ყარაბაღი, ბრძოლა გრძელდება: 16 ოქტომბერი

„აზერბაიჯანის მამაცმა არმიამ გაათავისუფლა ხოჯავენდის რაიონის სოფლები – ჰირმანჯიღი, აღბულაგი და აჰულუ. გაუმარჯოს აზერბაიჯანის არმიას! ყარაბაღი აზერბაიჯანია!“, – დაწერა ტვიტერის საკუთარ გვერდზე, აზერბაიჯანის პრეზიდენტმა, ილჰამ ალიევმა.

სომხეთის თავდაცვის სამინისტროს პრესმდივანი შუშან სტეფანიანი Facebook-ის საკუთარ გვერდზე წერს, რომ ამ მიმართულებით არც ერთი რაკეტა არ გაუშვიათ:

„ეს აზერბაიჯანის სამხედრო-პოლიტიკური ხელისუფლების მორიგი ტყუილია, რომელიც კონფლიქტის გეოგრაფიის გაფართოებას ცდილობს“.

„15 ოქტომბერს, 10:44 საათზე, სომხეთის შეიარაღებული ძალების მიერ გუბადლის რაიონიდან გამოშვებული ოპერატიულ-ტაქტიკური რაკეტა ნახიჩევანის ავტონომიური რესპუბლიკის ორდუბადის რაიონში აფეთქდა. მშვიდობიანი მოსახლეობა და სამოქალაქო ინფრასტრუქტურა დაზიანდა“, – ნათქვამია აზერბაიჯანის თავდაცვის სამინისტროს პრესსამსახურის განცხადებაში.

„სომხეთის შეიარაღებული ძალები აგრძელებენ აზერბაიჯანის რაიონების – გორანბოის, ტერტერის, აღდამის, აღჯაბადისა და ფუზულის დაბომბვას“, – ნათქვამია აზერბაიჯანის თავდაცვის სამინისტროს პრესსამსახურის განცხადებაში.

„სომხეთის შეიარაღებული ძალები, ცეცხლის შეწყვეტის ჰუმანიტარული შეთანხმების უხეში დარღვევით, დღეს დილიდან ბომბავს აზერბაიჯანში გორანბოის, ტერტერის, აღდამისა და აღჯაბადის რაიონებს“, – ნათქვამია აზერბაიჯანის თავდაცვის სამინისტროს პრესსამსახურის განცხადებაში.

ბრძოლების დაწყებიდან მე-20 დღე

• სარაკეტო დარტყმები და სახმელეთო ოპერაციები მთელი 15 ოქტომბრისა და 16 ოქტომბრის ღამის განმავლობაში გრძელდებოდა.

• სომხური მხარის ინფორმაციით, დაპირისპირების დაწყებიდან, 27 სექტემბრიდან მოყოლებული, 604 სამხედრო მოსამსახურე და 33 მშვიდობიანი მოსახლე დაიღუპა.

• აზერბაიჯანული მხარის ცნობით, ბრძოლების დაწყებიდან დაიღუპა 47 და დაიჭრა 222 მშვიდობიანი მოსახლე. პრეზიდენტმა ილჰამ ალიევმა გუშინ განაცხადა, რომ სამხედრო მოსამსახურეთა შორის დანაკარგების შესახებ, „კონფლიქტის ცხელი ფაზის ამოწურვის“ შემდეგ განაცხადებენ.

• სომხური მხარის ინფორმაციით, ყარაბაღში, მარტუნის რაიონში, „სმერჩის“ კასეტური ჭურვებით დაიბომბა სოფელი კარმირ შუკა (წითელი ბაზარი), დაიღუპა ადგილობრივი მცხოვრები. აზერბაიჯანში, ამ ინფორმაციას სიცრუე უწოდეს.

• აზერბაიჯანში, ქალაქ ტერტერში, დაკრძალვის ცერემონიის დროს, სამი ადამიანი დაიღუპა და კიდევ სამი დაიჭრა სომხეთის შეიარაღებული ძალების დაბომბვის შედეგად. ამის შესახებ, ტვიტერის საკუთარ გვერდზე, აზერბაიჯანის პრეზიდენტის თანაშემწემ, ჰიქმეთ გაჯიევმა დაწერა.

• ყარაბაღში შეზღუდვები დაწესდა ადამიანებისა და ტრანსპორტის თავისუფლად გადაადგილებაზე.

• აზერბაიჯანის არმიამ კონტროლი დაამყარა კიდევ ექვს დასახლებულ პუნქტზე ყარაბაღის მოსაზღვრე რაიონებში (1990-იანი წლების დასაწყისის ომის შემდეგ, ყარაბაღის ხელისუფლება აკონტროლებს), ამის შესახებ აზერბაიჯანის პრეზიდენტმა Twitter-ის საკუთარ გვერდზე დაწერა. ამრიგად, აზერბაიჯანის ოფიციალური მონაცემებით, სულ გათავისუფლდა 50 დასახლებული პუნქტი.

• სომხეთისა და აზერბაიჯანის ლიდერებმა, ნიკოლ ფაშინიანა და ილჰამ ალიევმა რუსეთის სახელმწიფო საინფორმაციო სააგენტო „რია ნოვოსტის“ ექვს კითხვას უპასუხეს. აქ არის ძირითადი თეზისები „წითელი ხაზების“, კომპრომისების, დაქირავებული მებრძოლებისა და პერსპექტივების შესახებ, ასევე, ვიდეო 👇

• სომხეთისა და აზერბაიჯანის ლიდერები ყარაბაღის ომის შუალედური შედეგების შესახებ

• მოსკოვს იმედი აქვს, რომ მთიან ყარაბაღში ცეცხლის შეწყვეტის მონიტორინგის მექანიზმი მალე ამოქმედდება, მაგრამ ჯერჯერობით ასეთი მექანიზმის განხილვაც არ დაწყებულა, განაცხადა რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ.

• ავსტრიის პარლამენტმა ერთხმად მიიღო რეზოლუცია, რომელიც ყარაბაღის კონფლიქტში თურქეთის ჩარევას გმობს.

• ახალი ამბები, ფოტო/ვიდეო ყარაბაღში მიმდინარე საბრძოლო მოქმედებებთან დაკავშირებით – 15 ოქტომბერი, 2020