ომი უკრაინაში. დღე მერვე . განახლებადი ინფორმაცია

ზაპოროჟიის რაიონის ქალაქ ენერგოდარში რუსული ტექნიკის კოლონა ატომური ელექტროსადგურის მიმართულებით მოძრაობს, ისმის სროლები – მერი ორლოვი. (უკრაინის საზოგადოებრივი)

უკრაინელ აბონენტებს რუსეთში დარეკვა აეკრძალათ

უკრაინის კომუნიკაციებისა სამსახურის თქმით, ეს გადაწყვეტილება რუსეთში ან ბელარუსში ოპერატიული ინფორმაციის გადინების გამოსარიცხად მიიღეს.

ასევე, მობილურმა ოპერატორებმა შეწყვიტეს ახლახან შეძენილი SIM ბარათების გააქტიურება, რათა თავიდან აიცილონ მათი გამოყენება რუსი სამხედროების მიერ.

მთელი დღე ბრძოლის შემდეგ რუსი ოკუპანტები შევიდნენ ენერგოდარში. სულ მცირე ორი მშვიდობიანი მოქალაქე დაიჭრა – განაცხადა მერმა.

უკრაინამ ვერ მიაღწია  იმ ძირითად შედეგებს, რაც უნდოდა;

უმოკლეს ვადაში იგეგმება რუსეთ-უკრაინის მოლაპარაკებების მესამე რაუნდის გამართვა.

დეტალურად განიხილეს ჰუმანიტარული ასპექტი. ბევრი ქალაქი ალყაშია, პრობლემებია საკვებისა და მედიკამენტების მხრივ.

მხარეები მალე შექმნიან ერთმანეთთან საკომუნიკაციო არხებს, რათა მოხდეს ჰუმანიტარული დერეფნების ორგანიზება.

დასრულებულია მოლაპარაკებების მეორე რაუნდი რუსეთსა და უკრაინას შორის, მხარეები შეთანხმდნენ რიგ ჰუმანიტარულ საკითხებზე, მათ შორის ცეცხლის შეწყვეტაზე ჰუმანიტარული დერეფნების ორგანიზაციისთვის -წერს БелТа

ენერგოდარის მერის, დიმიტრი ორლოვის განცხადებით, ქალაქის შესასვლელთან მდებარე საგუშაგოზე ბრძოლა გრძელდება, რუსული ჯარები ქალაქში შეღწევას ცდილობენ. მოსახლეობას მოუწოდებენ, სასწრაფოდ დატოვონ ქუჩები და მოშორდნენ ფანჯრებს.
ვიდეო: ენერგოდარის მერი.

ჩერნიგოვში სახლის ნანგრევების ქვეშ უკვე 33 გარდაცვლილი იპოვეს.

უკრაინისა და საქართველოს შემდეგ მოლდოვაც ევროკავშირის წევრობის კანდიდატის სტატუსს ითხოვს.

მისი თქმით, თუ უკრაინა არ მიიღებს რუსეთის პირობებს, პუტინმა გამოხატა „დიდი მზაადყოფნა“ გააგრძელოს შეტევა, რომლის მიზანია მთელი ქვეყანაზე „კონტროლის აღება“.

„რუსეთის ამბიციები არის მთელი უკრაინის ხელში ჩაგდება. პუტინის სამხედრო მიზნები არ შეცვლილა“, – ციტირებს საფრანგეთის პრეზიდენტის პრესსამსახურს ტელეარხი BFM.

ზოგადად, პუტინთან საუბრის შემდეგ მაკრონი „პესიმისტურია“.

„რესპუბლიკის პრეზიდენტი ელის, რომ უარესი ჯერ კიდევ წინ არის, იმის გათვალისწინებით, რომ პუტინმა არაფერი თქვა დამამშვიდებელი“, – თქვა მაკრონმა.

—
ჯემნიუსი უკვე წერდა მაკრონის და პუტინის საუბრის კრემლის ვერსიაზე (ნახეთ replay)

ამ დროისთვის ხერსონი ერადერთი სამხარეო ცენტრია, რომელსაც სრულად აკონროლებს რუსულია არმია.

ოპოზიციური არხის, “დოჟდის” მუშაობის შეჩერების შესახებ მისმა ხელმძღვანელმა, ნატალია სინდეევამ განაცხადა. მან თქვა, რომ ეს “დროებითია”.

ორი საათით ადრე მაუწყებლობა შეწყვიტა რადიოსადგურმა “ეხო მოსკვიმ”, რომელიც ასევე მიიჩნეოდა რუსეთის ერთ-ერთ ლიბერალურ მედიად, სადაც განსხვავებული აზრი ისმის.

“ჩვენ გვჭირდება ძალა, რომ ამოვისუნთქოთ და მოვიფიქროთ, როგორ ვიმუშაოთ შემდგომში.

ჩვენ ნამდვილად ვიმედოვნებთ, რომ დავბრუნდებით ეთერში და გავაგრძელებთ მუშაობას“, – განაცხადა გენერალურმა დირექტორმა ნატალია სინდეევამ.

“დოჟდი” მუშაობს 2010 წლის აპრილიდან

საზღვარგარეთ მცხოვრები 50 ათასზე მეტი უკრაინის მოქალაქე დაბრუნდა უკრაინაში ლვოვის რეგიონის საგუშაგოების გავლით, რათა შეუერთდნენ წინააღმდეგობას, ნათქვამია უკრაინის საზღვრის უსაფრთხოების სააგენტოს ფეისბუქ პოსტზე. მათგან დაახლოებით 80 პროცენტი 18-დან 60 წლამდე მამაკაცია. ქვეყანაში მცხოვრებ ამ ასაკის უკრაინის მოქალაქე მამაკაცებს ახლა ქვეყნის დატოვება ეკრძალებათ. ამავდროულად ფრანგი მოხალისეები აპირებენ გამგზავრებას უკრაინაში, რათა შეუერთდნენ ახალ უცხოურ ლეგიონს, წერს New York Times.

საქართველოს პრემიერმინისტრმა ირაკლი ღარიბაშვილმა ევროკავშირის წევრობის კანდიდატის სტატუსის მისაღებად განაცხადს ხელი მოაწერა.

“ხაზგასმულად – სპეციალური სამხედრო ოპერაციის ამოცანები შესრულებული იქნება ბოლომდე ნებისმიერ შემთხვევაში. ხოლო მოლაპარაკებებით დროის გაწელვის მცდელობა მოიტანს მხოლოდ იმ შედეგს, რომ რუსეთს დამატებითი მოთხოვნები გაუჩნდება კიევის მიმართ,” – პუტინის და მაკრონის საუბრის სტენოგრამას კრემლი აქვეყნებს.

პუტინმა და მაკრონმა ცოტა ხნის წინ ტელეფონით ისაუბრეს 90 წუთის განმავლობაში.

„პუტინ, ჰააგა გელოდება“ – გრაფიტი ასეთი ტესტით გააკეთა ვილნიუსის მერმა. ის ასევე ვარჯიშობს და სამხედრო მომზადებას გადის, რათა მზად იყოს რუსეთის შემოჭრის შემთხვევაში.

ვილნიუსის მეორე ნაწილში, შენობის სახურავზე გაჩნდა ცნობილი წარწერა იმაზე თუ რა მიმართულებით უნდა იმოძრაოს რუსულმა გემმა. @current time

უკრაინის ცნობით, მისმა სამხედროებმა ქალაქი ბუჩა დაიბრუნეს (კიევთან ახლოს). ქალაქიდან გავრცელებულ არაერთ ვიდეოზე ჩანს, რომ ქალაქში აღმართულია უკრაინის დროშა

უკრაინის დელეგაცია ვერტმფრენებით გაფრინდა რუსეთთან მოლაპარაკებებისთვის,- განაცხადა ზელენსკის ოფისის ხელმძღვანელის მრჩეველმა. „რამდენიმე საათში“ ჩავლენ.

უკრაინული მხარე აცხადებს, რომ პროგრამა მინიმუმი ჰუმანიტარული დერეფნების უზრუნველყოფაა.

“Maxar Technologies-ის მიერ ოთხშაბათს გვიან გამოქვეყნებული სატელიტური სურათების მიხედვით, უკრაინაში ომი კვლავაც ფართომასშტაბიან გავლენას ახდენს მშვიდობიან მოსახლეობაზე,” – წერს New York Times.

სურათზე ნაჩვენებია დიდი კრატერი დანგრეული საცხოვრებელი სახლების ფონზე დედაქალაქ კიევის ჩრდილო-დასავლეთით მდებარე სოფელში, ასევე იწვის სახლები ჩრდილოეთით ქალაქ ჩერნიგოვის მახლობლად.

ეს ფოტოები ასევე აჩვენებს უკრაინის მზარდ ჰუმანიტარულ კრიზისს – ჩანს ხალხის გრძელი რიგები სასურსათო მაღაზიებთან ქვეყნის სხვადასხვა კუთხეში. ერთ სურათზე ნაჩვენებია ლტოლვილების მანქანები, რომლებიც უნგრეთში შესვლას ელოდებიან ლუჟანკას სასაზღვრო პუნქტთან. გაეროს მონაცემებით, უკრაინა ომის დაწყების შემდეგ მილიონზე მეტმა ადამიანმა დატოვა.

ჩერნიგოვში, ნახევარი საათის წინ, რუსეთის ჯარებმა სარაკეტო იერიში მიიტანეს ქალაქის ცენტრში მრავალსართულიან საცხოვრებელ ზონას. ადგილზე მაშველები მუშაობენ. მსხვერპლისა და დაშავებულების შესახებ ინფორმაცია ზუსტდება – განუცხადა hromadske-ს ჩერნიგოვის რეგიონალური სახელმწიფო ადმინისტრაციის ხელმძღვანელმა ვიაჩესლავ ჩაუსმა.

“როსკოსმოსმა” შეაჩერა რუსული სარაკეტო ძრავების მიწოდება შეერთებულ შტატებისთვის.

შესაბამისი განცხადება სახელმწიფო კორპორაციის გენერალურმა დირექტორმა დიმიტრი როგოზინმა ტელეკომპანია Rossiya-24-ის ეთერში გააკეთა.

„დაე, თავიანთი ცოცხებით იფრინონ ​​კოსმოსში“, თქვა როგოზინმა.

➖ 9000 რუსი სამხედრო.
(UNIAN განმარტავს, რომ ამ რიცხვში შედის არა მხოლოდ დაღუპულები, არამედ დაჭრილებიც)

➖ 217 ტანკი
➖ 900 ჯავშანტექნიკა
➖ 11 საჰაერო თავდაცვის სისტემა
➖ 31 ვერტმფრენი

➖ ლუგანსკის ჯარებმა მიაღწიეს ხაზს კრასნი ლიმანი – პრივოლიე – სევეროდონეცკის ჩრდილოეთ გარეუბანში.

➖ დონეცკის ძალებმა აიღეს კონტროლი ვინოგრადნოიე, ვოდიანოე, სარტაკი და შეავიწროეს მარიუპოლის შემოგარენი.

➖ რუსეთის არმიამ კონტროლი აიღო ჩისტოპოლიეზე, ნოვოპოლტავკაზე, ჟოვტნევზე.

➖ ქალაქი ბალაკლეა “განთავისუფლდა ნაციონალისტური ბატალიონებისგან”.

➖ დაიბომბა და მწყობრიდან გამოვიდა სარეზერვო ტექნოლოგიური რადიო-სატელევიზიო ცენტრი კიევში, ლისაია გორას რაიონში.

➖ ოპერაციის დროს განადგურდა უკრაინული არმიის 1612 სამხედრო ობიექტი – მათ შორის 62 თვითმფრინავი, 606 ტანკი და სხვა ჯავშანტექნიკა, 67 მრავალჯერადი სარაკეტო სისტემა, 227 საველე საარტილერიო იარაღი და ნაღმტყორცნები, 53 უპილოტო საფრენი აპარატი.

ჩერნიგოვში, რუსებმა ცეცხლი გაუხსნეს ნავთობის საწყობს. ცეცხლმოკიდებულია საწვავის 6 ავზი თითო 5000 კუბური მეტრი. (საზოგადოებრივი)

დიდი ალბათობით “ეხო მოსკვი“ შეწყვეტს არსებობას:

“ეხო მოსკვის” დირექტორთა საბჭომ მიიღო გადაწყვეტილება რადიოს არხის და ეხო მოსკვის ვებგვერდის ლიკვიდაციის შესახებ, განაცხადა მთავარმა რედაქტორმა ალექსეი ვენედიქტოვმა.

მანამდე როსკომნადზორმა Google-ს Google Play მაღაზიიდან Echo აპლიკაციის ამოღება მოსთხოვა.

ეხო მოსკვის გადაცემების მაუწყებლობა YouTube-ზე გრძელდება.

უკრაინის დელეგაციამ ღამე პოლონეთის ტერიტორიაზე გაათია და უკვე მიემგზავრება ბელარუსისკენ, წერს strana.ua წყაროზე დაყრდნობით.

დაბომბვის დროს ხალხი ტაძარში იმალებოდა. მსხვერპლი არ არის.

საკათედრო ტაძარში ჩამსხვრეულია ფანჯრები, დაზიანებულია ეკლესიის ჭურჭელი.

მიძინების ტაძარი ხარკოვის ერთ-ერთი უძველესი მართლმადიდებლური ეკლესიაა, ქალაქის თორმეტი ოფიციალური სიმბოლოდან მეხუთე. იგი აშენდა 1657 წელს.

ფოტო: უკრაინის სპეციალური კომუნიკაციებისა და ინფორმაციის დაცვის სახელმწიფო სამსახური

რუსეთის ცენტრალურმა ბანკმა დაადასტურა, რომ 3 მარტიდან, ბროკერებმა უნდა დააკისრონ 30% საკომისიო ფიზიკური პირებს დოლარის, ევროს და ფუნტ სტერლინგის ყიდვისას.

საოკუპაციო ჯარები, რომლებმაც ღამის განმავლობაში ვერ წაიწიეს წინ ვერც ერთი მიმართულებით, კვლავ აგრძელებენ დიდი ქალაქების და საცხოვრებელი უბნების ღამის დაბომბვის ტაქტიკას. კიევი და უკრაინის სხვა ქალაქები მთელი ღამის განმავლობაში სარაკეტო დარტყმების ქვეშ იყო, წერს hromadske

ახალი ამბების პროდიუსერმა ჯასტინ რედმენმა მას უწოდა “ყველაზე დიდი აფეთქება, რაც კი ოდესმე მინახავს”.

3 მარტის ღამე კიევში ოთხი აფეთქება გაისმა, დედაქალაქის სხვადასხვა რაიონში.
დაშავებულები არიან თუ არა, ამ დროისთვის უცნობია.

ვიდეო: Twitter / Justine Redman

ღამის ამბები მოკლედ:

  კიევში მთელი ღამე აფეთქებები იყო.

 ხარკოვის ოლქის ქალაქ იზიუმში საცხოვრებელ სახლებზე თავდასხმას 8 მშვიდობიანი მოქალაქე ემსხვერპლა, მათ შორის  ორი ბავშვი.  ამ ინფორმაციას ქალაქის მერი ადასტურებს. ის ამბობს, რომ ქალაქის ცენტრი სრულად დაინგრა.

 1 მარტს ხარკოვის დაბომბვისას უკრაინაში ეუთოს სპეციალური სადამკვირვებლო მისიის წევრი მარინა ფენინა დაიღუპა.  „მარინას თავისი ოჯახისთვის საკვების მარაგის მიწოდებას ცდილობდა“, – აცხადებენ ეუთოში.

 გაეროს მონაცემებით, ერთ კვირაში მილიონი უკრაინელი გახდა ლტოლვილი.

ჰააგის საერთაშორისო სისხლის სამართლის სასამართლომ დაიწყო გამოძიება უკრაინაში რუსეთის შესაძლო სამხედრო დანაშაულებებზე.

ზელენსკიმ ბოლო გამოსვლაში თქვა, რომ 1 კვირაში მოკლულია 9 ათასი  რუსი სამხედრო.  რუსეთის თავდაცვის სამინისტრო აცხადებს 498 დაღუპულ რუს სამხედროზე;

 მსოფლიო ბანკმა შეაჩერა პროგრამები რუსეთსა და ბელორუსიაში.

 რომან აბრამოვიჩი ჩელსის გაყიდის.

 უკრაინის დაზვერვის ცნობით, 4 მარტს პუტინი რუსეთში საომარ მდგომარეობას გამოაცხადებს.

რუსეთში ომის საწინააღმდეგო აქციებზე 700-ზე მეტი ადამიანი დააკავეს.

2 მარტის Live.ომი უკრაინაში. დღე მეშვიდე.

1 მარტის Live. უკრაინაში რუსეთის წინააღმდეგ ბრძოლის მეექვსე დღე.

28 თებერვლის  Live .უკრაინაში რუსეთის წინააღმდეგ ბრძოლა გრძელდება. დღე მეხუთე.

27 თებერვლის  Live. რუსეთი უკრაინაში შეიჭრა.  ომის მეოთხე დღე 

26 თებერვლის  Live.რუსეთი უკრაინაში შეიჭრა.  ომის მესამე დღე 

25 თებერვლის  Live. რუსეთი უკრაინაში შეიჭრა ომის მეორე დღე

24 თებერვლის  Live. რუსეთი უკრაინაში შეიჭრა ომის პირველი დღე