"სათხილამურო კურორტის მშენებლობა პოლიტიკური ტურბულენტობის ახალი რაუნდია“ — მოსაზრება აფხაზეთიდან
სათხილამურო კურორტი აფხაზეთში
აფხაზეთში დაგეგმილი დიდი სათხილამურო კურორტის გარშემო საზოგადოებრივი დებატები სულ უფრო მწვავდება. იდეა, რომელიც მთავრობის მხრიდან ეკონომიკური ზრდის ერთ-ერთ მთავარ ბერკეტად არის წარმოჩენილი, უკვე გახდა ეკოლოგიური, ინფრასტრუქტურული და პოლიტიკური შფოთვის საგანი.
მიუხედავად იმისა, რომ ხელისუფლება პროექტს რეგიონის ეკონომიკური ტრანსფორმაციის შესაძლებლობად ხედავს, საზოგადოების მნიშვნელოვანი ნაწილი სკეპტიკურად არის განწყობილი. კრიტიკოსები ამბობენ, რომ მსგავსმა მასშტაბის მშენებლობამ არსებული პრობლემების ფონზე შეიძლება არა განვითარებას, არამედ დამატებით კრიზისებს შეუწყოს ხელი.
აფხაზეთის ე.წ. მთავრობის პროგნოზით, პროექტმა შესაძლოა სოხუმის მთლიანი შიდა პროდუქტის დაახლოებით 25%-ით ზრდასაც კი შეუწყოს ხელი. გეგმა, რომელიც რუსეთის ეკონომიკური განვითარების სამინისტროსთან ერთად არის შემუშავებული, ითვალისწინებს დაახლოებით 200 კილომეტრის სიგრძის სათხილამურო ტრასებს და 6000-ნომრიანი სასტუმრო კომპლექსის მშენებლობას.
სოხუმელი ბლოგერი კირილ ბაზილევსკი მიიჩნევს, რომ პროექტი ძველი დებატების გაგრძელებაა, რომლებიც უკვე არაერთხელ დასრულდა საზოგადოების უნდობლობითა და პასუხგაუცემელი კითხვებით.
კირილ ბაზილიევსკი: “აღმოსავლეთ აფხაზეთში აპარტ-სასტუმროების განვითარების ამბიციური პროექტი უკვე არსებობდა, რომელიც საზოგადოებამ მაშინვე უკუაგდო მკაფიო ციფრებისა და გარემოსდაცვითი და სხვა რისკების შეფასების არარსებობის გამო. ახლა ისტორია მეორდება ზამთრის ტურიზმის შემთხვევაში.
სამი მიზეზი, რის გამოც სკეპტიკურად ვარ განწყობილი სათხილამურო კურორტის მშენებლობის იდეის მიმართ:
ეკოლოგია. ჩამდინარე წყლების გამწმენდი ნაგებობები ვერ უძლებს მიმდინარე დატვირთვას, ნარჩენების გადამუშავება პრობლემაა, შემდეგ კი ახალი ტონობით ბეტონი, მთებში მძიმე ტექნიკა და ა.შ. პირველ რიგში, უნდა მოვაგვაროთ ის პრობლემები, რომლებიც ათწლეულების განმავლობაში გადაუჭრელი იყო და შემდეგ შეგვიძლია ახლის შექმნა.
ინფრასტრუქტურა. ელექტროენერგია დღეში სამჯერ ითიშება, ქსელები გაცვეთილია. ასეთი ენერგოსისტემა თანამედროვე კურორტს ვერ გაუძლებს.
ფინანსური გაურკვევლობა. წინა გეგმებისთვის არავის მოუწოდებია კონკრეტული ციფრები. გამჭვირვალე და კონკრეტული ბიზნეს გეგმის გარეშე, ახლა მოქმედი კურორტის ნაცვლად, კორუფციულ თაღლითობას უნდა ველოდოთ.
ვის შეუძლია ასეთი მასშტაბის მართვა? მხოლოდ მსხვილ რუსულ ბიზნესებს. ეს კიდევ ერთხელ წამოჭრის პრეფერენციებისა და შეთანხმებების საკითხს, რამაც უკვე გამოიწვია აჟიოტაჟი აფხაზეთში რამდენიმე წლის წინ.
მათ ყველას უნდა მისცენ საშუალება მშვიდად იმუშაონ, იმის ნაცვლად, რომ ახალ პოლიტიკურ არეულობაში ჩაერთონ.
მე ევოლუციის მომხრე ვარ და არა რევოლუციის. პირველ რიგში, რამდენიმე საპილოტე პროექტი აქტიური ტურიზმისთვის, მოთხოვნისა და ინფრასტრუქტურის ტესტირებისთვის.”
