Ղարաբաղյան հակամարտության կարգավորումը տեղափոխվում է առցանց հարթակ։ Սպասվում է Հայաստանի և Ադրբեջանի արտգործնախարարների հանդիպումը

Հայաստանի և Ադրբեջանի արտգործնախարարները ղարաբաղյան հակամարտության կարգավորման շուրջ բանակցություններ կանցկացնեն առցանց: Այս մասին հայտնել է ՀՀ արտաքին գործերի նախարարության մամուլի քարտուղար Աննա Նաղդալյանը:

Ապրիլի 20-ին արդեն կայացել է ԵԱՀԿ Մինսկի խմբի համանախագահների առցանց հանդիպումը Ադրբեջանի արտգործնախարար Էլմար Մամեդյարովի հետ:

Ադրբեջանի արտգործնախարարության մամուլի ծառայությունը հայտնում է, որ միջնորդները քննարկել են ղարաբաղյան հիմնախնդրի կարգավորման ուղիները՝ կորոնավիրուսի համաճարակի համատեքստում:

Նրանց կարծիքով, կորոնավիրուսի տարածումով պայմանավորված իրավիճակը չպետք է խանգարի բանակցությունների գործընթացին:

Այս պահին կա տեղեկատվություն նաև այն մասին, որ տեղի է ունեցել ԵԱՀԿ Մինսկի խմբի համանախագահների առցանց հանդիպումը Հայաստանի արտաքին գործերի նախարար Զոհրաբ Մնացականյանի հետ:

Սակայն դեռ հայտնի չէ ժամը, թե երբ տեղի կունենան բանակցությունները Հայաստանի և Ադրբեջանի նախարարների միջև: