Լոնդոնի ահաբեկչությունը բրիտանիայի քաղաքացի է կատարել

Ահաբեկիչը, որը նախօրեին Լոնդոնում հարձակում էր իրականացրել, Բրիտանիայի քաղաքացի Խալիդ Մասուդն էր: Նա միայնակ էր գործում: Ոստիկանությունը տվյալներ չունի նոր պատրաստվող գրոհների մասին: Այդ մասին խորհրդարանում ելույթ ունենալիս հայտնել է վարչապետ Թերեզա Մեյը: Նրա խոսքով՝ ահաբեկիչն արմատական իսլամիստ էր: Մի քանի տարի առաջ նրանով հետաքրքրվել է բրիտանական ՄԻ-5 հակահետախուզությունը, սակայն նրան «լուսանցքային անձ» է համարել:

Խալիդ Մասուդն իսլամ է ընդունել 1993թ-ին:

Ահաբեկչության արդյունքում, որը Լոնդոնում տեղի է ունեցել մարտի 22-ին, վիրավորումներ են ստացել 11 երկրների քաղաքացիներ և 12 բրիտանացի: Ընդհանուր առմամբ 40 մարդ է վիրավորվել: Զոհվածները երեքն են: Ինքն՝ ահաբեկիչը, սպանվել է:

Տեղի ունեցածը Մեծ Բրիտանիայի տարածքում վերջին 12 տարվա ամենամասշտաբային ահաբեկչությունն էր:

Սկզբում չարագործը մեքենայով Վեսթմինսթերի կամրջի վրա վրաերթի է ենթարկել անցորդների, այնուհետև հարձակվել է ոստիկանի վրա՝ փորձելով ներխուժել խորհրդարան:

Կատարվածի համար պատասխանատվությունն իր վրա է վերցրել Իսլամական պետություն խմբավորումը, սակայն իր մասնակցության ապացույցներ չի տրամադրել:

Այսօր Լոնդոնում, Բի