Qafqazda koronavirus. Azərbaycanda və Ermənistanda yeni yoluxmaların sayına görə anti-rekordlar

Son sutkada 14 nəfər ölüb, epidemiya başlayandan ölənlərin ümumi sayı 386 nəfərə çatıb.

Ümumilikdə 21717 nəfər yoluxub, onlardan 10797 nəfər sağalıb.

Bu gün xəstəxanadan evə buraxılanlar arasında 99 yaşlı İkinci Dünya Müharibəsi veteranı da var.

Ermənistanda fövqəladə vəziyyət rejimi iyulun 13-ə qədər davam etməlidir.

Ermənistanda koronavirusun iqtisadi fəsadlarını aradan qaldırmaq üçün kimə və hansı yardım ediləcək?

Peterburqda Pokrovski xəstəxanasında yoluxan 155 nəfərdən 87 nəfəri tibb personalıdır. Rəsmi araşdırma başlayıb, ilkin əsas nəticələrdən biri xəstəxana daxilində epidemioloji rejimin kobud şəkildə pozulmasıdır.

Hələ apreldə xəstəxananın həkimləri və tibb bacıları müdafiə vasitələri ilə təmin olunmaları üçün yalvarırdılar və bir neçə video-müraciət yaymışdılar.

Xəstəxananın baş həkimi Marina Baxoldina hər şeyi inkar edirdi. İyunun 21-də isə Rusiya prezidenti onu “koronavirus infeksiyası ilə fədakar mübarizəsinə görə” “Əmək Qəhrəmanı” adı ilə təltif edib.

Həmin xəstəxananın reanimatoloq həkimi Sergey Sayapin iş yerində koronavirusa yoluxub və artıq sağalıb. O, “Azadlıq Radiosu”na bildirib ki, “baş həkimin təltif olunması həqiqətən epidemiya ilə mübarizə aparanların ələ salınmasıdır”.

· Şərh: Rusiya Putindən yorulub. Nə etmək olar?

Ermənistanda sutka ərzində 520 yeni yoluxma və 10 ölüm halı qeydə alınıb. Pandemiya başlayandan ümumilikdə 19708 nəfər yoluxub, onlardan 332 nəfər ölüb, 8854 nəfər sağalıb.

Ermənistanda fövqəladə vəziyyət iyulun 13-ə qədər davam etməlidir.

Yük təyyarəsi Çindən Yerevana tibb avadanlıqları gətirib. Bu avadanlıqlar büdcə vəsaiti hesabına alınıb.

Xəstəxanalar da ağciyərlərin süni ventilyasiyası aparatları, fərdi təmiz hava təminatı aparatları, tibbi müdafiə maskaları, xüsusi geyim və diaqnostika testləri ilə təmin ediləcək.

Ermənistanda koronavirusun iqtisadi fəsadlarının aradan qaldırılması üçün kimə və hansı yardım göstərilir?

Ötən sutka ərzində Azərbaycanda növbəti rekord yoluxma sayı qeydə alınıb – 491 hal. Ümumilikdə pandemiya başlayandan 12729 nəfər yoluxub.

Sutka ərzində daha 6 nəfər ölüb və ölənlərin ümumi sayı 154 nəfərə çatıb.

6799 nəfər sağalıb.

Azərbaycanda karantin rejimi yenidən sərtləşdirilib. İnsanlar yenə də evdən yalnız sms-icazə alandan sonra 2 saatlıq çıxa bilir. Bu sistem Azərbayanda 2020-ci ilin aprelində tətbiq olunub.

Karantin rejimi avqustun 1-ə qədər uzadılıb.

·Koronavirusu gizlətmək, yoxsa iqnor etmək? Hər ikisi! Bakıdan hekayə

Ümumdünya Səhiyyə Təşkilatı sutka ərzində 183 min yeni yoluxma halı qeydə alıb – bu, bütün pandemiya müddətində rekord göstəricidir.

Bütün dünyada pandemiya başlayandan ümumilikdə 9 milyon insan virusa yoluxub.

Son bir gün ərzində yeni yoluxma hallarının əksəriyyəti Braziliyada – 55 min, ABŞ-da – 37 min və Hindistandadır – 15 min yeni yoluxma halı.

Pandemiya başlayandan bütün dünyada koronavirusdan 470,804 nəfər ölüb.

Yoluxanların sayına görə ilk beş ölkə:

ABŞ — 2,3 milyon

Braziliya — 1 milyon

Rusiya — 585 min

Hindistan — 426 min

Böyük Britaniya — 304 min.

• “Məzarlıqda yox, evdə qalın”. Ölkələr yeni koronavirus dalğasının öhdəsindən necə gəlir?

• Koronavirus pandemiyası ilə bağlı Qafqazda hadisələrin xronikası