რუსეთი უკრაინაში შეიჭრა. დღე მესამე. განახლებადი ინფორმაცია

ლვოვის მერმა სადოვიმ ლვოვის მოსახლეობას მოუწოდა მტრისთვის დაამზადონ “მოლოტოვის კოქტეილები”, რომლებსაც ახალი სახელი – “ბანდერას სმუზი” მოუფიქრა.

მისი თქმით, დედაქალაქზე თავდასხმის დაწყებიდან დღემდე კიევში დაიღუპა 6 მშვიდობიანი მოქალაქე, მათ შორის 1 ბავშვი. ასევე 14 სამხედრო.

დაშავდა 71 ადამიანი. აქედან 25 მშვიდობიანი მოქალაქე, მათ შორის 3 ბავშვი.

საუბარია მხოლოდ კიევზე.

სოკარის ბენზინგასამართი სადგურები სასწრაფო დახმარების მანქანებსა და მაშველებს უფასოდ მიაწვდიან საწვავს.

წერს ზელენსკი აზერბაიჯანის პრეზიდენტთან შეთანხმებაზე

უკრაინის სოფლებსა და ქალაქებში დასახელებების აღმნიშველ აბრებს ხსნიან, რომ მტერი დააბნიონ.

ლატვიამ უკრაინაში გაგზავნა 30-ზე მეტი სატვირთო მანქანა სამხედრო ტვირთით და სამედიცინო ინვენტარით, – ლატვიის თავდაცვის სამინისტრო

უკრაინელი ჯარისკაცები კიევში, ხიდზე პოზიციებს იკავებენ. 26 თებერვალი, 2022/ AP

სროლა კიევში, ინფრასტრუქტურის სამინისტროს შენობასთან. ვიდეოს უკრაინელი პოლიტიკოსი მუსტაფა ნაიემი ავრცელებს

გერმანია უკრაინას საჰაერო თავდაცვის სისტემებსა და Stinger-ის რაკეტებს გაუგზავნის. მანამდე გერმანიის ხელისუფლება ამაზე უარს ამბობდა.

ზელენსკი: “SWIFT-ზე ყველაფერი უკვე გადაწყვეტილია. დაწყებულია რუსი აგრესორის გადახდის სისტემიდან გათიშვის პროცედურა”

26 თებერვალს, რუსული თავდასხმის შედეგად 19 მშვიდობიანი მოქალაქე დაიღუპა და 73 დაშავდა. დაჭრილებიდან ორი ბავშვია.

უკრაინის ეროვნული პოლიცია ასევე იუწყება, რომ დონეცკის ოლქის სოფელ სართანაზე რუსების თავდასხმისას 4 ადამიანი დაიღუპა და 9 დაიჭრა. დაჭრილებს შორის ბავშვია.

ბრიტანეთის თავდაცვის სამინისტრო აცხადებს, რომ მათი მონაცემებით რუსული ჯარების გადაადგილება დროებით შენელებულია, სავარაუდოდ, „სერიოზული ლოგისტიკური პრობლემებისა და უკრაინელების ძლიერი წინააღმდეგობის“ შედეგად.

კიევში ღამის შეტაკებებში, სავარაუდოდ, მონაწილეობდა შეზღუდული რაოდენობის რუსი მენრძოლები, წინასწარ შეგზავნილი რუსული დივერსიული ჯგუფები“, – წერს თავდაცვის სამინისტრო ტვიტერზე.

რუსეთის სამხედრო ძალების მთავარ მიზანს კიევი რჩება, დასძენენ სამინისტროში.

რუსი სამხედროები აჩვენებენ პირველ კადრებს ჩერნობილის ატომური ელექტროსადგურის ახლახანს ოკუპირებული ტერიტორიიდან.

თვითგამოცხადებული ლუგანსკის ჯარებმა წინ წაიწიეს 46 კილომეტრით, დაიპყრეს შჩასტიას და მურატოვოს დასახლებები.

თვითგამოცხადებული დონეცკის სამხედროებმა კიდევ 10 კილომეტრი წინ წაიწიეს და დაიპყრეს დასახლებები სტაროგნატოვკა, ოქტიაბრსკაია და პავლოპოლი.

