Երևանում տեղի ունեցավ Իվան Դորնի մենահամերգը
Երգիչ, դի-ջեյ և հաղորդավար Իվան Դորնը Երևանը լցրեց փոփ երաժշտության հնչյուններով: Նրա համերգը տեղի ունեցավ «Դալմա Գարդեն մոլ»-ի բացօթյա հատվածում:
Իվան Դորնը կատարեց իր նոր ալբոմի երգերից, ապա ներկայացրեց հայտնի հիթերը՝ աշխույժ ռիթմերի շնորհիվ մի քանի ժամ պարեցնելով հայ հանդիսատեսին:
Համերգի ժամանակ երգիչը կատակեց, որ այնքան է հավանել երևանյան տուրը, որը գուցե սկսի հայկական արմատներ փնտրել: Իվան Դորնը պատմեց, թե ինչպես է հայկական գինի խմել այս օրերին ընթացքում, ինչ կերակուրներ է համտեսել: Նա խոստացավ վերադառնալ՝ նշելով, որ իրեն դուր է գալիս, թե ինչպես է Հայաստանում զարգանում երաժշտություն լսելու, ընկալելու մշակույթը:
Իվան Դորնը երաժշտական կրթություն է ստացել՝ դաշնամուրի դասարանում և դարձել երաժշտական մրցումների հաղթող: 2007-ից հայտնի է դարձել «Пара Нормальных» դուետի կազմում ելույթներով: Սոլո գործունեությունը սկսել է 2010թ.-ից, թողարկել սեփական երգերը, որոնց թվում են «Стыцамэн», «Бигуди», «Северное сияние», «Тем более» հիթերը։ Ներկայումս երգիչն աշխատում է արևմտյան շուկան գրավելու ուղղությամբ:
