ՀԱՅԵՐԵՆ arrow icon
ՀԱՅԵՐԵՆ arrow icon

Քաղաքականություն

Փաշինյանը՝ ԱԺ-ում տեղի ունեցած ծեծկռտուքի մասին Հայաստանի վարչապետ Նիկոլ Փաշինյանը լրագրողների հետ ճեպազրույցում հայտարարել է, որ դատապարտում է բռնությունը, բայց աջակցում է իր կուսակիցների ձեռնարկած քայլերին։ Փաշինյանի խոսքով՝ «եթե որևէ մեկը ընդդիմադիր է, դա չի նշանակում, որ ինքը պետք է լկտիանա»։ Փաշինյանն այդպես է արձագանքել այսօր Ազգային ժողովում իշխող «Քաղաքացիական պայմանագրի» և ընդդիմադիր «Ուժեղ Հայաստանի» պատգամավորների միջև տեղի ունեցած ծեծկռտուքին։ ԶԼՄ-ներում հրապարակված տեսանյութերի համաձայն՝ պատգամավորները բռունցքներով ու ոտքերով հարվածում էին իրար։ ԱԺ փոխխոսնակ Վահագն Ալեքսանյանը մինչև անգամ աթոռ է շպրտել ընդդիմադիրների ուղղությամբ։ «Ողջունում եմ «Քաղաքացիական պայմանագիր» խմբակցության պատգամավորների գործողությունները և աջակցում եմ։ Աթոռով է, թե ինչով է՝ համարժեք է և ճիշտ»,- շեշտել է վարչապետ Փաշինյանը։ Ասում է՝ ով փորձի բռնություն գործադրել, իշխանությունը պետք է նրա «ձեռքը կջարդի»։ Կարծում է՝ դա իշխանության պարտավորությունն է երկրում ամենաթողություն թույլ չտալու համար։ Երկրի օմբուդսմենը չի կիսում Փաշինյանի տեսակետը։ Մարդու իրավունքների պաշտպան Անահիտ Մանասյանը նշել է, որ նման միջադեպերն էլ ավելի են խորացնում բռնությունն արդարացնող մոտեցումները։ Նա խստորեն դատապարտել է խորհրդարանում տեղի ունեցած միջադեպը։ «Խորհրդարանը պետք է ժողովրդավարական քննարկումների հարթակ լինի, այլ ոչ «մարտադաշտ»,- հայտարարել է Մանասյանը։ Միջադեպի մանրամասները, Հայաստանի վարչապետի և ՄԻՊ գնահատականները Ծեծկռտուք իշխանական և ընդդիմադիր պատգամավորների միջև․ ի՞նչ կատարվեց ԱԺ-ում Ազգային ժողովում իրավիճակը լարվեց իշխող «Քաղաքացիական պայմանագրի» պատգամավոր Տարոն Չախոյանի ելույթի ժամանակ։ Նա անդրադարձավ կոռուպցիայի թեմային և հիշատակեց ընդդիմադիր «Հայաստան» դաշինքի առաջնորդ, երկրորդ նախագահ Ռոբերտ Քոչարյանի թիմակիցներին, այնուհետև նաև «Ուժեղ Հայաստան» խմբակցության ղեկավար Նարեկ Կարապետյանին ու նրա ազգականներին: «Կոռուպցիայի մեջ թաթախված մարդիկ խոսում են կոռուպցիայից, ֆեյքերից, ընտանիքի անդամներին թիրախավորելուց։ Պարոն Կարապետյան, ես մեղավոր չեմ, որ ձեր ամբողջ ազգուտակը զբաղվում է քաղաքականությամբ, այդ թվում՝ ձեր հորեղբայրը, ձեր հայրը, ձեր հորեղբոր որդին»,- հայտարարեց Չախոյանը։ Նա հիշեցրեց, որ Նարեկ Կարապետյանի հորեղբոր որդին փորձում էր երկրում բացել նախարարություն, որը «բավարարեր բոլոր կանանց»։ «Մինչև հիմա ներողություն չեք խնդրել դրա համար»,- իր ելույթում ընդգծեց Չախոյանը: Սամվել Կարապետյանի որդին՝ Սարգիս Կարապետյանը, այս տարվա փետրվարին հանդես էր եկել աղմկահարույց հայտարարությամբ։ «Ուժեղ Հայաստանում չի լինելու անբավարարված կին»,- փոդքասթներից մեկի ժամանակ ասել էր Կարապետյանը։ Փոդքասթի մասնակիցները քննարկել էին երկրում ժողովրդագրական խնդիրների լուծման թեման։ Արձագանքելով «սեքսի նախարարություն» ստեղծելու մասին հարցին՝ Կարապետյանը նկատել էր․ «Ինչքանով ես գիտեմ՝ առանց սեքսի դեմոգրաֆիկ հարցերը չեն լուծվում»։ Ելույթից հետո նիստերի դահլիճում կրքերը բորբոքվեցին։ «Ուժեղ Հայաստան» խմբակցության ղեկավար Նարեկ Կարապետյանը տեղից ինչ-որ բան բղավեց, «արա»–ով դիմեց Չախոյանին։ Չախոյանն էլ արձագանքեց, թե «արան ոտքիցդ գլուխ ես»: Լեզվակռից հետո պատգամավորները դիմեցին բռունցքների օգնությանը։ Տևական ժամանակ ԱԺ նախագահ Ռուբեն Ռուբինյանը հորդորում էր հանդարտվել ու նիստը միտումնավոր չէր ընդհատում: «Հատուկ չեմ ընդհատելու նիստը, որ բոլորը տեսնեն այս ամենը»,- ասում էր Ռուբինյանը։ Իրավիճակը չհանդարտվեց։ Ավելին, ԱԺ փոխխոսնակ Վահագն Ալեքսանյանը նիստերի դահլիճի աթոռը շպրտեց ընդդիմադիրների ուղղությամբ, ինչից հետո Ռուբինյանը, ի վերջո, ընդմիջում հայտարարեց: Ծեծը շարունակվեց նաև խորհրդարանի միջանցքում ու աստիճանաբար մարեց: Ընդմիջումից հետո Տարոն Չախոյանը ներողություն խնդրեց հանրությունից ընդդիմության պահվածքի համար՝ այն որակելով «խուլիգանական»։ Չախոյանի գնահատմամբ՝ այդ ամենը նախօրոք ծրագրված էր: «Եթե ձեզ թվում է, որ կարող եք հարձակվել ԱԺ պատգամավորի վրա ու մարսել, կռիվ հրահրել ու մարսել, չի լինելու ու դրանում քիչ առաջ համոզվեցիք։ Չի ստացվելու կռիվ հրահրել ու առանց ծեծ ուտելու փախնել ԱԺ նիստերի դահլիճից»,- ասաց պատգամավորը։ Իշխող ուժը ստեղծված իրավիճակի համար պատասխանատու է համարում ընդդիմությանը։ ԱԺ նախագահ Ռուբեն Ռուբինյանի խոսքով՝ Նարեկ Կարապետյանը փորձել է հարվածել Տարոն Չախոյանին, առաջին հարվածը Չախոյանին հասցրել է մեկ այլ ընդդիմադիր՝ Գառնիկ Դավթյանը։ Ընդդիմադիրները, սակայն, պատասխանատվության սլաքներն ուղղում են իշխանականների ուղղությւամբ։ «Տեղի ունեցածի պատասխանատվությունն ամբողջ ծավալով կրում է Ռուբեն Ռուբինյանը։ Սադրիչ Տարոն Չախոյանի հրահրումները նա խրախուսեց և որևէ կերպ չէր միջամտում»,- լրագրողների հետ ճեպազրույցում նշել է «Ուժեղ Հայաստան» խմբակցության պատգամավոր Մարիաննա Ղահրամանյանը: Վարչապետի և օմբուդսմենի գնահատականները «Ձեռքը կջարդենք»․ Փաշինյան Վարչապետ Նիկոլ Փաշինյանը նշել է, որ տեսել է, թե միջադեպն ինչպես է սկսվել։ «Եթե որևէ մեկը կա, որ մտածում է՝ կարող է Ազգային ժողովի պատգամավորին ձեռքը երկարացնի, խփի, կամ ինչ-որ բան անի, այդ ձեռքը կջարդենք մենք։ Ասում եմ շատ ուղիղ և առանց սեթևեթանքի»։ Լրագրողները հարցրել են՝ աթոռո՞վ։ Ի պատասխան վարչապետը նշել է՝ պետք լինի, աթոռով էլ կջարդենք։ «Թող իրենց տեղն իմանան: Ամեն ինչը ունի չափ ու սահման»,- ընդգծել է նա։ Փաշինյանի գնահատմամբ՝ ընդդիմադիրներն «ուտում են» իրենց արածների հետևանքները, քանի որ ժամանակին գնահատականներ չեն տալիս իրենց պատգամավորների վարքագծին։ «Ու սրանից հետո միշտ լինելու է այդպես․ ինչքան իրենց այդպես պահեն, ստանալու են այդ նույն արձագանքը»,- նկատել է նա։ «Բացառե՛լ բռնություն ենթադրող վարքագիծը»․ ՄԻՊ Մարդու իրավունքների պաշտպանի գրասենյակը հանդես է եկել հաղորդագրությամբ և շեշտել՝ բարձաստիճան պաշտոնատար անձանց, այդ թվում` պատգամավորների կողմից բռնության ցանկացած դրսևորում նպաստում է հասարակությունում բռնությունը որպես տարաձայնությունների լուծման միջոց ընկալելու և այն արդարացնելու մոտեցումների տարածմանը․ «Հանրային խոսքում և վարքագծում բռնության բացառումը պետական իշխանության ներկայացուցիչների պատասխանատվությունն է»։ Մարդու իրավունքների պաշտպանը պահանջել է բացառել՝ • բռնություն ենթադրող վարքագիծը, • բռնությունն արդարացնող ցանկացած խոսք: «Միջադեպը պետք է օրենքով սահմանված կարգով դառնա պատշաճ քննության առարկա»,- հայտարարել է Անահիտ Մանասյանը։ Փաշինյանը՝ ԱԺ-ում տեղի ունեցած ծեծկռտուքի մասին
video icon
Քաղաքականությունը Հայաստանում

Ծեծկռտուք ՀՀ խորհրդարանում. Փաշինյանն աջակցություն է հայտնել կուսակիցներին

Քաղաքականությունը Հայաստանում

ՄԻՊ գնահատմամբ՝ խորհրդարանը պետք է լինի ժողովրդավարական քննարկումների հարթակ լինի, այլ ոչ «մարտադաշտ»։ Այս պահին հայտնի մանրամասները։

TRIPP համաձայնագրի վավերացում Հայաստանում
Հայաստան-ԱՄՆ

Հայաստանի ԱԺ-ն վավերացրեց TRIPP-ի վերաբերյալ շրջանակային համաձայնագիրը

Հայաստան-ԱՄՆ

Որոշումն ընդունվեց միայն իշխող ուժի ձայներով։ Քվեարկությանը նախորդել էր բուռն քննարկում, ընդդիմությունն առաջարկում էր նախագիծը կապել խաղաղության պայմանագրի հետ։ Մանրամասներ։

Իրանը հրավիրում է ուսման հիջաբով ադրբեջանուհիներին

Թեհրանի առաջարկը հիջաբ կրող ադրբեջանուհիներին․ Բաքուն կոչ է անում զբաղվել սեփական խնդիրներով

Ադրբեջան – Իրան

Իրանն առաջարկել է հիջաբ կրող ադրբեջանցի աղջիկներին ընդունել իրանական դպրոցներ և բուհեր։ Ադրբեջանը հայտարարել է, որ Իրանում չկան ադրբեջանալեզու դպրոցներ կամ բուհեր, չնայած երկրում ապրում է մոտ 40 միլիոն էթնիկ ադրբեջանցի։

Նիդեռլանդները կաջակցի հայ տնտեսվարողներին

«Ուզում ենք աջակցել ՀՀ-ին՝ գտնելու ՌԴ-ից բացի այլ շուկաներ»․ Նիդեռլանդների ԱԳ նախարար

Հայաստան

Թոմ Բերենդսենը Երևանում հայտարարել է, որ մտադիր են աջակցություն տրամադրել հայ տնտեսվարողներին։ ՀՀ և Նիդեռլանդների արտգործնախարարների ասուլիսի կարևոր դրվագները։

video icon

«Ռազմաօդային ուժերի արդիականացման բաղադրիչ»․ հայ փորձագետը՝ չեխական ինքնաթիռների գնման մասին

Հայաստան

Էդուարդ Առաքելյանի խոսքով՝ ՀՀ-ն կարող է L-39 Skyfox ինքնաթիռներն օգտագործել և՛ ուսուցման, և՛ առանձին օպերատիվ խնդիրների իրականացման համար։ Պաշտպանության նախարարի՝ Չեխիա կատարած այցի մանրամասները, մեկնաբանություն։

Ինչպես է Հայաստանը տեղավորել COP17-ի հյուրերին
photo icon video icon

COP17-ի կուլիսներում. ինչպես և որտեղ Հայաստանը տեղավորեց համաժողովի հազարավոր հյուրերին

Հայաստան

Համաժողովին ներկա է մոտ 15 հազար օտարերկրյա մասնակից։ JAMnews-ը պարզել է, որ նրանց տեղավորելու համար գործարկվել են ոչ միայն Երևանի, այլև մոտակա բնակավայրերի հյուրանոցները և հյուրատները։

ԵԱՏՄ-ից ՀՀ դուրս գալու վերաբերյալ զեկույց

«Ուղերձ ծանր հարվածների մասին»․ ԵԱՏՄ-ում ՀՀ մասնակցության հնարավոր կասեցումը

Հայաստան-Ռուսաստան

Եվրասիական միջկառավարական խորհրդի զեկույցում խոսվում է Հայաստանի նկատմամբ ԵԱՏՄ պայմանագրի գործողությունը ժամանակավորապես կասեցնելու հնարավորության մասին։ Կարծիքներ Երևանից։

Ընդդիմադիր կուսակցությունների դեմ հայց Վրաստանում

Վրաստանի ՍԴ-ն կքննի 5 ընդդիմադիր կուսակցությունների գործունեությունն արգելելու հայցը

Վրաստան

Հոկտեմբերի 21-23-ը նախատեսված լսումները հայցադիմումի քննարկման գործընթացի առաջին փուլն են։ Թե որքան կտևի գործընթացը և երբ դատարանը որոշում կկայացնի, դեռևս հայտնի չէ։

Հաքերային հարձակումներ ՀՀ պետական կառույցների դեմ

«Հետքերը տանում են դեպի Ադրբեջան և Իսրայել»․ կարծիք ՀՀ դեմ հաքերային հարձակումների մասին

Հայաստան

Հիմնական թիրախներն են եղել վարչապետ Փաշինյանի աշխատակազմը, Կենտրոնական բանկն ու ԿԸՀ-ն։ Տեղեկատվության անվտանգության փորձագետ Սամվել Մարտիրոսյանի մեկնաբանությունը։

COP17 համաժողովի մեկնարկը Հայաստանում

«Բնությանը վերադարձնելու պարտք ունենք»․ ՀՀ-ում մեկնարկել է COP17 առաջնորդների գագաթնաժողովը

Հայաստան

Համաժողովի շրջանակում նախատեսվում է 196 երկրից մինչև 15 հազար ներկայացուցիչների մասնակցություն։ «Առաջնորդները հանուն բնության» գագաթնաժողովի լիագումար նիստի մանրամասները։

Հիջաբի արգելքը ադրբեջանական դպրոցներում

«Հանի՛ր հիջաբդ ու մտի՛ր դասարան». ի՞նչ է կատարվում Ադրբեջանի դպրոցներում

Ադրբեջան

Բանավեճի կենտրոնում այն հարցն ​​է, թե ինչպես է պետությունն իրացնում դպրոցական հագուստի պահանջները սահմանելու իր լիազորությունները և ինչ վնաս են հասցնում այդ սահմանափակումները երեխաների կրթության իրավունքին:

Ամուլսարի հանքավայրի շահագործման մեկնարկը
photo icon

Զարգացո՞ւմ, թե՞ աղետ․ ՀՀ-ում ազդարարվել է Ամուլսարի ոսկու հանքավայրի շահագործման մեկնարկը

Հայաստան

Բնապահպաններն ահազանգում են էկոլոգիական ռիսկերի մասին։ Վարչապետ Փաշինյանը նրանց մտահոգությունները փարատված է համարում։ Այս պահին հայտնի տեղեկությունները, կարծիքներ։

Firebird AI-ն հերքել է ՌԴ պաշտոնյայի պնդումները

«Չունեն որևէ փաստական հիմք»․ Firebird AI-ն հերքել է ՌԴ-ից հնչող մեղադրանքները 

Հայաստան

ՌԴ ԱԽ փոխքարտուղար Ալեքսեյ Շևցովը հայտարարել էր, թե Firebird AI ընկերության ԱԲ տվյալների կենտրոնը կարող է օգտագործվել ընդդեմ Իրանի, Ռուսաստանի հետախուզական տվյալների հավաքագրման համար։

ԱՌԱՎԵԼ ԿԱՐԴԱՑՎԱԾ

ԼՈՒՐԵՐ

Մուլտիմեդիա