Կորոնավիրուսը Հայաստանում․ 20-րդ մահը և 47 նոր դեպք

Հայաստանում կորոնավիրուսից մահվան ևս մեկ դեպք է արձանագրվել։ Այս մասին իր ֆեյսբուքյան էջում գրել է վարչապետ Նիկոլ Փաշինյանը։

«Մահացել է 1 պացիենտ: Բուժվածները՝ 121: Ըստ այդմ, ունեցել ենք ակտիվ դեպքերի նվազում՝ 75-ով: Եթե նախորդ օրը հիվանդանոցներում բուժվում էր 780 մարդ, այսօր բուժվողների թիվը 705 է »:

Այսպիսով, Հայաստանում կորոնավիրուսի հետևանքով  արդեն 20 մահվան դեպք է արձանագրվել։

Ապրիլի 18-ի դրությամբ կորոնավիրուսով վարակվածների թիվն ավելացել է 47-ով և հասել 1248-ի։ Ապաքինվել է 523 քաղաքացի:

Հաաստանում արտակարգ դրություն է գործում մարտի 16–ից։ Այն հայտարարված էր մեկ ամսով։ Ապրիլի 13–ին կառավարությունը որոշեց երկարաձգել արտակարգ դրության ռեժիմը ևս մեկ ամսով։ Մարտի 25–ից գործում է նաև մարդկանց տեղաշարժի խիստ սահմանափակում։ Տնից կարելի է դուրս գալ միայն ծայրահեղ անհրաժեշտության դեպքում՝ անձնագրով և տեղաշարժի թերթիկով։ Խախտումներին հետևում է ոստիկանությունը։ Չի աշխատում ողջ հանրային տրանսպորտն, այդ թվում՝ մետրոն։

Ամենայն հայոց կաթողիկոսը Հայաստանի իշխանություններին առաջարկել է բանտից ազատել նախկին նախագահ Ռոբերտ Քոչարյանին

Հայաստանում մեկուսացվել է մի ամբողջ գյուղ՝ Արարատի մարզում, և կարող է փակվել հիվանդանոց՝ Շիրակում