Վլադիմիր Պուտինը՝ Վրաստանի կենսաբանական զենքի և ռուսաստանցիների անդրշիրիմյան կյանքի մասին

Ռուսաստանի նախագահ Վլադիմիր Պուտինը մի քանի աղմկահարույց հայտարարություն է արել 2018թ-ի հոկտեմբերի 18-ին Սոչիում կայացած «Վալդայի ֆորումի» նիստին ունեցած իր ելույթի ժամանակ:

Վրաստանում կենսաբանական զենք մշակելու մասին

«Այդպիսի մշակումները, եթե տարվում են, շատ վտանգավոր են: Դա անհանգստություն է առաջացնում: Նյութեր են մշակվում, որոնք կարող են մարդու վրա ընտրովի ազդեցություն ունենալ՝ կախված նրա էթնիկական խմբից: Երկրորդ ու երրորդ սերնդում այնպիսի փոփոխություններ են տեղի ունենում, որոնք փոխում են նախնական տեսքը: Եթե դա այդպես է, դա մեծ սառնալիք է»:

Կայքում կարդացեք նաև. Ռուսաստանն ԱՄՆ-ին մեղադրում է Վրաստանում գաղտնի կենսաբանական լաբորատորիա ստեղծելու համար: Ի՞նչ են խոսում Թբիլիսիում, Մոսկվայում և Վաշինգտոնում

Ուկրաինայի և Միխայիլ Սահակաշվիլիի մասին

«Կիևը հակապետական քաղաքականություն է վարում, որը հիշեցնում է Միխայիլ Նիկոլաևիչի (Սահակաշվիլի) քաղաքականությունը: Սահակաշվիլիի գործողությունների արդյունքում Վրաստանը կորցրել է իր տարածքի զգալի մասը: Տխուր կլիներ, եթե ներկայիս ուկրաինական իշխանությունը նրա հետքերով գնար»:

Միջուկային պատերազմի և անդրշիրիմյան կյանքի մասին

«Մենք ընդհանրապես ոչնչից չենք վախենում: Ագրեսորը պետք է իմանա, որ հատուցումն անխուսափելի է: Իսկ մենք ագրեսիայի զոհ ենք: Եվ որպես նահատակներ դրախտ ենք ընկնելու»:

Կայքում կարդացեք նաև. Ռուսաստանում ավելացվել է կենսաթոշակային տարիքն ու հարկերը: Որո՞նք են իշխանությունների փաստարկներն ու ի՞նչ է լինելու

Սոցցանցերի արձագանքը

Սոցցանցերի ռուսալեզու սեգմենտում կատակներ են հրապարակում Ռուսաստանի նախագահի ելույթի կապակցությամբ: Ահա մի քանի բնորոշ մեկնաբանություն.

«Նրան մոտ ո՞վ է կա. անջատեք հիվանդի համար ռուսական հեռուստատեսությունը»

«Պուտինը դեռ ապրում է այն աշխարհում՝ նախակենսաթոշակային բարեփոխման աշխարհում, այդ պատճառով էլ իրեն համապատասխան կերպ է պահում՝ լկտիաբար և ծանր»:

«Պուտինը խոստացել է միջուկային հարվածն առաջինը չհասցնել»:

«Այստեղ սոցցանցերում բոլորը քննարկում են դրախտի մասին Վլադիմիր Վլադիմիրովիչի պատկերացումը: Իսկ այն, որ նախօրեին նա 25 մլրդ դոլար է ուղարկել Եգիպտոսին «տնտեսություն զարգացնելու» համար, ոչ ոքին չհետաքրքրեց: Եվ ո՞վ է այստեղ աննորմալը, հարցնող լինի»:

Ի՞նչ է Վալդայի ֆորումը

Վալդայի ֆորումը («Վալդայ» դիսկուսիոն ակումբ) ստեղծվել է 2004թ-ին: Այն մտածվել է որպես արտասահմանյան և ռուսաստանյան քաղաքագետների հանդիպման հարթակ: Սակայն դրա նիստին հրավիրում են միայն նրանց, ովքեր լիակատար հավատարմություն են ցուցաբերում ռուսական իշխանություններին:

Ավանդաբար այդ միջոցառման գլխավոր խոսնակը Ռուսաստանի նախագահ Պուտինն է: