Աբխազիայի պատվիրակությունը մասնակցել է Նիկարագուայի նախագահի երդմնակալության արարողությանը

Աբխազիայի կառավարական պատվիրակությունն Աբխազիայի արտգործնախարար Դաուր Կովեի գլխավորությամբ մասնակցել է Նիկարագուայի նախագահ Դանիել Օրտեգայի երդմնակալության արարողությանը, որը տեղի է ունեցել հունվարի 11-ին Մանագուայի կենտրոնական հրապարակում:

Այցի շրջանակում պատվիրակությունը հանդիպումներ է ունեցել հանրապետության մի շարք նախարարությունների ղեկավարների հետ: Աբխազիայի պատվիրակությունը հանդիպել է Նիկարագուայի արտգործնախարար Սամուել Սանտոս Լոպեսի հետ: Բացի այդ, ինչպես իր ֆեյսբուքյան էջում հաղորդում է Դաուր Կովեն, աբխազական պատվիրակության ծրագիրը բավականին հագեցած էր. «Առանձին նախարարությունների և գերատեսչությունների գործընկերների, ինչպես նաև նախագահի վարչակազմի ներկայացուցիչների հետ մի շարք հանդիպումներ են կայացել: Քննարկել ենք երկկողմանի համագործակցության  հարցեր: Անպայման ամեն ինչ կպատմենք և ցույց կտանք»:

Աբխազական բլոգոլորտում արտաքին գործերի գերատեսչության այս այցը Նիկարագուա ընկալեցին որպես Լատինական Ամերիկայի ուղղությամբ Սուխումի ակտիվացման նոր փուլ: Կովեին նախորդած ԱԳ նախարար Վյաչեսլավ Չիրիկբայի ժամանակ, որն Աբխազիայի ԱԳՆ գլխավորում էր 2011թ-ից մինչև 2016թ-ի սեպտեմբեր, արտաքին կապերի զարգացման շետադրումը եվրոպական ուղղությամբ էր: Իր հերթին, Լատինական Ամերիկային, որտեղ Նիկարագուայից բացի Աբխազիայի անկախությունը ճանաչել է նաև Վենեսուելան, ուշադրություն էր հատկացվում մնացորդային հատկանիշով:

Իր պաշտոնավարման 5 տարիների ընթացքում Չիրիկբան ոչ մի անգամ չի այցելել Լատինական Ամերիկայի պետություններ: Ավելին, նույնիսկ Վենեսուելայի նախագահ Ուգո Չավեսի հուղարկավորությանը պաշտոնական Սուխումի ներկայացուցչությունը հրաժեշտի արարողությանը սահմանափակվել էր Վենեսուելայում Աբխազիայի դեսպանով, ինչը բնականաբար ԱԳՆ գործունեության լուրջ քննադատություն էր առաջացրել Աբխազիայի ներսում:

Հոդվածում հնչած կարծիքներն արտահայտում են հեղինակի տերմինաբանությունն ու հայացքները և պարտադիր չէ, որ համընկնեն խմբագրության կարծիքի հետ: