#NBAVOTE Zaza Pachulia
#NBAVOTE Zaza Pachulia հեշթեգը սոցցանցերի վրացական հատվածում թրենդ է դարձել: Արդեն երկրորդ տարին է՝ սոցցանցերի վրացի օգտատերերը ոչինչ չեն գրում առանց այս հեշթեգի: Այդպիսով նրանք մասնակցում են NBA քվեարկությանը՝ ձգտելով բասկետբոլի ազգային հավաքականի ավագի և «Գոլդեն Սթեյթ Ուորիորզ» թիմի խաղացող Զազա Պաչուլիայի մասնակցությունն ապահովել NBA բոլոր աստղերի խաղում:
NBA բոլոր աստղերի խաղն անցկացվում է ամեն տարի, և դրան մասնակցում են աշխարհի ուժեղագույն լիգայի լավագույն մարզիկները: Դա բասկետբոլային կյանքի կարևորագույն խաղն է և իսկական տոն երկրպագուների համար. նրանք անմոռանալի շոու են դիտում: Խաղի մասնակիցների համար դա վերին աստիճանի հեղինակավոր խաղ է:
Խաղի մասնակիցների հիմնական կազմն ընտրում են երկրպագուները: Դրա համար սոցցանցերում պետք է գրել #NBAVote և ավելացնել այն բասկետբոլիստի անունը, որին ցանկանում եք տեսնել այդ խաղում: Գրառումը պետք է հանրային լինի, և յուրաքանչյուր օգտատեր կարող է «իր» խաղացողի համար քվեարկել 24 ժամվա ընթացքում մեկ անգամ: Քվեարկության ընթացակարգը սկսվել է դեկտեմբերի 25-ին և կավարտվի հունվարի 16-ին: Հունվարի 19-ին կհայտարարվեն քվեարկության արդյունքները:
Վրացի երկրպագուներն այնպիսի մեծ ակտիվություն ցուցաբերեցին, որ նրանց ակտիվությունը NBA-ում՝ Ազգային բասկետբոլային ասոցիացիայում, սուր քննարկումների առարկա դարձավ:
Բասկետբոլային աշխարհում ապշած են վրացի մարզիկի երկրպագուների թվով, ընդ որում, NBA-ում ավելի ուժեղ մարզիկներ կան:
Նախորդ տարի Զազա Պաչուլիային ընդամենը 15 հազար ձայն պակասեց Բոլոր աստղերի խաղում ընդգրկվելու համար: Այս տարի նրա շանսերն ավելացել են:
Զազան առաջին հայացքից դանդաղաշարժ, ճկունությամբ աչքի չընկնող բասկետբոլիստ է առանց հատուկ ֆիզիկական տվյալների: Նա գեղեցիկ սլեմ-դանքի ունակ չէ, գրոհի ժամանակ ազդեցիկ գործողությունները երբեք նրա ուժեղ կողմը չեն եղել: Նրա վիճակագրությունն էլ ամենատպավորիչը չէ. խաղի ընթացքում միջինում 5.6 միավոր է հավաքում և 5.7 խլում:
Չնայած դրան՝ Զազան քվեարկության առաջատարն է, և դա վրացի երկրպագուների ավանդն է, որոնք չեն մոռանում նրա համար ամեն օր քվեարկել: Այդ ամենը նյարդայնացրել է ամերիկյան լրատվամիջոցներին. Պաչուլիայի օգտին ձայների անսպասելի քանակը ոմանց բողոքն է առաջացրել, մյուսների մոտ՝ նույնիսկ ծաղր Զազայի և նրա երկրի հասցեին: Չնայած կան նաև այնպիսիները, որոնք ըստ արժանվույն են գնահատել իրավիճակն ու միացել են վրացի բասկետբոլիստին աջակցելու արշավին: Օրինակ, հայտնի ամերիկացի ռեփեր Wyclef Jean-ը Զազային իր աջակցությունն է հայտնել փոքրիկ երգով, որը տեղադրել է համացանցում:
https://youtu.be/WhdQmpqVO7w
Սոցցանցերում տեղի ունեցածը բազմաթիվ կատակների առիթ է դարձել.
Hillary should’ve got Zaza Pachulia to run her Presidential campaign. Sad! #NBAVote
— Hinkie’s Orchard ???? (@FrancisOKC) January 5, 2017
If this tweet gets 10k retweets, I’ll name my first kid Zaza Pachulia, boy or girl. #NBAVote
— keanu (@kph_15) January 13, 2017
Եթե այս թվիթը 10000 ռեթվիթ հավաքի, առաջին երեխայիս՝ աղջիկ լինի, թե տղա, Զազա Պաչուլիա եմ անվանելու:
Մարդիկ ապշած են, թե ինչպես է մի փոքր երկիր միավորվել ազգային հավաքականի ավագի անձի շուրջ և մարզիկի ավանդը գնահատում նրա օգտին զանգվածային քվեարկումով.
Maaaan, I just need to find someone to love and support me like Zaza Pachulia’s country loves him
— Johnny Cage (@WhiteCoatShawty) January 5, 2017
Այնպիսի մեկին գտնեի, որ ինձ այնպես սիրեր ու աջակցեր, ինչպես Զազա Պաչուլիային է սիրում և աջակցում իր երկիրը:
Անծանոթ Զազան՝ անհասկանալի երկրից, իր ծիծաղելի ակցենտով, շատերի համար դրական կերպար և օրինակ է դարձել:
NBA-ում խաղացող ֆրանսիացի բասկետբոլիստ Ռուդի Գոբերը՝ Զազայի մրցակիցը, Թվիթերում գրել է, որ, տեսնելով Զազայի երկպագուներին, նա լրջորեն սկսել է մտածել քաղաքացիությունը փոխելու մասին.
Seriously thinking about changing nationality ????????/ Je pense sérieusement à changer de nationalité ???????? #countrysupport
— Rudy Gobert (@rudygobert27) January 12, 2017
Լրջորեն մտածում եմ քաղաքացիությունս փոխելու մասին:
Եթե Վրաստանը նման բան կարող է անել Զազայի համար, ինչո՞ւ բասկետբոլի սիրահար Ֆիլիպինները նույնը չի կարող անել JC-ի համար:
Եթե Վրաստանը նման բան կարող է անել Զազայի համար, ինչո՞ւ բասկետբոլի սիրահար Ֆիլիպինները նույնը չի կարող անել JC-ի համար:
Որտեղի՞ց Զազային այսքան ձայն: Չեմ հասկանում՝ ովքեր են նրա երկրպագուները: Վրացիները (ջորջիացիները): Ահ, այո, ճիշտ ես: Մոռացել եմ, որ Զազան «Ատլանտայի» համար էր խաղում Ջորջիայում:
Այժմ այսպիսի իրարանցումից հետո Ամերիկայում արդեն լավ գիտեն, թե ով է Զազա Պաչուլիան և, ինչը պակաս կարևոր չէ, որ Ջորջիան ոչ միայն ամերիկյան նահանգ է, այլ նաև եվրոպական երկրներից մեկի անվանումը:
Իսկ մենք, եթե ուզում ենք ազգային հավաքականի ավագին տեսնել Բոլոր աստղերի խաղում, չպետք է ալարենք և պետք է շարունակենք քվեարկել նրա օգտին Facebook-ում, Twitter-ում, Google-ում և այլն: Եվ չմոռանանք 24-ժամյա դադարի մասին:
