Ֆրանսիան նախագահ է ընտրում
Ֆրանսիական հանրապետության ղեկավարի պաշտոնի թեկնածուները չորսն են՝ «Ազգային ճակատի» առաջնորդ Մարին Լը Պենը, նախկին վարչապետ Ֆրանսուա Ֆիյոնը, էկոնոմիկայի նախկին նախարար Էմանուել Մակրոնն ու «Աննվաճելի Ֆրանսիա» շարժման առաջնորդ Ժան Լյուկ Մելանշոնը:
Լը Պենն առաջարկում է ուլտրաազգայնական և պոպուլիստական ծրագիր. խիստ միջոցներ միգրացիայի դեմ, Եվրամիությունից դուր գալ: Ֆիյոնը՝ պահպանողական աջ. պետական ծախսերի կտրուկ կրճատում (60 մլրդ եվրոյով):
Մակրոնը՝ ցենտրիստական. Եվրամիության անդամակցության պահպանում հարկային բեռի նվազման պարագայում:
Մելանշոնը՝ ծայրահեղ ձախ. նրա հարձակումների գլխավոր օբյեկտն ԱՄՆ-ն է և Գերմանիայի կանցլեր Մերկելը:
Սոցհարցումների տվյալներով՝ ընտրությունների առաջին փուլում թեկնածուներից յուրաքանչյուրը 20-ից մի փոքր ավել ձայներ է հավաքում: Երկրորդ փուլ անցնելու ամենահավանական թեկնածուներն են Մարին Լը Պենն ու Էմանուել Մակրոնը: Վերջինիս վերջնական հաղթանակի շանսերն ավելի բարձր են գնահատվում:
Ընդ որում, ֆրանսիացիների գրեթե մեկ երրորդն իրենց չկողմնորոշվածների թվին են դասում:
Նախընտրական քարոզարշավն ուղեկցվում էր բազմաթիվ սկանդալներով: Պարզվել է, որ Ֆրանսուա Ֆիյոնը բյուջետային միլիոնավոր գումարներ է ծախսել իր ընտանիքի անդամների ֆիկտիվ աշխատանքի վարձատրման համար: Մարին Լը Պենը ռուսական բանկից ծայրահեղ կասկաելի 9 մլն եվրոյի վարկ է ստացել:
Ռուսաստանի և նախագահ Պուտինի հանդեպ վերաբերմունքն այս ընտրություններին ամենակարևոր հարցերից մեկն է: Չորս թեկնածուներից միայն մեկն է (Էմանուել Մակրոնը), որ ՌԴ առաջնորդի հանդեպ համակրանք չի դրսևորել:
