Azərbaycanlı bloger iki il həbs cəzasına məhkum olunub

Populyar “Sancaq” səhifəsini aparan məşhur bloger Mehman Hüseynov iki il müddətinə hökm cəzasına məhkum olunub. Hüseynov hüquq-mühafizə orqanlarına böhtan atmaqda müqəssir bilinib və məhkəmə zalında həbs olunub.

Mehman Hüseynov son sözündə bildirib ki, bu, yuxarıdan verilən sifarişdir və onun fəaliyyəti ilə bağlıdır.

Mehman Hüseynov Bakının mərkəzində yanvarın 9-da axşam mülki geyimli naməlum şəxslər tərəfindən saxlanılıb və naməlum istiqamətdə aparılıb. Bir neçə saat sonra Hüseynov bildirib ki, Bakının Nəsimi rayon polis şöbəsindədir. Bloger əlavə edib ki, saxlanma zamanı ona qarşı zor tətbiq edilib, dindirmə vaxtı isə işgəncələrə məruz qalıb. “Mənə 8 nəfər hücum çəkdi, ağzımı bağladılar, başıma kisə keçirdilər, elektroşokerlə vurdular və maşına soxdular. Yolda burnumdan qan axdığını hiss etdim. Yəqin ümid edirdilər ki, onlara yalvaracam, imdad diləyəcəm, amma bunu etmədim. Məni harasa gətrib təhqir etdilər, södülər. Onlara dedim ki, nə etsəniz də işimdən imtina etməyəcəm”.

Növbəti gün məhkəmə Hüseynova “polisə müqavimət göstərdiyinə görə” 200 manat həcmində cərimə tətbiq edib.

Bloqerin ittihamlarını şərh edən DİN mətbuat xidmətinin rəhbəri, polis polkovniki Ehsan Zahidov bildirib ki, Mehman Hüseynovun sözləri yalandır:

“Polis orqanlarında insanları döymür və elektroşokerlə işgəncə vermirlər. Mehman Hüseynov bütün bunları uydurub, bu, nağıl və böhtandır. Buna görə polis əməkdaşları Mehmanı məhkəməyə verə bilər, amma onlar humanizm nümayiş etdirir və buna əl atmırlar. Mehman Hüseynov kimdir ki, onu bu cür reklam edirlər? Hər gün onlarla insanı nizam-intizamı pozduqlarına görə saxlayır və cərimələyirlər. Mehman da həmçinin nizam-intizamı pozduğu üçün cərimələnib”, – Zahidov söyləyib.

İşgəncələrin tətbiqi ilə bağlı sözlər böhtan iddiası üçün səbəb olub. İttihamçı tərəf əvvəlcə üç il müddətinə azadlıqdan məhrim etmə cəzası tələb edib. Hakim Hüseynova iki illik həbs cəzası kəsib.

“Mehman Hüseynovun həbsi siyasi iradəni nümayiş etdirir. Belə hesab edirəm ki, məhkəmə müstəqil qərar çıxarmayıb”. “Azadlıq” radiosunun xəbər verdiyi kimi, bu haqda blogerin vəkili Elçin sadıqov məhkəmədən sonra jurnalistlərə müsahibəsində deyib.

• Facebook-da “Sancaq Production”-un səhifəsi

• Mehman Hüseynovun Fövqəladə Hallar Nazirliyinin biznesi haqqında qalmaqallı videosu: