ლუკაშენკოს ქონება აფხაზეთში - ბელარუსის პრეზიდენტმა შავ ზღვაზე მიწის ნაკვეთი მიიღო
ლუკაშენკოს ქონება აფხაზეთში
ალექსანდრ ლუკაშენკოს მიწის ნაკვეთი აქვს შავი ზღვის სანაპიროზე, წერს ბელარუსული გამოცემა “ევრორადიო.” მან ნაკვეთი 2022 წლის სექტემბერში მიიღო, ოკუპირებულ აფხაზეთში ვიზიტის მეორე დღეს.
როგორც BRC-ის გამომძიებლებმა გაარკვიეს, სოფელ კინდიგში 20 ჰექტარი მიწა “დიდი საინვესტიციო პროექტის განსახორციელებლად“ ეკუთვნის აფხაზეთში რეგისტრირებულ შპს “ჟემჩუჟინა 2010“-ს. ამ კომპანიის 90% ეკუთვნის ლუკაშენკოს დაცვის ყოფილ თანამშრომელს ალექსანდრ რომანოვსკის, ხოლო 10% აფხაზეთის მოქალაქეს დათო კვიცინიას.
კვიცინიამ ჟურნალისტებთან საუბარში დაადასტურა, რომ ის დოკუმენტებში აღმოჩენილი პირია.
“არც კი ვიცი, რას აკეთებენ იქ და რას გააკეთებენ“, – თქვა ჟემჩუჟინა 2010-ის თანამფლობელმა.
რომანოვსკი დიდი ხანია იდენტიფიცირებულია, როგორც ბიზნესის თანამფლობელი, რომელიც დაკავშირებულია ვიქტორ შეიმანთან, ლუკაშენკოს “მომარაგების მენეჯერთან”.
ნაკვეთის ზუსტი ღირებულება უცნობია. მაგრამ იქვე, 1 ჰექტარი მიწა 320 ათას დოლარად იყიდება. ანუ მიწის ნაკვეთი, რომელიც ლუკაშენკომ მიიღო, შეიძლება ღირდეს დაახლოებით 6,5 მილიონი დოლარი.
exchange
