Հարավային Օսիայի բանակը սկսում է Ռուսաստանի բանակի մաս կազմել

Հարավային Օսիայի զինված ուժերը մասամբ կմտնեն ռուսական բանակի կազմ: Համապատասխան փաստաթուղթը ստորագրել է ՌԴ նախագահը:

Փաստաթուղթը կոչվում է «Հարավային Օսիայի առանձին ռազմական ստորաբաժանումները Ռուսաստանի զինված ուժերում ներառելու կարգի մասին համաձայնագիր» և հրապարակվել է ՌԴ կառավարության պաշտոնական կայքում:

Համաձայնագրում ասվում է, որ Վլադիմիր Պուտինը Ռուսաստանի պաշտպանության նախարարությանը հանձնարարել է Հարավային Օսիայի հետ բոլոր հարցերի շուրջ բանակցություններ անցկացնել:

Տվյալ պահին հայտնի դետալներ

Համաձայնագիրը դարձել է լրացուցիչ հստակեցնող փաստաթուղթ այն կետերի համար, որոնք արդեն ներառվել են Հարավային Օսիայի և Ռուսաստանի դաշնակցության և ինտեգրացիայի մասին պայմանագրում, որը ստորագրվել է 2014թ-ի նոյեմբերին:

Իրավական տեղեկատվության այդ նույն պաշտոնական կայքում տեղակայված է Հարվային Օսիայի քաղաքացիներին ռուսական զինված ուժերում ծառայելու իրավունք տալու մասին ՌԴ պաշտպանության նախարարության նախագիծը:

Տեքստի համաձայն՝ Հարավային Օսիայի քաղաքացիներն իրավունք կստանան պայմանագրով ծառայելու պաշտպանության նախարարության 4-րդ ռազմաբազայի զորամասերում, որը տեղակայված է Հարավային Օսիայում: Այդ զինծառայողները դրամական վարձատրություն կստանան և կօգտվեն բոլոր զինվորական արտոնություններից՝ ռուսական նորմերին համապատասխան:

Սակայն զինծառայողը նախապես պետք է Հարավային Օսիայի զինված ուժերում ծառայությունից ազատվի: Այսինքն, ընդգծված է նախագծում, հարավային Օսիայի զինված ուժերի թվաքանակը պետք է նվազի այն թվով, որքան քաղաքացի ծառայության կանցնի 4-րդ ռազմաբազայում:

Հիմնվելով նախնական նախագծի վրա, Հարավային Օսիան պնդում է, որ կպահպանի իր բանակի հանդեպ վերահսկողությունը նաև նշված համաձայնագրի ստորագրումից հետո:

«Հարավային Օսիայի կազմակերպչական-հաստիքային կառուցվածքի բոլոր փոփոխությունները համաձայնագրի ստորագրումից հետո անցկացվելու են հանրապետության զինվորականների կողմից: Այդպիսով, պաշտպանության նախարարությունը կպահպանի մարտական ստորաբաժանումները: Սա մեր հստակ դիրքորոշումն է», — 2017թ-ի մարտի սկզբին ասել է Իբրահիմ Գասեևը «ՌԵՍ» գործակալությանը:

Ոչ Ռուսաստանի պաշտպանության նախարարության նախագծում, ոչ նախագահի նոր ստորագրած համաձայնագրում չի քննարկվում Հարավային Օսիայի համար շատ կարևոր հարց.

որպեսզի ռուսակսան կողմը վավեր ճանաչի Հարավային Օսիայի զինված ուժերում զինվորական ծառայությունը և հարավօսական զինվորական գրքույկները:

Ինչպես որոշ ժամանակ առաջ փոխանցում էր Հարավային Օսիայի «ՌԵՍ» տեղեկատվական գործակալությունը՝ վկայակոչելով Հարավային Օսիայի պաշտպանության նախարար Իբրահիմ Գասեևին, «Հարավային Օսիայի ղեկավարությունն ուզում է հասնել այն բանին, որ ռուսական բանակում ծառայության անցնելիս ճանաչվեն ազգային բանակում ստացած զինվորական կոչումներն ու ծառայությունը»:

Մոսկովյան «Վեդոմոստի» թերթը գրում է, որ մոտ ապագայում նմանատիպ համաձայնագիր է ստորագրվելու Ռուսաստանի Անվտանգության դաշնային ծառայությունում Հարավային Օսիայի Պետանվտանգության կոմիտեի աշխատակիցների ծառայության անցնելու մասին: Ռուսական հատուկ ծառայություններին մոտ կանգնած աղբյուրը թերթին փոխանցել է, որ այդ համաձայնագրի նախագիծը նույնպես մշակված է:

• Հարավային Օսիայի ինքնիշխանությունն այսօր ճանաչում են Ռուսաստանը, Վենեսուելան, Նիկարագուան, Նաուրուի Տուվալուն:

Անկախությո՞ւն, թե՞ միացում Ռուսաստանին. սա Հարավային Օսիայի համար գլխավոր խնդիրն է: JAMnews—ի քաղաքական վերլուծությունը: 

Հոդվածում հնչած կարծիքներն արտահայտում են հեղինակի տերմինաբանությունն ու հայացքները և պարտադիր չէ, որ համընկնեն խմբագրության կարծիքի հետ