Թուրքական դատարանը կալանավորել է գերմանական թերթի լրագրողին

Ստամբուլի դատարանը բավարարել է դատախազության հայցը կալանավորելու գերմանական Die Welt թերթի թղթակից Դենիզ Յուջելին , որըԹուրքիայի և Գերմանիայի քաղաքացի է: Այդ որոշումը կայացվել է՝ չնայած Գերմանիայի բողոքին և ձերբակալված թղթակցին ազատ արձակելու կոչերին:

Գերմանիայի ԱԳՆ պաշտոնական ներակայցուցիչ Մարտին Շեֆերը փետրվարի 27-ին հերթական անգամ կոչ արեց թուրքականիշխանություններին ազատ արձակել Դենիզ Յուջելին, հաղորդում է Գերմանական ալիքը: Գերմանիայի ԱԳ նախարար Զիգմար Գաբրիելը  մինչայդ Թուրքիայի հասեցին քննադատություն հնչեցրեց՝ ասելով, որ «ոչ մի անհրաժեշտություն չկա, և բնավ արդարացված չէդատախազությունում հարցաննությունից առաջ Դենիզ Յուջելին կալանքի տակ պահելը»:

Բացի այդ, Բունդեսթագի 160 պատգամավոր բաց նամակով դիմել է Գերմանիայում Թուրքիայի դեսպանին և կոչ արել աջակցել նրա ազատ արձակմանը:

Դենիզ Յուջելն ինքնակամ Ստամբուլի ոստիկանություն է ներկայացել փետրվարի 14-ին: Թուրքական իշխանությունները նրան կասկածում են ահաբեկչական կազմակերպությանը մասնակցելու, պրոպագանդայի տարածման և տեղեկատվության օգտագործման չարաշահման համար: Քանի որ Թուրքիայում արտակարգ դրության ռեժիմ է, հանցագործությունների կասկածյալները մինչև 14 օր կարող են կալանքի տակ պահվել առանց մեղադրանքի առաջադրման: Նրան նախնական կալանքի տակ առնելու դեպքում, թուրքական օրենքների համաձայն, այն կարող է մինչև 5 տարի ձգվել:

DPA գործակալության տեղեկատվության համաձայն՝ խոսքը ենթադրաբար գնում է Թուրքիայի էներգետիկայի նախարար Բերաթ Ալբայրաքի կոտրված էլեկտրոնայի փոստից գողացված էլեկտրոնային հաղորդագրությունների մասին, որը Թուրքիայի նախագահ Էրդողանի փեսան է: Redhack հաքերային խմբի կողմից տարածած էլեկտրոնային նամակները հրապարակվել են Դենիզ Յուջելի երկու նյութերում: Redhack խմբավորումը Թուրքաիյում ահաբեկչական կազմակերպություն է ճանաչվել: