აფხაზეთში "ნაღდი“ პრეზიდენტის არარსებობის ფონზე, ახალ გენერალურ პროკურორზე დისკუსია დაიწყო
ვინ გახდება აფხაზეთის ახალი გენერალური პროკურორი
აფხაზეთში კამათობენ ვინ უნდა იყოს ახალი გენერალური პროკურორი. მოქმედ გენერალურ პროკურორს ადგურ აგრბას უფლებამოსილების ვადა დეკემბერში ეწურება – ექსპრეზიდენტ ასლან ბჟანიას მხარდამჭერებს მისი დარჩენა კიდევ 5 წლით სურთ, თუმცა ოპოზიცია კატეგორიული წინააღმდეგია.
კანონის თანახმად, პრეზიდენტმა პარლამენტს ახალი გენერალური პროკურორის კანდიდატურა უნდა შესთავაზოს. თუმცა, ასლან ბჟანიას ვადამდელი გადადგომის შემდეგ, მის მოვალეობას დროებით ვიცე-პრეზიდენტი ბადრა გუმბა ასრულებს. სწორედ მან უნდა შეარჩიოს ახალი კანდიდატი.
- ჯერ საკონსტიტუციო რეფორმა, შემდეგ ახალი პრეზიდენტი – მოსაზრება აფხაზეთიდან
- მოსაზრება: ისევ გადატრიალება, ისევ პრეზიდენტის დამხობა… როგორ შეიძლება აფხაზეთი გამოვიდეს ამ ციკლიდან?
ჯერ კიდევ მოქმედმა გენერალურმა პროკურორმა ადგურ აგრბამ განაცხადა, რომ ოპოზიციის ერთ-ერთი ლიდერი კან კვარჩია ახორციელებს ზეწოლას ბადრა გუნბაზე, რომ არ წარადგინოს იგი ახალი ვადით. ამის შესახებ აგრბამ 25 ნოემბერს პროკურატურის შენობაში განაცხადა, სადაც ყოფილი ხელისუფლების ორასამდე მხარდამჭერი იყო შეკრებილი.
აგრბას მხარდასაჭერად გამოვიდა სამთავრობო “ამცახარაც”:
„ხელმოწერილი შეთანხმების შესაბამისად [ხელისუფლებასა და ოპოზიციას შორის კრიზისის მოსაგვარებლად], მოქმედი მინისტრები ასრულებენ თავიანთ მოვალეობებს აფხაზეთის რესპუბლიკის ახლად არჩეული პრეზიდენტის მოვალეობის შესრულებამდე.”
ოპოზიცია თავის მხრივ ითხოვს, რომ ყველა საკადრო საკითხის განხილვა, მათ შორის გენერალური პროკურორის დანიშვნა, ახალი პრეზიდენტის არჩევამდე არ განიხილებოდეს. ანუ მათი ლოგიკით მოქმედი. პრეზიდენტმა ბადრ გუმბამ თავი უნდა შეიკავოს პროკურორის წარდგენის ფორმალური უფლებისგან.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
