COP29 günlərində Bakı sakinlərinin ictimai nəqliyyatla imtahanı
COP29 və Bakıda ictimai nəqliyyat
Bu gün BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası – COP29 Azərbaycanın paytaxtı Bakıda fəaliyyətə başlayıb. Konfrans günləri noyabrın 11-dən 22-dək davam edəcək.
Bununla bağlı olaraq şəhər daxilində bəzi küçə və prospektlərə giriş-çıxışa məhdudiyyət qoyulub, fərdi sürücülərə alternativ yollardan istifadə etmək tövsiyə edilib. 10-dan çox ictimai nəqliyyatın fəaliyyəti dayandırılıb. Ümumilikdə azı 57 ictimai nəqliyyat marşrutunun istiqamətləri və dayanacaqları dəyişdirilib.
Məlumatı Azərbaycan Yerüstü Nəqliyyat Agentliyi (AYNA) yayıb. Qurumdan həmçinin bildirilib ki, tətbiq edilən məhdudiyyətlər 22 noyabrdan etibarən aradan qaldırılmağa başlayacaq və marşrutların fəaliyyəti mərhələli şəkildə bərpa ediləcək.
Hələliksə, paytaxt sakinləri bu məhdudiyyətlərə və dəyişikliklərə görə əziyyət çəkdiklərini, mənzil başına çatmaq üçün marşrutlar haqda məlumat ala bilmədiklərini deyirlər.
