საქართველოში 10 ათასზე მეტ მოზარდს სკოლაში არასდროს უვლია
განათლების სამინისტროს ინფორმაციით, საქართველოში 6-დან 16 წლამდე 10 404 მოზარდს სკოლაში არასდროს უვლია.
სამინისტროს ცნობით, ასეთი ბავშვები მოსახლეობის 1.7%-ია; მათ არ აქვთ საგანმანათლებლო ისტორია და არ არიან საინფორმაციო სისტემის მოსწავლეთა ბაზაში.
განათლების სამინისტროში აცხადებენ, რომ ამ დრომდე ქვეყანაში არ არსებობდა სკოლის მიღმა დარჩენილი ბავშვების მონიტორინგის სისტემა და არც რაიმე მექანიზმი, ასეთი მოზარდების განათლების სისტემაში დასაბრუნებლად.
სკოლის მიღმა დარჩენილი მოზარდების იდენტიფიცირებისა და მონიტორინგის სახელმწიფო პროგრამა 2020 წლის სექტემბერში დამტკიცდა.
მათი თქმით, სამინისტრო იდენტიფიცირებული მოზარდების მშობლებთან, მეურვეებთან ან/და კანონიერ წარმომადგენლებთან კომუნიკაციას გეგმავს, რის შემდეგაც მოხდება ინდივიდუალური შემთხვევების შესწავლა.
“შედეგად მოხდება მოზარდების ჩართვა ფორმალურ განათლებაში ან მათთვის სპეციალური საგანმანათლებლო სერვისების შეთავაზება. ამ პროცესში აქტიურად ჩაერთვებიან მანდატურის სამსახურის სოციალური მუშაკები, რომლებიც მოზარდებთან ინდივიდუალურად იმუშავებენ”, – აცხადებენ სამინისტროში.
UNESCO-ს მონაცემებით, მსოფლიოში 61 მლნ ბავშვი ვერ იღებს სასკოლო განათლებას.
● იუნისეფის კვლევაში მონაწილე ბავშვების 41%-ს სისხლში ტყვიის შემცველობა მომატებული აქვს
● ძალადობა სკოლებში. სად არის გამოსავალი? – კითხვას პასუხობენ ფსიქოლოგები, მოსწავლეები და ექსპერტები
● როგორ უმკლავდებიან პანდემიას შშმ ბავშვები და მათი მშობლები
● საქართველოში 29 800 ბავშვს სახლში წყლითა და საპნით ხელის დაბანის პირობები არა აქვს
● ბულინგი საქართველოს სკოლებში: როდესაც არ შეიძლება იყო განსხვავებული