სომხეთის ეკოლოგები: მოსალოდნელია თავსხმები და წყალდიდობები

ეკოლოგები  გვაფრთხილებენ სომხეთში მოსალოდნელი მეწყერებისა და წყალდიდობების შესახებ, რაც საგაზაფხულო დათბობას მოჰყვება – როდესაც ტემპერატურის მკვეთრი მატების შედეგად 2016-2017 წლების ზამთრის თვეებში მდინარეების აუზებში დიდი რაოდენობით დაგროვილი თოვლი დნობას დაიწყებს. ასევე, იმავე პერიოდში მოსალოდნელია კოკისპირული წვიმებიც.

ორგანიზაციის  „სტაბილური განვითარებისთვის“  ხელმძღვანელი, ეკოლოგი კარინე დანიელიანი ვარაუდობს, რომ წყალდიდობების საფრთხე შესაძლოა მინინალური იყოს, თუკი მკვეთრად არ დათბება.

მოცემულ მომენტში საფრთხე არც ისე თვალსაჩინოა, მაგრამ ზამთრის განმავლობაში ზომაზე მეტი თოვლის მოსვლამ წყალდიდობის ყველანაირი წინაპირობა შექმნა. ამიტომ, ეკოლოგები სიტუაციის გამწვავებამდე საპროფილაქტიკო ზომების მიღებისკენ მოგვიწოდებენ.

მდინარეების და არხების ყველაზე მოწყვლად მონაკვეთებზე ხელისუფლების ინიციატივით ნიაღვარსაწინააღმდეგო ღონისძიებები დაიგეგმა, კერძოდ ერევანი-გორისი-მეგრის მონაკვეთზე, კაპანის წყალსაცავსა და მოვროვის შესართავებთან.

თუმცა, ეკოლოგების აზრით, ეს არა სრულმაშტაბიანი, არამედ ლოკალური ზომებია, რაც ქვეყანას, და ნაწილობრივ დედაქალაქსაც, სტიქიისგან ვერ დაიცავს. ერევანი და ტყის საფრს მოკლებული სხვა ქალაქები, ამ თვალსაზრისით, უფრო დიდი საფრთხის წინაშე არიან.