Լուժկով. “Աբխազիայի և Հարավային Օսիայի առանձնանալուց հետո Վրաստանն իրեն ավելի լավ կզգա”

Մոսկվայի նախկին քաղաքապետ Յուրի Լուժկովը, որը գտնվում է Թբիլիսիում, մենկաբանություն է տվել վրացի լրագրողներին. «Ես կարծում եմ, որ Աբխազիան այլ երկիր է, այլ ժողովուրդ է: Ինչպես նաև Օսիան: Իհարկե որոշակի նոստալգիա և վիրավորվածություն դեռ կա, սակայն, կարծում եմ, որ այդ շրջանների առանձնանալուց հետո Վրաստանն իրեն ավելի լավ կզգա», — ասել է Լուժկովը Վրաստանի հանրային հեռարձակողին տված հարցազրույցում:

Յուրի Լուժկովը Վրաստան է ժամանել 4 օր առաջ և առանց խնդրի հատել է սահմանը: Չնայած այն բանին, որ նախկինում նա բազմիցս այցելել է Վրաստանի օկուպացված տարածքներ՝ դրանով իսկ խախտելով վրացական օրենսդրությունը:

«Սահմանն անցնելիս բնականաբար մեր բոլոր փաստաթղթերը ստուգեցին, սակայն սահմանապահները մեզ ոչ մի հարց չտվեցին: Եվ ի՞նչ հարցեր կարող էին լինել, երբ մենք զբոսաշրջիկների խմբի հետ էինք: Ես գիտեմ օրենքի մասին (օկուպացված տարածքների վերաբերյալ), սակայն կարծում եմ, որ այն ամենն, ինչ եղել է, բոլոր թյուրիմացությունները պետք է անցյալում թողնել», — ասել է Լուժկովը:

Մոսկվայի նախկին քաղաքապետը նշել է, որ Վրաստանի, հատկապես՝ վրացական գինիների համար ռուսական շուկան կարևոր է, և երկու երկրներն էլ պետք է մտածեն ապագայի մասին:

Հոդվածում արտահայտած կարծիքները փոխանցում են հեղինակի եզրերն ու հայացքները և պարտադիր չէ, որ արտացոլեն խմբագրության դիրքորոշումը: