საქართვეში საპარლამენტო არჩევნები მიმდინარეობს
26 ოქტომბერი საპარლამენტო არჩევნები
დღეს, 26 ოქტომბერს საქართველო XI მოწვევის პარლამენტს ირჩევს. ამომრჩევლებმა ხმის მიცემა ამ წუთებში, 08:00 საათიდან დაიწყეს.
გამოგვყევით ტელეგრამზე
პირველად საპარლამენტო არჩევნები სრულად პროპორციული სისტემითჩატარდება – პარლამენტის 150-ვე მანდატი პროპორციული წესით იმ საარჩევნო სუბიექტებს შორის განაწილდება, ვინც 5%-იან საარჩევნო ბარიერს გადალახავს.
ასევე პირველად, 26 ოქტომბრის საპარლამენტო არჩევნები ელექტრონული არჩევნები იქნება, სადაც ამომრჩეველთა დაახლოებით 90% ხმას ელექტრონული მოწყობილობების მეშვეობით მისცემს.
ცესკოს ინფორმაციით, ამომრჩეველთა საერთო რაოდენობა 3 508 294-ს შეადგენს. ელექტრონული ტექნოლოგიების გამოყენებით კი არჩევნებში 3 113 747 ამომრჩეველი მიიღებს მონაწილეობას.
ნახეთ ჩვენი მასალა საარჩევნო სტატისტიკაზე, ახალ წესებზე და სხვა საინბტერესო საარჩევნო ფაქტზე
ასევე ნახეთ მასალა საარჩევნო სუბიექტებზე:
მოკლედ გიხსნით, რა შემთხვევაში დააკომპლექტებს მთავრობას ამჟამინდელი ოპოზიცია და რა შემთხვევაში გვეყოლება კვლავ ერთპარტიული ხელისუფლება, “ქართული ოცნების” სახით
წელს დამკვირვებლები საქართველოში თუ საზღვარგარეთ გახსნილ ყველა საარჩევნო უბანზე იქნებიან. არასამთავრობო ორგანიზაციების ინიციატივით, დიდი გამოცდილების მქონე სადამკვირვებლო მისიების გვერდით, გაჩნდა ახალი სამოქალაქო კამპანია, რომლის ფარგლებშიც სხვადასხვა პროფესიის, ასაკისა და ინტერესების მქონე მოხალისეები არჩევნებზე დასაკვირვებლად ტრენინგებს გადიან. ვრცელი სტატია ამ თემაზე წაიკითხეთ აქ.
ამ ვიდეოში მოქალაქე- დამკვირვებლები ჰყვებიან თავიანთ მოტივაციაზე და მისიაზე, რომელიც 26 ოქტომბრის არჩევნებში აკისრიათ.
