Հայաստանի ամենախոշոր գործարարներից մեկը վերադառնալում է քաղաքականություն

«Բարգավաճ Հայաստան» կուսակցության նախկին նախագահ Գագիկ Ծառուկյանը հայտարարել է, որ բացում է իր քաղաքական գործունեության փակված էջը և մասնակցելու է 2017 թվականի խորհրդարանական ընտրություններին՝ ձևավորելով  ընդդիմադիր ուժերի լուրջ դաշինք:

Ծառուկյանի խոսքով, ինքը զերծ կմնար քաղաքական գործընթացներին մասնակցելուց, եթե տեսներ ու վստահ լիներ, որ Հայաստանն ընթանում է ճիշտ ճանապարհով, տնտեսությունը զարգանում է, ժողովրդի բարեկեցության մակարդակը բարձրանում է:

Սակայն մեծ չափերի հասնող արտագաղթը, թույլ ու հիվանդ տնտեսությունը, աղքատության անընդհատ աճը, բարձր չափերի հասնող գործազրկությունը և ապագայի նկատմամբ մարդկանց անվստահությունը ստիպել են վերանայել քաղաքականությունից հեռանալու որոշումը:

«Կյանքիս այս կարևոր որոշումը իմ խաչն է, որը կրելու եմ մինչև վերջ՝ հանուն Հայաստանի և հայ ժողովրդի», — հայտարարել է Հայաստանի ամենախոշոր գործարարներից մեկը:

Գագիկ Ծառուկյանը լքել է քաղաքական դաշտը 2015 թ.-ին` ՀՀ նախագահ Սերժ Սարգսյանի հետ ունեցած տարաձայնությունների պատճառով: Նրանց միջև հարաբերությունները սրվեցին 2015 թ.-ի փետրվարի կեսերին: Երկրի նախագահը քննադատել էր Ծառուկյանի գործունեությունը և հայտարարել, որ, նա երկրի համար չարիք է դարձել: Ծառուկյանը մարտի սկզբին լքեց «Բարգավաճ Հայաստան» կուսակցության նախագահի պաշտոնը: Ավելի ուշ հարաբերությունները ՀՀ նախագահի հետ վերականգնվեցին:

Այդ պատճառով էլ Ծառուկյանի վերադարձը միանշանակ չի ընկալվում, քաղաքական վերլուծաբանների կարծիքով, իշխանությունը նրան այժմ օգտագործելու է որպես «գրպանային», կառավարելի ընդդիմություն: