სამხრეთ ოსეთში ქართულ-ოსური კონფლიქტის ერთ-ერთი ცნობილი სახე, მარეკ დუდაევი მოკლეს
სამხრეთ ოსეთში, ცხინვალსა და თბილისში ცნობილი ადამიანი მარეკ დუდაევი მოკლეს. 1990-იან წლებში ქართულ-ოსური კონფლიქტის დროს ის იყო „სახალხო შურისმაძიებელი“, ოსურ სოფლებში ორგანიზებას უწევდა შეიარაღებულ წინააღმდეგობებს. ამავდროულად, ის, სავარაუდოდ, რეკეტიორიც იყო და ადგილობრივ ოს მეწარმეებს „მფარველობდა“.
ცხრა წლის განმავლობაში ის თბილისის ციხეში იჯდა ბანდიტიზმის და რამდენიმე მკვლელობის ბრალდებით – ითხოვდა და მონათლა კიდეც თვით საქართველოს კათოლიკოს-პატრიარქმა ილია მეორემ. ოთხი წლის წინ საკამათო გარემოებებში ციხიდან გაათავისუფლეს (2027 წლამდე უნდა მჯდარიყო), ის სამხრეთ ოსეთში წავიდა, სადაც მასზე მალევე აღიძრა საქმე გამოძალვის ბრალდებით.
მარეკ დუდაევს ცნობილი უფლებადამცველები იცავდნენ, მას „ერთდროულად მსხვერპლს, ბანდიტს და რობინ ჰუდს“ უწოდებდნენ.
როგორც სამხრეთ ოსეთის შინაგან საქმეთა სამინისტრომ სამხრეთ ოსეთის საინფორმაციო სააგენტო „რეს“-ს განუცხადა, მკვლელობა დუდაევის მშობლიურ სოფელ არცეუში მოხდა. გარდაცვლილი სოფლის ყოფილი კლუბის შენობაში იპოვეს. მას სამი ტყვია ჰქონდა მოხვედრილი.
წინასწარი ინფორმაციით, მკვლელობამდე ამ შენობაში სუფრა იყო გაშლილი, რომელსაც ერთ-ერთი მისი თანასოფლელი ესწრებოდა. სწორედ მან ესროლა დუდაევს – ეჭვმიტანილი დანაშაულის ადგილიდან მიიმალა.
მარეკ დუდაევის დეტექტიური ისტორიის დეტალები JAMnews-ის მასალაში, რომელიც ერთი წლის წინ გამოქვეყნდა:
