ახალი ამბები, რეპორტაჟი: 7 ოქტომბერს, ყარაბაღში მიმდინარე საბრძოლო მოქმედებები

„სომხეთის შეიარაღებული ძალების მიერ აზერბაიჯანის დასახლებულ პუნქტებზე განხორციელებული დაბომბვის შედეგად, 27 სექტემბრიდან მოყოლებული, 30 მშვიდობიანი მოქალაქე დაიღუპა, კიდევ 144-მა ადამიანმა კი სხვადასხვა ხარისხის დაზიანებები მიიღეს“, – აცხადებს აზერბაიჯანის გენერალური პროკურატურის პრესსამსახური.

ანგარიშში ნათქვამია, რომ დაბომბვის შედეგად გამოუსადეგარია 66 სამოქალაქო ობიექტი და 427 საცხოვრებელი სახლი.

აზერბაიჯანის პრეზიდენტმა, ქვეყნის შეიარაღებული ძალების მთავარსარდალმა, ილჰამ ალიევმა თავდაცვის სამინისტროს ცენტრალურ სამეთაურო პუნქტში, თათბირი გამართა. შეკრებაში მონაწილეობა მიიღეს თავდაცვის მინისტრმა ზაქირ ჰასანოვმა, სამინისტროს სხვა მაღალჩინოსნებმა, ასევე ფრონტის ხაზზე განლაგებული ქვედანაყოფების მეთაურებმა.

საფრანგეთის საგარეო საქმეთა მინისტრმა, ჟან-ივ ლე დრიანმა განაცხადა რომ მოლაპარაკებები 8 ოქტომბერს ჟენევაში და 12 ოქტომბერს მოსკოვში გაიმართება.

«ჩვენ ერთმანეთთან ყოველდღიურ კონტაქტზე ვართ (საფრანგეთი, რუსეთი, აშშ – ეუთოს მინსკის ჯგუფის თანათავმჯდომარეები ყარაბაღის საკითხზე მოლაპარაკებებში). ამ დრომდე, ეს წარმატებით არ დასრულდა. ხვალ, შეხვედრა ჟენევაში გაიმართება, შემდეგ კი კიდევ ერთი შეხვედრა მოსკოვში შედგება», – გადმოსცემს მინისტრის სიტყვებს Reuters.

თუმცა, სომხეთის საგარეო საქმეთა სამინისტროს პრესმდივანმა ანა ნაგდალიანმა Арменпресс-ის თხოვნაზე, კომენტარი გაეკეთებინა სიტუაციაზე, განაცხადა, რომ სომხეთისა და აზერბაიჯანის  საგარეო საქმეთა მინისტრების შეხვედრა ამ დროისთვის დაგეგმილი არ არის.

სომხეთის თავდაცვის სამინისტროს წარმომადგენლის ინფორმაცია, სომხეთის არმიის მიერ დაკარგული პოზიციების უკან დაბრუნების შესახებ, სიმართლეს არ შეესაბამება – ნათქვამია აზერბაიჯანის თავდაცვის სამინისტროს პრესსამსახურის განცხადებაში.

ევროპარლამენტში, მთიან ყარაბაღში არსებული ვითარების განხილვისას ევროკავშირის საგარეო ურთიერთობათა კომიტეტის ხელმძღვანელმა განაცხადა, რომ კონფლიქტის ესკალაციის პირობებში, არ არის გამორიცხული, მასში რეგიონული მოთამაშეები აღმოჩნდნენ ჩართული.

„ამან, შეიძლება, სერიოზულად დააზიანოს რეგიონის სტაბილურობა. ეს სიტუაცია რუსეთისა და თურქეთის საგარეო საქმეთა მინისტრებთან საუბრისას განვიხილე – რეგიონის ორ საკვანძო მოთამაშესთან. ხაზი გავუსვი, რომ რეგიონულმა ლიდერებმა თავი უნდა შეიკავონ რიტორიკისა და ქმედებებისგან, რომელმაც შეიძლება კონფლიქტი გააღვივოს“.

აი, ძირითადი თეზისები, რომლებიც სესიის დროს გაისმა:

 — თურქეთი – ქვეყანა, რომელიც უარყოფს ისტორიას, უარყოფს სომხეთის გენოციდს, ჩვენ ეს აგრესორი უნდა შევაჩეროთ, სანამ ძალიან გვიან არ არის. (ფრანსუა ალფონსი, საფრანგეთი)

— ჩვენ უფრო მეტი უნდა გავაკეთოთ, ვიდრე უბრალოდ მოწოდებებია, სერიოზული სანქციები უნდა დავაწესოთ, აგრესორ-ქვეყანას ჩამოვართვათ სუბსიდიები. (იოანის ლაგოსი, საბერძნეთი)

— კასეტური ბომბების გამოყენება დაუშვებელია და სანქციას ექვემდებარება. (მარტინ ზონებორნი, გერმანია)

— აიკრძალოს თურქეთისთვის ნებისმიერი იარაღისა და შეიარაღების მიყიდვა. (კლარა პონტოსი, ესპანეთი)

— მთიანი ყარაბაღის ხალხმა უნდა მოახდინოს თვითგამორკვევის საერთაშორისო უფლების გამოყენება (ესპანეთის წარმომადგენელი ხორდი სოლენი)

სომხეთის თავდაცვის სამინისტროს პრესმდივანი შუშან სტეპანიანი ყარაბაღის არმიის მიერ პოზიციების გაუმჯობესებაზე  საუბრობს. მისი განცხადებით, სამხრეთის მიმართულებით კონტრშეტევის შედეგად, დაიბრუნეს ვარანგატაგის (ლულასაზი) სიმაღლე.

„ამ დროისთვის, არცახი-აზერბაიჯანის კონფლიქტის ზონაში საომარი მოქმედებები გრძელდება“, წერს სტეფანიანი Facebook-ზე.

აზერბაიჯანის თავდაცვის სამინისტრომ ჯაბრაილის რაიონის სოფელ შეიბეიდან ვიდეო გაავრცელა, რომელიც ბრძოლების შემდეგ, აზერბაიჯანის არმიის კონტროლქვეშ გადავიდა.

აზერბაიჯანის არმიის მიერ აღნიშნული სოფლის აღების შესახებ ინფორმაცია ტვიტერის საკუთარ გვერდზე, პრეზიდენტმა ილჰამ ალიევმა 3 ოქტომბერს გამოაქვეყნა.

სომხეთის შეიარაღებული ძალების მიერ აზერბაიჯანის დასახლებულ პუნქტებზე განხორციელებული დაბომბვის შედეგად, 27 სექტემბრიდან მოყოლებული, 28 მშვიდობიანი მოქალაქე დაიღუპა, კიდევ 144-მა ადამიანმა კი სხვადასხვა ხარისხის დაზიანებები მიიღეს“, – აცხადებს აზერბაიჯანის გენერალური პროკურატურის პრესსამსახური.

ანგარიშში ნათქვამია, რომ დაბომბვის შედეგად გამოუსადეგარია 66 სამოქალაქო ობიექტი და 427 საცხოვრებელი სახლი.

„ყარაბაღის მოვლენები – ტრაგედიაა, ჩვენ ძალიან განვიცდით, იმიტომ რომ, აზერბაიჯანიც, სომხეთიცა და მთიანი ყარაბაღიც – ეს არის ტერიტორიები, სადაც ჩვენთვის უცხო ადამიანები არ ცხოვრობენ“ – განაცხადა რუსეთის პრეზიდენტმა ვლადიმირ პუტინმა.

ის მხარეებს ყარაბაღში, ცეცხლის რაც შეიძლება სწრაფად შეწყვეტისკენ მოუწოდებს და ამასთან, კომენტარს აკეთებს სომხეთის წინაშე არსებულ სამოკავშირეო ვალდებულებებზე. პუტინის თქმით, რუსეთი მზად არის მათ შესასრულებლად, მაგრამ სომხეთის ხელისუფლებას ჯერჯერობით კითხვები არ აქვს რუსეთთან სამოკავშირეო ვალდებულებების შესრულებასთან დაკავშირებით“.

„სომხეთის შეიარაღებული ძალები ტერტერის, ბარდის, აღდამის, აღჯაბადის, ფუზულისა და ჯაბრაილის რაიონებს ბომბავს. აზერბაიჯანის არმია ადეკვატურ ზომებს იღებს“, – ნათქვამია აზერბაიჯანის თავდაცვის სამინისტროს პრესსამსახურის განცხადებაში.

7 ოქტომბრის ღამეს, ფრონტის მთელ ხაზზე გრძელდებოდა ბრძოლები – აცხადებს აზერბაიჯანის თავდაცვის სამინისტრო.

„ჩვენი ჯარები ფრონტის სხვადასხვა მიმართულებით აგრძელებდნენ საბრძოლო მოქმედებებს და ავითარებდნენ წინა დღეებში მიღწეულ წარმატებებს. დაფიქსირდა ორმხრივი საარტილერიო თავდასხმები“, – ნათქვამია განცხადებაში.

ყარაბაღში ბრძოლების მე-11 დღე

• საბრძოლო მოქმედებების დაწყებიდან, 27 სექტემბრიდან მოყოლებული, სომხურ მხარეს 250 მებრძოლი დაიღუპა. ასეთ ინფორმაციას სომხური მედია ყარაბაღის თავდაცვის არმიაზე დაყრდნობით ავრცელებს. დაჭრილთა რაოდენობა მითითებული არ არის. უცნობია, რამდენიმე აზერბაიჯანელი სამხედრო მოსამსახურე გარდაიცვალა. ექსპერტები ბრძოლების ინტენსივობიდან გამომდინარე, რომელიც უკვე მე-11 დღეა გრძელდება, ვარაუდობენ, რომ მსხვერპლი დიდია.

• წინასწარი მონაცემებით, აზერბაიჯანულ მხარეს, სულ 28 მშვიდობიანი მოქალაქე დაიღუპა და 143 დაიჭრა. სომხურ მხარეს 19 მშვიდობიანი მოსახლე გარდაიცვალა და დაახლოებით 80 დაიჭრა.

• ბაქოში განაცხადეს, რომ აზერბაიჯანის არმიამ კონტროლი დაამყარა ქალაქ ჯაბრაილსა და ყარაბაღის მეზობლად მდებარე რაიონების 25 სოფელზე, რომელსაც 1990-იანი წლების ყარაბაღის ომის შემდეგ, ყარაბაღის ხელისუფლება აკონტროლებს.

• სომხეთის პრემიერ-მინისტრი ყარაბაღში გაემგზავრა, რათა „ფრონტის ხაზზე არსებული ვითარება და შეიარაღებული ძალების სამომავლო მოქმედებები განეხილა“.

• აზერბაიჯანმა განაცხადა, რომ ყარაბაღის სომხური მოსახლეობისა და იმ სომეხი სამხედრო მოსამსახურეებისთვის, რომლებიც ნებაყოფლობით დანებდებიან, ჰუმანიტარულ დერეფანს ხსნის.

• აზერბაიჯანის სპეცსამსახურებმა სომხეთის მხარეს მებრძოლი დაქირავებულების რადიოსაუბრების გაშიფვრის შესახებ განაცხადეს. მანამდე, ასეთივე ინფორმაცია გაავრცელეს სომხეთის სპეცსამსახურებმა, თუმცა, აზერბაიჯანის მხარეს მებრძოლი დაქირავებულების შესახებ.

• ყარაბაღის პრეზიდენტი „საერთაშორისო ანტიტერორისტული კოალიციის ჩამოყალიბების ინიციატივით გამოვიდა, რათა ხელი შეუშალონ თურქეთს, აზერბაიჯანი სამხრეთ კავკასიაში ტერორიზმის კერად აქციოს“.

• აზერბაიჯანის თავდაცვის სამინისტრომ ტყუილი უწოდა ყარაბაღის თავდაცვის არმიის 6 ოქტომბერს გავრცელებულ ინფორმაციას, რომ თითქოს, მათ უკანდახევის იმიტაციის შექმნით, „ხაფანგში მოაქციეს“ აზერბაიჯანული შენაერთი.

• აზერბაიჯანის პრეზიდენტი ბაქოში, თურქეთის საგარეო საქმეთა მინისტრს შეხვდა. მევლუთ ჩავუშოღლუმ განაცხადა, რომ აზერბაიჯანში ჩავიდა, „რათა მთელ მსოფლიოს დაანახონ თურქეთის მხარდაჭერა მშობლიური აზერბაიჯანისადმი“.

• ევროპის ადამიანის უფლებათა სასამართლომ დააკმაყოფილა სომხეთის მთავრობის სარჩელი თურქეთის წინააღმდეგ მშვიდობიანი მოსახლეობის უფლებების დარღვევასთან დაკავშირებით, რომელიც ევროპის კონვენციით არის გათვალისწინებული.

• ირანის პრეზიდენტმა აზერბაიჯანის პრეზიდენტს დაურეკა. მანამდე ირანმა ყარაბაღის კონფლიქტის მონაწილე მხარეები შესაძლო შედეგების შესახებ გააფრთხილა, თუკი, მის ტერიტორიაზე კიდევ ერთხელ ჩამოვარდება ჭურვები. ილჰამ ალიევმა საუბრისას თქვა, რომ პრობლემა მას შემდეგ გადაიჭრება, რაც „სრულად გათავისუფლდება ირანისა და აზერბაიჯანის სახელმწიფო საზღვრის ოკუპირებული ნაწილი და იქ აზერბაიჯანელი მესაზღვრეები დადგებიან“.

• ახალი ამბები, ფოტო/ვიდეო ყარაბაღში მიმდინარე საბრძოლო მოქმედებებთან დაკავშირებით – 6 ოქტომბერი, 2020