Ինչ դիտել ձմռանը

Ձմռանը սերիալների հետ կապված ամեն ինչ վատ է, սակայն Սուրբ Ծնունդն ու Նոր տարին ավանդաբար լավագույն տոներն են նոր ֆիլմերի հայտնվելու համար՝ ինչպես բլոքբասթերների, այնպես էլ մանկական և ընտաներակն ֆիլմերի համար:

Ուրեմն ի՞նչ սպասենք կինոթատրոններից դեկտեմբերին:

1,2. Սարսափ-ֆիլմեր

Սարսափ-ֆիլմերը կինոթատրոնների համար երաշխավորված միջակ ֆիլմերն են, որոնք աստղեր չեն իջեցնում երկնքից, սակայն հազվադեպ են ձախողվում, քանի որ մարտաֆիլմերից ու մանկական ֆիլմերից շատ ավելի էժան են: Այդ պատճառով էլ ցանկացած ամսում մի քանի սարսափ-ֆիլմ է դուրս գալիս:

Ամանորին ընդառաջ մեծ էկրաններ է բարձրանում միանգամից մի քանի սարսափ ֆիլմ, սակայն մեր կինոթատրոններ կհասնեն ընտրվածները: Եթե հավատանք IMDB-ի սպասումների վարկանիշին, ապա այս ժանրում երկու արժանի ֆիլմ կա:

Առաջինը «Ինկարնացիան» է, որը պատմում է չարքերի դեմ պայքարող էկզորցիստ-տելեպատի մասին, որը ներխուժում է զոհի գիտակցություն:

Ֆիլմի պրեմիերան դեկտեմբերի 1-ին է:

Մյուսը՝ «Մահվան ընծաները», անիծված տան մասին հերթական պատմությունն է, որը կասկածելի էժան է նստել: Համացանցում տեղեկատվություն կա, որ որոշակի մանրամասներ իմանալով՝ լեգենդար Metallica-ն իր կուլտային For Whom the Bell Tolls կոմպոզիցիան «անվճար» տվել է ֆիլմին միայն նրա համար, որ նրան շատ է դուր եկել սյուժեն: Սյուժե՜ն:

Պրեմիերան դեկտեմբերի 15-ին է:

3,4. Ռոմանտիկա և արկածներ

Այս ձմռանը ռոմանտիկան ու արկածները միասին են քայլում: Դեկտեմբերին մի ամբողջ երկու ֆիլմ կա, որոնք արժե դիտել, եթե հավատանք կինոսերների հասարակության սպասումների վարկանիշին:

Առաջին ֆիլմը նկարահանել է խոստումնալից նորվեգացի ռեժիսոր Մորթեն Թիլդումը՝ «Իմիտացիոն խաղ» հաջողակ ֆիլմի հեղինակը: Նրա նոր «Ուղևորներ» ֆիլմը պատմում է միջաստղային արշավախմբի երկու անդամների մասին, որոնք կրեոքնից ժամանակից շուտ են զարթնել: Շուրջը 5 հազար այլ ուղևորներ կան, իսկ առջևում՝ դեռ 90 տարվա թռիչք, ծով սեր և արկածներ: Գլխավոր դերերում Քրիս Փրաթն ու Ջենիֆեր Լոուրենսն են:

Պրեմիերան դեկտեմբերի 22-ին է:

Մեկ այլ «Դաշնակիցները» ֆիլմն ավելին է խոստանում: Առաջին հերթին, դրանում գլխավոր դերերում Բրեդ Փիթն ու անկրկնելի Մարիոն Քոթիյարն են: Երկրորդ հերթին, ֆիլմի ռեժիսորը ինքը Ռոբերտ Զեմեկիսն է («Հետ՝ դեպի ապագա», «Ֆորեսթ Գամփ»): Գործողությունը տեղի է ունենում 1942թ-ին ֆաշիստների կողմից օկուպացված Հյուսիսային Աֆրիկայում: Փիթն ամերիկացի հետախույզի դեր է խաղում, իսկ Քոթիյարը՝ ֆրանսիական դիմադրության անդամի:

Պրեմիերան՝ դեկտեմբերի 1-ին:

5. Ամբողջ ընտանիքի համար

Ֆրանսիական «Demain tout commence» ֆիլմը ռուսական պրոկատը թարգմանել է որպես «2+1»՝ հավանաբար ձգտելով ասոցիացիաներ առաջացնել «1+1» փայլուն ֆրանսիական կոմեդիայի հետ: Իրականում ֆիլմերի միջև սյուժետային ընդհանրություն չկա:

Այստեղ գլխավոր հերոսը մի երեխայի մոր է փնտրում, որին թողել են իր մոտ, և տարբեր արկածների մեջ է ընկնում:

Պրեմիերան դեկտեմբերի 8-ին է:

6. Կանանց համար

Երիտասարդ ֆրանսիացի ռեժիսոր Ռեբեկա Զլոտովսկու երրորդ ֆիլմն է, որն արդեն մի քանի զուտ եվրոպական հաջողակ ֆիլմ է նկարահանել: Նրա «Պլանետարիումում» կա այն ամենն, ինչ անհրաժեշտ է կնոջը՝ 30-ականների Փարիզ, Մոնմարտրի տանիքներ, թխվածքաբլիթով տաք սուրճ, սպիրիտիզմի սեանսներ և գաղտնիք: Եվ գլխավոր դերում՝ Նատալի Պորտմանը:

Պրեմիերան՝ դեկտեմբերի 1-ին:

7. Երեխաների և մեծ երեխաների համար

Փողն անհրաժեշտ է բոլորին, հատկապես՝ աֆրիկացի երեխաներին և «Դիսնեյ» ստուդիային, որը գնել է «Աստղային պատերազմների» իրավունքները:

«Վտարյալ-առաջին»-ն «Աստղային պատերազմներ» ֆրանշիզայի նոր ֆիլմն է, որն այսուհետ համալրվելու է ամեն տարի: Նախորդ տարի աշխարհը դիտում էր «Ուժի արթնացումը», որի ռեժիսորը Ջ.Ջ. Աբրամսն է և որն, ըստ էության, շարքի առաջին ֆիլմի (1977 թ) ռիմեյքն է: Այդտեղ Լյուկ Սքայուոքերի փոխարեն ևս մեկ Ճայ-ծաղրասարյակ տեսանք:

Նոր ֆիլմի ռեժիսորը ոմն Գարեթ Էդվարդսն է, որը երկու տարի առաջ տեսադաշտում հայտնվեց «Գոդզիլայի» ռիմեյքով: Կոմպոզիտորը ոչ պակաս հայտնի Մայքլ Ջակինոն է: Եվ, այո, ևս մեկ Ճայ-ծաղրասարյակ՝ լեգենդար Ֆելիսիթի Ջոնսի կատարմամբ:

Պրեմիերան դեպկտեմբերի 15-ին է: Կարող եք դիտել գոնե միայն նրա համար, որ դա «Աստղային պատերազմներն» է:

8. Միայն երեխաների համար

«Մոանա» լիամետրաժ մուլտֆիլմը պոլինեզացի մի աղջկա պատմություն է, որը մաորի հսկա մարտիկի և երկրորդական դեր ունեցող կենդանիների ուղեկցությամբ մեկնում է կորած ծնողներին փնտրելու՝ Խաղաղ օվկիանոսի մի կղզուց մյուսն անցնելով:

Պրեմիերան կկայանա դեկտեմբերի 1-ին:

9. Կոմեդիա

Կոմեդիաների (լավ կոմեդիաների) հետ կապված ամանորին միշտ լարվածություն է լինում:

Դե իհարկե նոր «Եղևնիներն» են դուրս գալիս: Սակայն մահն ավելի լավ է:

Ծայրահեղ դեպքում (շատ ծայրահեղ) կարելի է «Վատ Սանտայի» շարունակությունը դիտել, որը էկրաններին կլինի դեկտեմբերի 22-ից:

10. Պարզապես լավ կինո

7 տարվա մեջ առաջին անգամ Էմիր Կուստուրիցան վերադառնում է ռեժիսորական աթոռին, և պատերազմի ժամանակ սիրո պատմություն է մեզ նվիրում: Բոսնիական պատերազմն է, իսկ գլխավոր դերերում ինքը Կուստւրիցան է և ինքը Մոնիկա Բելուչին:

«Ծիր կաթինով» ֆիլմը էկրաններ կբարձրանա դեկտեմբերի 15-ին:

Հրապարակվել է 22.11.2016