Ադրբեջանում 2 տարվա ազատազրկման է դատապարտվել լրագրող Ազիզ Օրուջևը

Ազիզ Օրուջևը դատապարտվեց ազատազրկման

Ադրբեջանում ավարտվել է «Kanal 13» ինտերնետային հեռուստաընկերության ղեկավար Ազիզ Օրուջևի նկատմամբ հարուցված քրեական գործով դատավարությունը:

Դատավճիռը հրապարակվել է փետրվարի 26-ին Բաքվի Սաբայիլի շրջանային դատարանում՝ դատավոր Գյունել Սամեդովայի նախագահությամբ անցկացվող դատավարության ընթացքում:

Ազիզ Օրուջևը դատապարտվել է 2 տարվա ազատազրկման:

Դատախազը Օրուջևի համար պահանջել էր 2 տարի 6 ամիս ազատազրկում:

Ադրբեջանում ձերբակալվել է ևս մեկ անկախ ԶԼՄ-ի ղեկավար

Դեռ պարզ չէ, թե կոնկրետ ինչում է մեղադրվում Kanal 13 յութուբյան ալիքի ղեկավար Ազիզ Օրուջևը։

Ազիզ Օրուջևը ձերբակալվել էր 2023 թվականի նոյեմբերի 27-ին: Սկզբում նրա նկատմամբ քրեական գործ էր հարուցվել Քրեական օրենսգրքի 188.2 հոդվածով (հողամասում ինքնակամ՝ առանց օրենքով սահմանված սեփականության, օգտագործման կամ վարձակալության իրավունքի շինարարության իրականացում): Հետագայում նրան ներկայացվել էր լրացուցիչ մեղադրանք Քրեական օրենսգրքի 206.3.2 հոդվածով (մի խումբ անձանց կողմից նախնական համաձայնությամբ իրականացված մաքսանենգություն): Որոշ ժամանակ առաջ 206.3.2 հոդվածով քրեական գործը կասեցվել էր:

Հետևեք մեզ — Facebook | Youtube | Telegram

Ազիզ Օրուջևը դատապարտվեց ազատազրկման