რუსეთმა განაცხადა, რომ კიევმა სამშვიდობო მოლაპარაკებების დაწყებაზე უარი თქვა, ამიტომ რუსულმა ძალებმა შუადღიდან უკრაინის ქალაქებზე შეტევას განაახლეს.

უკრაინის ხელისუფლებამ უარყო ეს პრეტენზია. თუმცა, კიევი ადასტურებს, რომ მოსკოვთან დიალოგს არ აპირებს, რადგან კრემლი სანაცვლოდ ცდილობს უკრაინას კაპიტულაცია აიძულოს.

პატარა თუ დიდი დასახლებისთვის ბრძოლა უკრაინის მასშტაბით გრძელდება.

ბრძოლები იყო კიევის გარეუბანში. მთლიანობაში მხარეების პოზიციები არ შეცვლილა.

სულ უფრო მეტი ევროპული ქვეყანა ხურავს ცას რუსული თვითმფრინავებისთვის

150 ათასზე მეტმა უკრაინელმა ლტოლვილმა, გაეროს მონაცემებით, დატოვა უკრაინა

რუსეთის მოქალაქეები ომის წინააღმდეგ ღია წერილებს აქვეყნებენ

📍 უკრაინის ხელისუფლების განცხადებით, ევროპის ყველა ქვეყანა თანახმაა. რუსეთი SWIFT საერთაშორისო ბანკთაშორის სისტემიდან გათიშოს.

📍 ზელენსკიმ განაცხადა, რომ თურქეთმა აკრძალა რუსული ხომალდების გავლა შავი ზღვის სრუტეში. თურქეთი ამას არ ადასტურებს

📍 რუმინეთი, ლიტვა, ლატვია და ესტონეთი დაკეტავენ საჰაერო სივრცეს რუსული თვითმფრინავებისთვის. გუშინ იგივე გააკეთეს ჩეხეთმა, პოლონეთმა და ბულგარეთმა.

📍 ზელენსკის ოფისმა გამოაცხადა 3500 რუსი ჯარისკაცის დაღუპვის შესახებ. რუსეთი დაღუპულთა შესახებ მონაცემებს არ ასაჯაროვებს.

📍 უკრაინის ჯანდაცვის სამინისტროს ცნობით, უკრაინულ მხარეს 198 მშვიდობიანი მოქალაქე დაიღუპა

📍 დილით კიევში რაკეტა საცხოვრებელ მრავალსართულიან კორპუსს მოხვდა.

ევროკავშირის ყველა ქვეყანა დათანხმდა რუსეთის SWIFT-ისგან გათიშვას.

უკრაინის საგარეო საქმეთა მინისტრმა კულებამ განაცხადა, რომ დაწყებულია ტექნიკური მზადება რუსეთის SWIFT საბანკო სისტემიდან გამოსართავად.

კულება ამბობს, რომ ამ სანქციის “გასატანად” უკრაინის დიპლომატიის მთელმა ვერტიკალმა იმუშავა.

ჰელსინკი ამ წუთებში – უკრაინის მხარდამჭერი აქცია.

“რუსული პროპაგანდა რელსებიდან გადავიდა და ვარაუდობს, რომ უკრაინა შესაძლოა ემზადება რუსეთის ტერიტორიაზე “ბინძური ბომბის” ჩამოსაგდებად. ეს ავადმყოფური ფეიკია. უკრაინას არ აქვს ბირთვული იარაღი და არ აწარმოებს რაიმე სამუშაოს მის შესაქმნელად.”

ალექსეი არესტოვიჩი, უკრაინის პრეზიდენტის აპარატის უფროსის მრჩეველი: უკრაინულმა მხარემ უარი თქვა რუსეთის ფედერაციასთან მოლაპარაკებაზე მოსკოვის მიერ შემოთავაზებული პირობების გამო.

„პირობა, რომელიც რუსულმა მხარემ შუამავლების მეშვეობით შემოგვითვალა, არ გვაკმაყოფილებს. ეს იყო ჩვენი კაპიტულაციისკენ იძულების მცდელობა. ჩვენ მათ გავგზავნეთ სიგნალი, რომ შესაძლო სამშვიდობო ხელშეკრულების პირობები შესაძლებელია მხოლოდ კიევის, და არა მოსკოვის პირობებით“, – განუცხადა არესტოვიჩმა Strana.ru-ს. უა“.

ნიდერლანდები უკრაინას Stinger-ის 200 საზენიტო-სარაკეტო სისტემას გაუგზავნის, იუწყება ადგილობრივი მედია. unian

ზელენსკიმ თქვა, რომ თურქეთმა აკრძალა რუსული ხომალდების  სრუტეში გავლა

რუსეთის ფედერაციის პრეზიდენტის პრესმდივანმა თქვა, რომ რადგან მოლაპარაკებები იყო მოსალოდნელი, ვლადიმერ პუტინმა უკრაინაში რუსულ სამხედრო ჯგუფებს წინსვლის შეჩერების ბრძანება გასცა.

თუმცა, რადგან უკრაინა მოლაპარაკებებზე არ მოდის, პესკოვის თქმით, დღეს შუადღიდან რუსეთის სამხედრო ოპერაცია სრული სვლით განახლდა და რუსული ძალები განაგრძობენ წინსვლას

პესკოვი: დასავლური სანქციები ძალიან სერიოზულია, რუსეთი ამისთვის წინასწარ ემზადებოდა, ღებულობდა ზომებს ეკონომიკის ძეუფერხებლად მუშაობის უზრუნველსაყოფად, არის ამის პოტენციალი.

საჭიროა უწყებების ანალიზი და კოორდინაცია, რათა შევიმუშავოთ საპასუხო ზომები, რომლებიც შეესაბამება რუსეთის ინტერესებს

ლიეტუვა ესტონეთისა და ლატვიის შემდეგ რუსეთის საჰაერო სივრცეს ჩაკეტავს.

ბელორუსის ლიდერი ლუკაშენკო მზადაა უკრაინაში სიტუაციის მოგვარების მოლაპარაკებების პლატფორმა უზრუნველყოს – BelTA

საერთაშორისო ჰაკერების ჯგუფმა  Anonymous პუტინისადმი მიმართვა გაავრცელა. nexta/unian

ევროპის ჟურნალისტთა ფედერაციამ (AEJ) გამოაქვეყნა მოთხოვნა, რომ დაუყოვნებლივ აიკრძალოს პროპაგანდისტული არხის Russia Today-ის მაუწყებლობა ევროკავშირის ყველა ქვეყანაში.

საპასუხო სანქციების სახით, რუსეთი უკეტავს ცას პოლონეთის, ჩეხეთის და ბულგარეთის ავიახაზებს. ფრენები განხორციელდება მხოლოდ სპეციალური ნებართვით. ria

UNiAN: უკრაინის არმიამ რაკეტა ესროლა რუსების კოლონას ჩერნიგოვის რაიონის გოროდნიას მიდამოში.

განადგურდა დაახლოებით 20 ცალი ტექნიკა, დიდი დანაკარგი პერსონალი, ბევრი დაიჭრა

დღეიდან კიევში კომენდანტის საათი ამოქმედდა. კომენდანტი საათი ადგილობრივი დროით 17:00 საათზე დაიწყება და დილის 8 საათამდე გაგრძელდება.

საფრანგეთი ავრცელებს ინფორმაციას ლა მანშის სრუტეში რუსული სატვირთო გემის დაკავების შესახებ

საფრანგეთი ეჭვობს, რომ ეს გემი კავშირშია რუსულ კომპანიასთან, რომელიც ევროკავშირის სანქციების ქვეშ იმყოფება. AFP

ესტონეთის კვალდაკვალ რუსეთის თვითმფრინავებისთვის საჰაერო სივრცე დაკეტა ლატვიამ

ელენა კრავეცი, უკრაინული “რა სად როდის” მოთამაშე იუმორისტული შოუდან “საღამოს კვარტლი” (ვოლოდიმერ ზელენსკის შოუ), ცრემლიანი თვალებით, მიმართავს თავის ნაცნობებს, რუს “კავეენშიკებს”:

“ჩვენ აქ გადავრჩებით, მაგრამ თქვენთან აღარასდროს ვითამაშებთ თამაშებს.
უთხარით სიმართლე ყველა თქვენს ნაძირალას, ვინც ფიქრობს, რომ აქ რაღაც განმათავისუფლებელი ოპერაციაა”

ზელენსკიმ უკრაინელ ხალხს მიმართა

ზელენსკიმ თქვა, რომ უკრაინას აქვს უფლება მიიღოს ევროკავშირში გაწევრიანება და ეს განიხილა ევროკავშირის რამდენიმე ლიდერთან.

ზელენსკიმ კვლავ მიმართა რუს ხალხს და მოუწოდა უთხრან თავიანთ მთავრობას, რომ ომი შეწყდეს.

ესტონეთი – კიდევ ერთი ქვეყანა, რომელიც ხურავს საჰაერო სივრცეს რუსული თვითმფრინავებისთვის.

მანამდე ეს ჩეხეთმა, პოლონეთმა და ბულგარეთმა გააკეთეს.

მოსკოვში რადიო არზამასის რედაქტორი მიკა გოლუბოვსკი დააკავეს. მან უარი თქვა საკუთარი ფანჯრიდან ჩამოეხსნა უკრაინის დროშა წარწერით „არა ომს“.

დილის 9:00 საათზე რუსული დესანტი სამი შვეულმფრენით დაეშვა ლვოვის რეგიონის ბროდის რაიონში.

ლვოვის მერი ანდრეი სადოვი ამბობს, რომ 60-მდე ჯარისკაცი იყო.

„ჩვენმა სამხედროებმა უპასუხეს. ახლა ისინი უკან იხევენ ტყისკენ ლევიატინის რაიონში“, – იუწყება ჰრომადსკე.

იტალია მზადაა მხარი დაუჭიროს რუსეთის SWIFT-დან გათიშვას და მზადაა გაუწიოს სამხედრო დახმარება

კვიპროსიც თანახმაა რუსეთი SWIFT-დან გაითიშოს – უკრაინის საგარეო საქმეტა მნინისტრი კულება.

პოლონეთის საფეხბურთო ნაკრებმა 2022 წლის მსოფლიო ჩემპიონატის პლეი-ოფში რუსეთთან თამაშზე უარი თქვა უკრაინაში რუსული სამხედრო აგრესიის გამო. „ეს დღეს ერთადერთი სწორი გადაწყვეტილება. ჩვენ ვაწარმოებთ მოლაპარაკებებს შვედეთისა და ნიდერლანდების ფედერაციებთან, რათა ფიფასთან საერთო პოზიციის წარვსდგეთ“, – დაწერა პოლონეთის საფეხბურთო კავშირის პრეზიდენტმა ცეზარი კულესამ ტვიტერზე.

როსკომნადზორმა მოთხოვა რამდენიმე რუსულ მედიასაშუალებას, წაშალონ გარკვეული პუბლიკაციები უკრაინასთან ომის შესახებ.

მასალების წაშლის შესახებ შეტყობინება მიიღეს: «Эхо Москвы», «ИноСМИ», «Медиазона»*, თჰე Nეწ თიმეს, «Свободная пресса», «Крым.Реалии», «Новая газета», «Журналист» და «Лениздат».

პუბლიკაციები თუ არ წაიშლება, როსკომნადზორი საიტების დაბლოკვით დაემუქრა.

რუსეთის საოკუპაციო ძალების მოქმედების შედეგად დაიღუპა 198 ადამიანი, მათ შორის 3 ბავშვი. დაშავდა 1115 ადამიანი. ამის უკრაინის შესახებ ჯანდაცვის მინისტრმა ვიქტორ ლიაშკომ განაცხადა.

“მეტრო თავშესაფრის რეჟიმში გადავიდა. ტრანსპორტი არ იქნება”, – განაცხადა კიევის მერმა ვიტალი კლიჩკომ

ბოლო 24 საათის განმავლობაში უკრაინიდან პოლონეთში 47 000-ზე მეტი ადამიანი შევიდა – პოლონეთის სასაზღვრო სამსახური.

მარკონმა საგანგებო უშიშროების საბჭონ მოიწვია, რომელიც თბილისის დროით 20:00 საათზე დაიწყება.

საფრანგეთის პრეზიდენტმა უკრაინის კონფლიქტზე საუბრისას განაცხადა, რომ „ომი დიდხანს გაგრძელდება“ და ევროპას მოუწოდა მოემზადოს გრძელვადიანი შედეგებისთვის.

“როსკოსმოსი”, შეაჩერებს თანამშრომლობას ევროპელ პარტნიორებთან და შეწყვეტს სტარტებს საფრანგეთის გვიანაში მდებარე კურუს კოსმოდრომიდან.

