Վրաստանն այն երկրների թվում է, որտեղ զբոսաշրջիկների թվաքանակը գերազանցում է տեղի բնակչության թիվը

Բրիտանական «Տելեգրաֆ» պարբերականը Վրաստանը ներառել է 51 պետությունների ցանկում, որտեղ զբոսաշրջիկների թիվը գերազանցել է տեղի բնակչության թիվը: Վրաստանը տեղավորվել է 37-րդ տեղում, և այստեղ մեկ տեղացուն բաժին է ընկնում 1,5 զբոսաշրջիկ:

Վրաստանի զբոսաշրջության ազգային ադմինիստրացիայի տվյալներով՝ «Տելեգրաֆն» օգտագործել է 2015 վիճակագրական տվյալները, երբ երկիր 5,9մլն մարդ է այցելել: Իսկ 2016թ-ի տվյալներով՝ 3,7մլն բնակչություն ունեցող Վրաստան է այցելել 6,3մլն զբոսաշրջիկ:

Այս ցուցանիշներն ավելացել են ընթացիկ տարում: Ազգային բանկի հաշվետվությունում բերված տվյալներով՝ 2017թ-ի հունվար-մարտ ամիսներին վրացական սահմանը հատել է 1,26մլն այցելու, ինչը 11,4 տոկոսով ավել է նախորդ տարիների համապատասխան ժամանակահատվածի տվյալներից: Հետևաբար, ավելացել են բյուջեի մուտքերը զբոսաշրջային ոլորտից՝ 23%-ով: Ընթացիկ տարում զբոսաշրջությունը 435 մլն լարի է բերել բյուջե:

2017թ-ի սկզբին Վրաստան ամենաշատն այցելել են զբոսաշրջիկներ Ադրբեջանից, Հայաստանից, Թուրքիայից: