ჭიათურაში 3000-მდე მაღაროელი გაიფიცა, გაჩერებულია ყველა ობიექტი
ჭიათურაში „ჯორჯიან მანგანეზში“ და მის შვილობილ კომპანიებში მომუშავე 3000-მდე თანამშრომელი გაიფიცა, ამის შესახებ ინფორმაციას “მმართველობის მონიტორინგის ცენტრი (GMC)” ავრცელებს.
დასაქმებულები მოითხოვენ ხელფასების 50%-იან ზრდას, დაზღვევის პაკეტების გაუმჯობესებას, შრომითი ხელშეკრულებების გადაცემას დასაქმებული პირებისთვის, მძიმე წონიანი მანქანების გადაადგილების აღკვეთას ქალაქის ტერიტორიაზე და ზოგადი ეკოლოგიური მდგომარეობის გამოსწორებას ქალაქსა და სოფლებში – მადნის არასწორი მოპოვებისა და ქარხნული დამუშავების ფონზე ბინძურდება მდინარე ყვირილა, ჰაერი და სასმელი წყლები, ასევე უსარგებლო ხდება ნიადაგი.
_____________________________
● “ბრაზი მომდის, ბოღმისგან ვიგუდები”. სამუშაო ადგილზე დაშავებული მუშების ისტორიები
● ჭიათურა – შავი მარგალიტი
● ქალები საშიშ სამუშაოზე: ტყიბულელი მეშახტეების ისტორია
_______________________________
“ჯორჯიან მანგანეზში” დასაქმებულმა მძღოლებმა, პროფკავშირების გვერდის ავლით მიმართეს იურისტს და ეკატერინე ტიკარაძესთან გაგზავნეს წერილი მოთხოვნებითა და გაფიცვის უფლების გამოყენებით.
როგორც პროფკავშირების წარმომადგენელი თამაზ დოლაბერიძე აცხადებს, წუხელ, მთელი ღამის განმავლობაში კომპანიასთან მოლაპარაკებები მიმდინარეობდა, იყო წინადადება მათგან, რომ 250 ლარით გაიზრდებოდა თითოეული დასაქმებულის ხელფასი, თუმცა ეს შეთავაზება გაფიცული თანამშრომლებისთვის დამაკმაყოფილებელი არ აღმოჩნდა და გაფიცვა გრძელდება.