ეს არის რუსეთის პასუხი ევროკავშირის სანქციებზე. რუსეთის სახელმწიფო კოსმოსური კორპორაცია დასავლეთის მიერ სანქცირებული უწყებების ნუსხაში მოხვდა.

ლატვიის საგარეო საქმეთა სამინისტრომ რუსი მომღერალი ნიკოლაი ბასკოვი „უკრაინის წინააღმდეგ რუსული აგრესიის“ მხარდაჭერისთვის შავ სიაში შეიყვანა.

ვოლოდიმირ ზელენსკი: ახლახან ემანუელ მაკრონს ვესაუბრე ტელეფონით. ის უკრაინის ნამდვილი მეგობარია – მათ რუსეთის SWIFT-დან გათიშვასა და პუტინისთვის პერსონალური სანქციების დაწესებას დაუჭირეს მხარი. ისევე, როგორც თავდაცვითი აღჭურვილობით დახმარებას. მადლობა საფრანგეთს!

რუსეთის თავდაცვის სამინისტროს ცნობით, რუსეთის შეიარაღებული ძალების ნაწილებმა სრული კონტროლი დაამყარეს ქალაქ მელიტოპოლზე. ეს ერთადერთი ქალაქია, რომელზეც რუსეთის თავდაცვის სამინისტრო ამბობს, რომ “სრული კონტროლი” დაამყარა.

„მედესანტეები პარაშუტებით დაეშვნენ ჩვენს მინდვრებში, ტყეებსა და სოფლებში. ყველაზე საშიში დეკაბრისტების ქუჩაზე იყო, იქ იყო ბრძოლები, ქუჩას ცეცხლი ეკიდა. ისინი ოცნებობდნენ ჩვენი აეროდრომის ხელში ჩაგდებაზე, რათა განეთავსებინათ თავიანთი საბრძოლო ნაწილები, მაგრამ ჩვენი 40-ე ბრიგადა ძლიერია და მოგერიდა შეტევა”.

ვასილკოვი კიევიდან 25 კილომეტრშია. აქ სამხედრო აეროდრომი და სხვა სამხედრო ობიექტებია განთავსებული.

დილის მდგომარეობით, 3,5 ათასზე მეტი რუსი სამხედრო დაიღუპა და თითქმის 200 ტყვედ ჩავარდა, – უკრაინის პრეზიდენტის ადმინისტრაციის ხელმძღვაბელის მრჩეველი – პოდოლიაკი

კიევსა და მის გარეუბნებში ინტენსიური სროლების და აფეთქებების ხმა ღამის სამი საათიდან დაიწყო;

ადგილობრივი მედია იუწყება, რომ ყველაზე სასტიკი ბრძოლები გამარჯვების გამზირზე შულიავკას მახლობლად მოხდა;

ბრძოლები იყო ქალაქ ვასილკოვში (კიევის სამხრეთ-დასავლეთით 25 კილომეტრში). ქალაქში არის სამხედრო ნაწილი და აეროდრომი, სადაც, უკრაინელი სამხედროების თქმით, რუსმა მედესანტეებმა დაშვება სცადეს, რის შემდეგაც დაიწყო ბრძოლები;

სროლები იყო შუაგულ კიევში – დედაქალაქის ცენტრში ბოგდან ხმელნიცკის ქუჩაზე და ხრეშჩატიკთან, ვოლოდიმირ ზელენსკის ოფისიდან 4 კილომეტრში.

დილიდან საჰაერო თავდასხმის სირენები გამოცხადდა უკრაინის ბევრ ქალაქში – ხერსონში, ლვოვში, ლუცკში, რივნეს რეგიონში, ჩერკასში. სასტიკი ბრძოლები იყო ადგილობრივი მედიის ცნობით ქალაქ სუმში.

უკრაინის პრეზიდენტის აპარატის უფროსის მრჩეველი პოდოლიაკი: უკრაინის მტელ ტერიტორიაზე სიტუაცია კონტროლს ექვემდებარება

ხმელნიცკის სამხარეო ადმინისტრაციის ხელმძღვანელმა სერგეი გამალიმ განაცხადა, რომ დღეს რეგიონის ირგვლივ სანგრები გაითხარება.

რუსეთი უკრაინაში შეიჭრა Live–ომის მეორე დღე

რუსეთი უკრაინაში შეიჭრა Live– ომის პირველი დღე