Վրաստանի քաղաքացիները կարող են առանց վիզայի Եվրոպա մեկնել արդեն մարտի վերջից-ապրիլի սկզբից

553 «կողմ» և  66 «դեմ» ձայներով Եվրախորհրդարանը հաստատել է Վրաստանի համար առանց վիզայի ռեժիմ սահմանելու որոշումը: Այսօր առավոտվանից Բրյուսելում Եվրախորհրդարանի լիագումար նիստին քննարկվում էր Վրաստանի քաղաքացիների համար առանց վիզային ռեժիմ սահմանելու մասին կանոնակարգի ընդունման հարցը:

Այսօրվա քվեարկությունը վերջնականն էր Վրաստանի համար վիզայի ազատականացման հարցում: Սակայն ռեժիմի ուժի մեջ մտնելու համար մի քանի ընթացակարգեր է պետք իրականացնել: Մասնավորապես, նոր կանոնակարգը պետք է հաստատի ԵՄ խորհուրդը: Այնբանից հետո, երբ փաստաթուղթը ստորագրեն Եվրախորհրդարանի նախագահն ու ԵՄ նախագահող երկրի ԱԳՆ ղեկավարը, փաստաթուղթըկհրապարակվի պաշտոնապես, այնուհետև ուժի մեջ կմտնի 20 օրից: Հավանաբար, այդ ընթացակարգերը կավարտվեն մարտի վերջին-ապրիլի սկզբին:

• Վիզայի ազատականացման վերաբերյալ բանակցությունները Վրաստանն ու ԵՄ-ը վարում էին 2012թ-ից: Վրաստանի համար վիզային ռեժիմի ազատականացման վերաբեյալ դրական եզրակացությունն ընդունվել է Եվրահանձնաժողովի կողմից 2015թ-ի դեկտեմբերին: Սակայն վերջնական որոշման ընդունումը հետաձգվել էր առանց վիզայի ռեժիմի ժամանակավոր կասեցման մեխանիզմ մշակելու ԵՄ որոշումից հետո:

Ով և ինչպես կարող է օգտվել առանց վիզայի ռեժիմից.

• Վրաստանի քաղաքացիներն իրավունք կունենան գտնվելու Շենգենյան գոտում (այդ թվում՝ Շենգենյան գոտի մտնելու հավակնորդերկրների տարածք՝ Ռումինիա, Բուլղարիա, Կիպրոս, Խորվաթիա) առանց վիզայի 90-180 օր, ինչպես նաև՝ Շենգենյան մի երկրից մյուսըտեղափոխվելու:

• 90 օրից ավել մնալու դեպքում Վրաստանի քաղաքացին դուրս կբերվի Շենգենյան գոտուց, կձերբակալվի ու կվերադարձվի Վրաստան: Իսկ արդյունքում Վրաստանի քաղաքացին 5 տարի չի կարողանա օգտվել վիզային ռեժիմի ազատականացման արտոնություններից:

• Առանց վիզայի ռեժիմից օգտվելու համար Վրաստանի քաղաքացին պետք է ունենա կենսաչափական տվյալներով անձնագիր, ֆինանսական ապահովվածությունը հաստատող փոաստաթուղթ, հետադարձ տոմս ու հյուրանոցի ամրագրում: Վրաստանի քաղաքացինայս փաստաթղթերը ներկայացնում է անմիջապես սահմանին, այլ ոչ թե հյուպատոսարանում:

• Վիզային ռեժիմի ազատականացումը չի վերաբերում աշխատանքային միգրանտներին ու երկարաժամկետ կրթական վիզաներին: Նմանտեսակի վիզա ստանալու համար Վրաստանի քաղաքացին պետք է դիմի հյուպատոսություն:

Ո՞ր դեպքերում առանց վիզայի ռեժիմը կարող է կասեցվել

• Եթե Վրաստանը չհամագործակցի ռեադմիսիայի հարցում (Վրաստանից ԵՄ մեկնած և արտաքսման ենթարկվածսեփական և արտասահմանյան քաղաքացիների ընդունում):

• Եթե զգալիորեն աճի ապաստան փնտրողների թիվը

• Եթե զգալիորեն աճեն ԵՄ սահմաններն ապօրինի հատելու դեպքերը: