კომენტარი: არის თუ არა აფხაზეთისთვის საფრთხე საქართველოში „მეორე ფრონტის“ გახსნაზე რეფერენდუმის იდეა?
მეორე ფრონტი საქართველოსა და აფხაზეთში
მმართველი პარტია „ქართული ოცნების“ ხელმძღვანელის, ირაკლი კობახიძის განცხადებამ საქართველოში „მეორე ფრონტის“ გახსნაზე რეფერენდუმის ჩატარების შესაძლებლობის შესახებ, აფხაზეთში მწვავე რეაქცია გამოიწვია. საზოგადოებაში ბევრი ამ ინიციატივას აფხაზეთის უსაფრთხოების შესაძლო საფრთხედ მიიჩნევს.
კომენტარი
აფხაზეთის საგარეო საქმეთა მინისტრის ყოფილი მოადგილე კან ტანია
„ხალხმა თქვას, სურს თუ არა საქართველოში მეორე ფრონტის გახსნა რუსეთის წინააღმდეგ“, – განაცხადა საქართველოს მმართველი პარტიის თავმჯდომარემ, ირაკლი კობახიძემ უკრაინის უმაღლესი რადის დეპუტატის, ვენისლავსკის განცხადებაზე, რომელიც საქართველოს ურჩევდა გადადგას კონკრეტული ნაბიჯები აფხაზეთისა და სამხრეთ ოსეთის გასათავისუფლებლად.
მსგავსი „რჩევებით“ საქართველოს ხელმძღვანელობას უკვე მიმართეს სხვა უკრაინელმა პოლიტიკოსებმა მიხაილო პოდოლიაკმა და ოლექსეი არესტოვიჩმაც.
მოდი გავარკვიოთ:
1. ჩვენ ვიცით, რომ საქართველოში რევანშისტული განწყობებია აფხაზეთის მიმართ, მაგრამ ამავდროულად, ამჟამინდელი ხელისუფლება მკაფიოდ აცხადებდა კონფლიქტის ძალისმიერი გადაწყვეტის შეუძლებლობაზე.
მაგრამ ჩვენ გვესმის, რომ საქართველოს ლიდერების სიტყვები აფხაზეთთან და სამხრეთ ოსეთთან დაკავშირებით უსარგებლოა. დღეს ძმებს გვეძახიან, ხვალ – ომს დაიწყებენ.
2. გასათვალისწინებელია, რომ არსებობს მთელი რიგი სახელმწიფოთაშორისი შეთანხმებები ერთობლივი თავდაცვის სფეროში აფხაზეთსა და რუსეთს შორის და რუსეთსა და სამხრეთ ოსეთს შორის. კერძოდ, ისინი ითვალისწინებენ ჯარების ერთობლივი ჯგუფის გამოყენებას სამხედრო საფრთხის შემთხვევაში.
რუსული სამხედრო ბაზები ასევე განთავსებულია აფხაზეთისა და სამხრეთ ოსეთის ტერიტორიაზე.
- “პროპაგანდა და დეზინფორმაცია”- სახელმწიფო მდივანმა ბლინკენმა აფხაზების პროვოცირება მოახდინა?
- 30 წელი აფხაზეთში ომის დაწყებიდან. როგორ დაიწყო და განვითარდა კონფლიქტი – ქრონოლოგია
- მოსაზრება: არის თუ არა ვინმე, ვისაც ქართულ-აფხაზური კონფლიქტის გადაწყვეტა სურს?
- კომენტარი: რამდენ ხანს შეიძლება გაგრძელდეს ომი უკრაინაში და როგორ დასრულდება ის რუსეთისთვის
3. ცხადია, საქართველოს ხელმძღვანელობას დიდი ხანია გადაწყვეტილი აქვს, არ გახსნას „მეორე ფრონტი“. ხოლო მმართველი პარტიის ხელმძღვანელი აცხადებს, რომ ხელისუფლება ნებას რთავს პლებისციტის შესაძლებლობას, მხოლოდ იმისთვის, რომ ამ პოზიციას მეტი ლეგიტიმაცია მისცეს.
ეს ჯერჯერობით არ ნიშნავს იმას, რომ რეფერენდუმი მართლა გაიმართება. ეს არის დემონსტრირება იმისა, რომ რეფერენდუმის შემთხვევაში დღევანდელი ხელისუფლების აზრი ხალხის უმრავლესობის აზრს დაემთხვევა.
4. საქართველო ახლა იმ მდგომარეობაშია, როდესაც ნებისმიერი პოლიტიკური ნაბიჯი აუარესებს სიტუაციას.
● გაიხსნება „მეორე ფრონტი“ – გამოვა, რომ საქართველო რუსეთის ანალოგი გახდება, ანუ დაიწყებს იმავე სამხედრო ოპერაციას, როგორიც რუსეთმა დაიწყო უკრაინაში. მაგრამ კოლექტიური დასავლეთის ქვეყნები ამის გამო გაერთიანდნენ რუსეთის წინააღმდეგ, ჩვენ შემთხვევაში კი კარგად ვიცით მათი ორმაგი სტანდარტების შესახებ.
● არ გახსნის „მეორე ფრონტს“ – კოლექტიური დასავლეთი იმედგაცრუებული იქნება საქართველოთი, რომელსაც ევროკავშირში გაწევრიანების სურვილი აქვს. ვინაიდან „მეორე ფრონტის“ მიზანი რუსეთის დასუსტებაა.
დასკვნა: საქართველოს ხელისუფლება რეფერენდუმის ჩატარებას მხოლოდ იმ შემთხვევაში დაუშვებს, თუ აბსოლუტურად დარწმუნებული იქნება, რომ ხალხი ხმას მისცემს „მეორე ფრონტის“ გახსნის წინააღმდეგ.
აუცილებელია გავითვალისწინოთ საქართველოს წინა გამოცდილება, ძალის გამოყენებით გადაჭრას კონფლიქტი, რის შემდეგაც რუსეთმა სამხედრო დახმარება აფხაზეთსა და სამხრეთ ოსეთს გაუწია.
დღეს მსოფლიოში შექმნილ გეოპოლიტიკურ ვითარებაში, საქართველოს მხრიდან საომარი მოქმედებების დაწყების კიდევ ერთი მცდელობა შეიძლება მისთვის ბევრად უფრო სერიოზული შედეგებით დასრულდეს, ვიდრე 2008 წელს.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
