აქტივისტი ბაირამ მამედოვი ბაქოს ციხიდან გათავისუფლდა
აზერბაიჯანელი აქტივისტი ბაირამ მამედოვი 30-დღიანი ადმინისტრაციული პატიმრობის შემდეგ გათავისუფლდა. შეწყალებით განთავისუფლების შემდეგ მალევე მას პოლიციისადმი დაუმორჩილებლობაში დასდეს ბრალი. ბევრს მისი დაპატიმრების ჭეშმარიტ მიზეზად ის მიაჩნია, რომ ბაირამმა შეწყალების შემდეგ სოციალურ ქსელებსა და მედიაში ხელისუფლების მკვეთრად გაკრიტიკება დაიწყო.
• ბაირამ მამედოვის დაპატიმრებისა და მის მიერ პროვოცირებული სკანდალის დეტალები
2016 წელს აქტივისტებს – ბაირამ მამედოვსა და გიას იბრაგიმოვს, ნარკოტიკებით ვაჭრობის ბრალდებით, 10-10 წლით პატიმრობა მიესაჯათ. უშუალოდ ამის წინ მათ აზერბაიჯანის ყოფილი პრეზიდენტისა და ახლანდელი პრეზიდენტის მამის ჰეიდარ ალიევის ძეგლის კვარცხლბეკს ანტისამთავრობო ლოზუნგი დააწერეს.
უფლებადამცავმა ორგანიზაციამ Amnesty International-მა ისინი სინდისის პატიმრებად აღიარა.
ორივე მათგანი 2019 წლის 16 მარტს გაათავისუფლეს 339 ადამიანის შეწყალების ფარგლებში, რომელთა შორის 50 პოლიტპატიმარი იყო.
• რატომ დაიბარეს გიას იბრაგიმოვი პოლიციაში შეწყალების შემდეგ მალევე
2019 წლის 30 მარტს ბაირამ მამედოვს პოლიციისადმი დაუმორჩილებლობისთვის 30 დღით ადმინისტრაციული პატიმრობა მიესაჯა.
მამედოვმა განაცხადა, რომ დაკავების შემდეგ მას საგამოძიებო იზოლატორში სასტიკად სცემეს. ადვოკატმა აპელაცია ორჯერ შეიტანა, მაგრამ ის ორივეჯერ უარყოფილ იქნა.
