ჯარის გაყვანის მოთხოვნის საპასუხოდ, ტრამპი ერაყს სანქციებით ემუქრება

აშშ-ის პრეზიდენტმა, დონალდ ტრამპმა ერაყის წინააღმდეგ მკაცრი სანქციების დაწესების პირობა დადო, ამ ქვეყნის პარლამენტის მიერ, საკუთარი ტერიტორიიდან უცხო ქვეყნის ჯარების გაყვანის მოთხოვნის საპასუხოდ. ამის შესახებ BBC იტყობინება.

„ჩვენ იქ განსაკუთრებით ძვირი სამხედრო ბაზა ავაშენეთ, რომელიც მილიარდობით დოლარი დაგვიჯდა. ჩვენ მანამ არ წავალთ, სანამ ანგარიშს არ გაგვისწორებენ“.

ამერიკის პრეზიდენტის განცხადება მოჰყვა წინა დღეს, ერაყის პარლამენტის მიერ მიღებულ გადაწყვეტილებას, რომელმაც საკუთარი ქვეყნის ტერიტორიიდან, აშშ-ის ხელმძღვანელობით მოქმედი საერთაშორისო კოალიციის ჯარების გაყვანა მოითხოვა.

აღნიშნული კოალიცია „ისლამური სახელმწიფოს“ წინააღმდეგ შეიქმნა. ამერიკელ სამხედროთა რაოდენობა ახლა ერაყში ხუთი ათას ადამიანს აღწევს.

უცხო ქვეყნის ჯარების გაყვანის მოთხოვნით ერაყის პარლამენტი ზუსტად სამ დღეში გამოვიდა მას შემდეგ, რაც ბაღდადის აეროპორტის მახლობლად, ირანელი გენერალი, ყასემ სოლეიმანი მოკლეს.

_____________________________________________________________________________________________

•ყასემ სოლეიმანი? ვინ იყო ის და რა საფრთხეს შეიცავს მისი სიკვდილი?

•მ

_____________________________________________________________________________________________

სოლეიმანმა ერაყში შიიტური შეიარაღებული დაჯგუფებები ჩამოაყალიბა, რომლებიც პასუხისმგებლები არიან ამ ქვეყანაში აშშ-ის საელჩოზე თავდასხმასა და ხელში ჩაგდების მცდელობაში.

„ჩვენ მათ წინააღმდეგ ისეთ სანქციებს დავაწესებთ, რომლის მსგავსიც ჯერ არ უნახავთ“, – განაცხადა ტრამპმა.

ერაყის პარლამენტის რეზოლუციას უცხო ქვეყნის ჯარების გაყვანის შესახებ იურიდიულად სავალდებულო ხასიათი არ გააჩნია.