NDI. 40%-ի համար ընդունելի են «Վրացական երազանքի» հայացքները

ԱՄՆ Ազգային-ժողովրդավարական ինստիտուտի (NDI) անցկացրած հերթական հարցման համաձայն՝ հարցման մասնակիցների 40%-ը պնդում է, որ իրենց առավել հարազատ են իշխող «Վրացական երազանք» կուսակցության հայացքները: Հարցման մասնակիցների 22%-ի պնդմամբ՝ կուսակցություններից ոչ մեկ չի արտացոլում իրենց հայացքները:

Հարցին, թե որ կուսակցությունն է առավել մոտ իրենց հայացքներին, 10%-ը նշել է «Ազգային շարժումը», 3%-ը՝ «Հայրենասերների դաշինքը» և 3%-ը՝ «Ազատ դեմոկրատները»:

Բացի այդ, NDI-ի հետազոտության համաձայն՝ հարցման մասնակիցների 33%-ը չգիտի՝ ով է Վրաստանի խորհրդարանում իր համամասնական պատգամավորը:

«Ո՞վ է ձեր համամասնական պատգամավորը» հարցին հոկտեմբերի 8-ին ընտրություններին մասնակցած քաղաքացիների 65%-ը ճիշտ պատասխան է տվել, 8%-ը՝ սխալ, 25%-ը պատասխանել է, որ չգիտի, իսկ 1%-ն ընդհանրապես հրաժարվել է պատասխանել:

NDI-ի հարցումն անցկացվել է 2016թ. նոյեմբերի 4-ից դեկտեմբերի 4-ն ընկած ժամանակահատվածում՝ ուղղակի հարցազրույցների մեթոդով, ներկայացուցչական ընտրանքով: Ընդհանուր առմամբ հարցմանը մասնակցել է 3141 մարդ ամբողջ Վրաստանում (բացառությամբ օկուպացված շրջանները):