე ხიზანიშვილი, კავკასიის უნივერსიტეტის კურსდამთავრებული, რომელიც ამჟამად საქართველოს რკინიგზის საზოგადოებასთან ურთიერთობის დეპარტამენტს ხელმძღვანელობს.
მიზეზი 5: განათლების თანამედროვე კონცეფცია
კავკასიის უნივერსიტეტის მნიშვნელოვანი უპირატესობაა მისი კონცეფცია – უნივერსიტეტს კურსდამთავრებული უნდა იყოს ადამიანი, რომელსაც არ ეშინია სიახლეების, მარტივად უღებს ალღოს და ადაპტირდება სიახლეებთან.
„ყველაზე მთავარი, რაც სტუდენტებმა ჩვენთან უნდა ისწავლონ, არა რომელიმე კონკრეტული მიმართულებაა, არამედ სიახლეებთან თანაცხოვრების, ცვლილებების წინასწარ შეგრძნების და მიღებული ცოდნის ნებისმიერ ახალ გარემოსთან ადაპტირების უნარია. ჩვენი მიზანია ვასწავლოთ ადამიანებს უნივერსიტეტში მიღებულ ცოდნასთან ერთად განვითარება“, – ამბობს კახა შენგელია, კავკასიის უნივერსიტეტის პრეზიდენტი.
მიზეზი 6: პროგრამების მრავალფეროვნება
კავკასიის უნივერსიტეტი დღეს რამდენიმე პროგრამას აერთიანებს. აქამდე არსებულ ტრადიციულ მიმართულებებს (ბიზნესის ადმინისტრირება, სახელმწიფო მართვა, პიარი და სხვები) ახალი მიმართულებებიც დაემატა. მათ შორისაა, საზოგადოებრივი ჯანდაცვა, კლინიკური არტთერაპია, თუ ციფრული ლოგისტიკის მენეჯმენტი და ა.შ.
ყველა შემთხვევაში მიდგომა – ერთია: აქ მიღებული ცოდნა პრაქტიკაზე ორიენტირებულია.
„საკუთარ თავზე გამოვცადე თუ რა უპირატესობები აქვთ ბიზნესის ადმინისტრირების კურსდამთავრებულებს. მათ უნივერსალური ცოდნა აქვთ და როგორც წესი, ძალიან განსხვავებული ხედვა, რაც სჭირდება ადამიანს არამხოლოდ ბიზნესის მართვის დროს, არამედ მაგალითად, სამეწარმეო საქმიანობის წამოწყებისას, ან არქიტექტორული პროექტების დაგეგმარებისას. ის რაც CU-დან წამოვიღე, ყველაფერი პრაქტიკაში გამომადგა,“ – ამბობს, უნივერსიტეტის კურსდამთავრებული ელენე კახნიაშვილი, რომელიც უკვე რამდენიმე წელია ქართულ კომპანიაში „მეიჯერალ საქართველოში“ მუშაობს – ჯერ სტაჟიორი იყო, ახლა კი, იურისტია ბიზნესის მართვის უნარებით.
მიზეზი 7: ბევრი ახალი, საჭირო კონტაქტი
სტუდენტი ამბობენ, რომ კავკასიის უნივერსიტეტის სამაგისტრო პროგრამა არის არაჩვეულებრივი გარემო არამხოლოდ სწავლისთვის, არამედ ახალი კონტაქტებისთვის.
პროგრამაზე სწავლის პერიოდში სტუდენტებს უამრავ წარმატებულ ადამიანთან აქვთ ურთიერთობა, კომპანიის მენეჯერებთან, ექსპერტებთან და ა.შ. შესაბამისად, ეს არის კარგი საშუალება გაიზიარო არა მარტო სხვისი გამოცდილება, არამედ საკუთარი შესაძლებლობების დემონსტრირებაც მოახდინო და გაიცნო ადამიანები, რომლებიც კარიერულ წინსვლაში დაგეხმარებიან.
მიზეზი 8: CU გრანტი
კავკასიის უნივერსიტეტის კიდევ ერთი უპირატესობა არის CU გრანტი. CU გრანტი დამატებითი შეღავათია სტუდენტებისთვის და სახელმწიფო გრანტთან ერთად მოქმედებს. სამაგისტრო პროგრამების შერჩევის დროს, ბევრი სტუდენტისთვის, CU გრანტის მოპოვების შესაძლებლობა გადამწყვეტია ხოლმე.
CU გრანტის მოპოვების ორი შესაძლებლობა არსებობს: თუ ნებისმიერი უნივერსიტეტის საბაკალავრო პროგრამის კურსდამთავრებული ხართ და ბაკალავრიატის ჯამური ქულათა საშუალო შეწონილი (GPA) 3,5 და თუ საერთო სამაგისტრო გამოცდაზე დააგროვებთ 107 000 000 საგრანტო ქულაზე მეტს.
მიზეზი 9: პროფესიონალი ლექტორები
კავკასიის უნივერსიტეტი ლექტორებს საგულდაგულოდ არჩევს. იმისთვის რომ ლექცია წაიკითხონ, მხოლოდ აკადემიური ხარისხი არ კმარა. პირველ რიგში აქაური ლექტორი პრაქტიკოსი უნდა იყოს, თავის საქმის კარგი სპეციალისტი ან მენეჯერი.
სანდრო ცხვარაძე გვიყვება, რომ CU-ში ლექციები უფრო თანამშრომლობას ჰგავს:
„მახსოვს, ლექტორთან ერთად როგორ შეგვქონდა ცვლილებები პროგრამაში თუ რა უნდა გვესწავლა, ან არ გვესწავლა. ეს საკმაოდ საინტერესო პროცესია. ასეთ დროს აღმოაჩენ ხოლმე რა არის აქტუალური და რა – დრომოჭმული; ან თურმე რას უნდა მიაქციო ყურადღება და ა.შ. სასწავლო მეთოდი რაიმეს დაზეპირებაზე არ არის ორიენტირებული, აქ კრიტიკულ აზროვნებას ასწავლიან.“
