Կորոնավիրուս, նորություններ։ Հայաստանի վարչապետ Նիկոլ Փաշինյանը պնդում է․ կարգապահությունն ամենամեծ խնդիրն է

	Հայաստան	Ադրբեջան	Վրաստան
Նոր դեպքեր	723	352	14
Հիվանդներ	16 004	9 570	851
Նոր մահեր	+6	+2	+1
Մահեր	264	115	14
Առողջացել են	6 081	5 309	702

Ընդհանուր առմամբ, Հայաստանում համաճարակի սկզբից ի վեր 258 մարդ է մահացել:

Մեկ օրում գրանցվել է 612 նոր դեպք, համաճարակի սկզբից վարակվել է 15 281 մարդ։ Նրանցից 5 639-ը առողջացել է:

Հայաստանում արտակարգ դրությունը երկարաձգվել է ևս մեկ ամսով՝ մինչև հուլիսի 13-ը:

Հայաստանի վարչապետ Նիկոլ Փաշինյանը պնդում է․ ամենամեծ խնդիրը կայանում է նրանում, որ բնակչությունը չի հետևում կյանքի նոր կանոններին, չի կատարում պարետատան պահանջները։ Խոսքը դիմակ կրելու, ձեռքերը ախտահանելու և սոցիալական հեռավորություն պահպանելու մասին է։

• Ինչու է Հայաստանում երկարաձգվել արտակարգ իրավիճակը

Վարակվածներից չորսը բուժաշխատողներ են՝ Թբիլիսիի Հանրապետական հիվանդանոցի աշխատակիցներ։

Ընդհանուր առմամբ, Վրաստանում համաճարակի մեկնարկից ի վեր վարակվել է 837 մարդ, 697–ն ապաքինվել է։

Ընդհանուր առմամբ համաճարակի ընթացքում Վրաստանում մահացել է 13 մարդ։

Վրաստանում համավարակի հետ կապված կարանտինային սահմանափակումները սկսել են չեղարկվել ապրիլի 27–ից։ Հունիսի 15–ից Վրաստանը պլանավորում է վերսկսել ներքին զբոսաշրջությունը, իսկ հուլիսի 1–ից՝ բացել սահմաններն ու օտարերկրյա զբոսաշրջիկների ընդունել։

Վրաստանը Հայաստանին կօգնի օրական 1000 PCR-թեստերով և բուժանձնակազմով

Հունիսի 11-ի դրությամբ Հայաստանում կորոնավիրուսով վարակվածների թիվն ավելացել է 566-ով և հասել 14 669-ի։

Բուժվածների թիվն ավելացել է 240-ով, նրանց ընդհանուր թիվը կազմում է 5 466։ Շարունակում են բուժում ստանալ 8 876 մարդ:

Կորոնավիրուսից մահվան ևս 18 դեպք է արձանագրվել։ Մահացածների ընդհանուր թիվը հասավ 245-ի։

• «Ուզում եմ ներողություն խնդրել գործած սխալների համար» — Հայաստանի առողջապահության նախարար

Հայաստանում մեկ օրում գրանցվել է 428 նոր դեպք և 10 մահ։

Մահացածների ընդհանուր թիվը հասավ 227-ի։

Վարակվել է 14 103 մարդ, նրանցից 5 226-ն աապաքինվել են։

Մեկ օրվա ընթացքում առաողջացածների մեծ թիվը բացատրվում է դրանով, որ հունիսի 10-ին ավարտվում է առանց ախտանշանների հիվանդությունը տանող հիվանդների ինքնամեկուսացման ժամկետը։

Արտակարգ դրության ժամկետն էլ Հայաստանում ավարտվում է հունիսի 13-ին, բայց արդեն հաղորդվում է, որ այն կարող է երկարաձգվել։

Հայաստանը Վրաստանից օգնություն է ստացել՝ բուժսարքավրումներ կորոնավիրուսի դեմ պայքարի համար

Լրագրող Դեմիս Պոլանդովը «Ադիգե Խեկու – չերքեզական» տելեգրամ–ալիքում այսպիսի բան է հրապարակել (կրճատ տարբերակը)․

«Կարաչայ–Չերքեզիան բռնկվել է։ Խեղճ մարդիկ տանջվում են իրենց հիվանդ հարազատների ձեռքը՝ փորձելով նրանց խցկել հիվանդանոց։ Սակայն դա գործնականում անիրական է։ Տեղ չկա։ Բժիշկ էլ գրեթե չի մնացել։

Տարեցներին միայնակ են հուղարկավորում, ազգականներին հետո են հաղորդում։ Ով կովկասյան մշակույթում է մեծացել, գիտի, որ տարեցների համար դա սարսափելի հարված է։ Ո՞վ է գալու իրենց թաղմանը, ի՞նչ կտորով են իրենց փաթաթելու․ այս մտքերով նրանք անցկացնում են իրենց վերջին օրերը։ Իսկ հիմա նրանք միայն կարող են առանց որևէ հույսի ասել․ «Միայն թե ոչ այն սև պլատիկե պարկով»․․․

Մարդիկ շաբաթներով վառվում են ջերմությունից, չեն կարողանում այն իջեցնել, Հիվանդանում են ընտանիքներով, մարդ չկա, որ սնունդ պատրաստի։ Հիվանդ են քաղաքներում, կորոնան եկել է նաև աուլներ։

Լինում է, որ երիտասարդներն են մահանում, քանի որ նրանց հիվանդանոցները չեն ընդունում։ Բայց չէ՞ որ նրանց մոսկվացի գուրուները «թեթև ընթացք» են խոստացել։ Կորոնավիրուսն էլ նրանց մոտ հաստատված չէ, քանի որ նրանք հաճախ տասն օր արդյունքի են սպասում։

Ահա սև պարկի մեջ ամփոփված երիտասարդ մի կնոջ բերեցին, մայրն այդպես էլ հուղարկավորեց։ Իսկ մահվան վկայականի մեջ՝ հիպերտենզիա։ Եթե հիպերտենզիա է, ինչո՞ւ էիք նրան պահում կորոնավիրուսով հիվանդների մոտ՝ ինֆեկցիոնում։ Թոքերի արհեստական օդափոխության սարքին ինչո՞ւ էիք միացնում։ Մենք նրան անգամ հրաժեշտ չտվինք […]

Այսօր Ուչկեկենում մարդիկ փողոց են դուրս եկել։ Նրանք հուսահատ են, նրանց մոռացել են»

Ըստ պաշտոնական վիճակագրության՝ Կարաչայ Չերքեզիայում 1 729 վարակված կա, մահացել է նրանցից ինը։

Սակայն բժիշկներն ու ակտիվիստները սոցցանցերում բղավում են այն մասին, որ տվյալները նվազեցված են մի քանի անգամ, խոսքն իրականում հազարավոր վարակվածների և հարյուրավոր մահացածների մասին է։

Կարաչայ–Չերքեզիան Հյուսիսային Կովկասի ամենափոքր հանրապետությունն է, այստեղ պակաս, քան 500 հազար մարդ է ապրում։

Հայաստանում վարակման 350 և մահվան 6 նոր դեպք է գրանցվել մեկ օրում։

Ընդհանուր առմամբ, համաճարակի մեկնարկից ի վեր Հայաստանում մահացել է 217 մարդ։

Վարակվել է 13 675 մարդ, նրանցից 4 451–ն ապաքինվել է։

Առողջապահության նախարար Արսեն Թորոսյանը քննարկում է անցկացրել հիվանդանոցների ղեկավարների հետ, որոնք ընդունում են կորոնավիրուսով հիվանդների։ Նա ասել է, որ անգամ եթե պահպանվի նոր դեպքերի աճի նման բարձր տեմպը, Հայաստանում արդեն ռիսկ չկա, որ հիվանդներն առանց բուժօգնության կմնան։ Մոտ ժամանակներս այդ հիվանդներին կսկսեն ընդունել նաև երկրի տարբեր շրջանների մի քանի հիվանդանոցներում։

• Ինչո՞ւ է Հայաստանը վարակվածների թվով առաջատարը տարածաշրջանում

• Կովկասում կորոնավիրուսի համաճարակի վերաբերյալ նախորդ օրերի տեղեկատվությունը