Agile Spirit 2023. Վրաստանում մեկնարկել են ՆԱՏՕ-ի և գործընկերների զորավարժությունները
ՆԱՏՕ-ի զորավարժությունները Վրաստանում
Օգոստոսի 21-ից սեպտեմբերի 1-ը Վրաստանում և Թուրքիայում կանցկացվեն ՆԱՏՕ-ի և գործընկերների Agile Spirit 2023-ի զորավարժությունները, որոնց կմասնակցի 3500-3600 զինծառայող։
Զորավարժությունների նպատակը ՆԱՏՕ-ի երկրների և գործընկերների միջև անվտանգության համատեղ գործողությունների և համագործակցության բարելավումն է։ Զինվորականները առաջադրանքներ կմշակեն նմանակված մարտական իրավիճակում։
Զորավարժություններին մասնակցելու համար օտարերկրյա զինվորականները սկսել են Վրաստան ժամանել օգոստոսի 19-ին։
ԱՄՆ-ի և Վրաստանի հետ մեկտեղ զորավարժություններին մասնակցում է 21 երկիր՝ Ադրբեջանը, Բելգիան, Բուլղարիան, Բոսնիա և Հերցեգովինան, Կանադան, Ֆրանսիան, Գերմանիան, Հունաստանը, Հունգարիան, Իտալիան, Հորդանանը, Լատվիան, Լիտվան, Մոլդովան, Նորվեգիան, Լեհաստանը, Ռումինիան, Սլովակիան, Իսպանիան, Թուրքիան և Մեծ Բրիտանիան։
- Վրաստանը ՆԱՏՕ-ի անդամ կդառնա անդամության ծրագրի կատարման պարագայում
- «ՆԱՏՕ-ի հետ աշխատանքի խողովակ»․ կարծիք հայ-հունական ռազմական կապերի մասին
- Հայաստանը` երկընտրանքի առջև. արդյո՞ք երկիրը դուրս կգա ՌԴ ազդեցության գոտուց
Ինչպես երևում է ԱՄՆ պաշտպանության նախարարության տեսողական տեղեկատվության տարածման ծառայության կայքում հրապարակված լուսանկարներից, զորավարժությունների բացման արարողությանը Վրաստանի կառավարությունից ներկա է եղել միայն պաշտպանության փոխնախարար Գրիգոլ Գիորգաձեն։
Բացի այդ, Վրաստանի պաշտպանության նախարարությունը զորավարժությունների մեկնարկի վերաբերյալ հայտարարություն չի տարածել։
Նախապատմություն
2023 թվականի ապրիլին Վրաստանը դուրս էր մնացել ԱՄՆ-ի և ՆԱՏՕ-ի կողմից կազմակերպված Defender 23 զորավարժությունների մասնակից երկրների ցանկից։ Պաշտպանության նախարար Ջուանշեր Բուրչուլաձեն հայտարարել էր, որ պատճառը լոգիստիկ ծախսերն են:
Դրանից անմիջապես հետո Վրաստանի պաշտպանության նախարարությունը նշել էր, որ ԱՄՆ Եվրոպական հրամանատարության կողմից կազմակերպված Defender 2023 զորավարժություններին մասնակցությունը մերժվել է, քանի որ որոշվել է ավելի շատ ջանքեր և ռեսուրսներ ուղղել Agile Spirit-ի նման զորավարժություններին:
Նույնաբովանդակ հայտարարություն էր տարածել նաև Վրաստանում ԱՄՆ դեսպանատունը և հաստատել, որ կրթության այլ տեսակներին ռեսուրսներն ուղղելու որոշումը համատեղ է կայացվել։
