სამხრეთ ოსეთს სურს შეუერთდეს რუსეთს, ამბობენ ადგილობრივი პოლიტიკოსები

რას ფიქრობს სამხრეთ ოსეთში ხალხი რუსეთზე

ცხინვალის ხელისუფლებამ მხარი დაუჭირა რუსეთის ფედერაციის უშიშროების საბჭოს თავმჯდომარის მოადგილის, დმიტრი მედვედევის ინიციატივას, რომელმაც რამდენიმე დღის წინ განაცხადა აფხაზეთისა და სამხრეთ ოსეთის რუსეთთან შეერთების შესაძლებლობის შესახებ.

სამხრეთ ოსეთის ე.წ. პრეზიდენტი ალან გაგლოევი დმიტრი მედვედევს მოსკოვში 25 აგვისტოს შეხვდა, სადაც განაცხადა, რომ „სამხრეთ ოსეთი მზად არის განავითაროს ინტეგრაციის პროცესები რუსეთის ფედერაციასთან რუსეთის ფედერაციის შემაგდენლობაში გაწევრიანებამდე“.

ადგილობრივი ექსპერტების აზრით, დღეს სამხრეთ ოსეთი გზაჯვარედინზეა და მზად არის მისი მომავლის განვითარების ერთდროულად რამდენიმე სცენარისთვის, ოღონდ არც ერთი მათგანი ჯერ არ დაწყებულა.

• დმიტრი მედვედევი საქართველოს ოკუპირებული ტერიტორიების რუსეთთან შეერთებას არ გამორიცხავს
• როგორი იყო ალან გაგლოევის პირველი შეხვედრა პუტინთან და რატომ არიან უკმაყოფილო ცხინვალში
• გაფიცვები ცხინვალში: მძღოლები და საავადმყოფოს პერსონალი რამდენიმე თვეა ხელფასს ვერ იღებენ

სცენარი 1: “ოსების გაერთიანება რუსეთის შემადგენლობაში”

აფხაზეთისგან განსხვავებით, სამხრეთ ოსეთში რუსეთთან შეერთების იდეა მართლაც პოპულარულია.

ვინ არის დამნაშავე: მედვედევი თუ აფხაზეთის ხელისუფლება? მოსაზრება

“აფხაზეთის ხელისუფლება რუსეთის სუბსიდირებული რეგიონის რიგითი პროვინციული ხელმძღვანელებივით იქცევა”

დეპუტატი, “გაერთიანებული ოსეთის” ოპოზიციური პარტიის თავმჯდომარე ალან თადთაევი ამბობს, რომ „სამხრეთ ოსეთის მოსახლეობის უმრავლესობამ [მედვედევის] განცხადება ენთუზიაზმით მიიღო”. მისივე თქმით, სამხრეთ ოსეთის რუსეთში შესვლას და “ოსი ხალხის გაერთიანებას” ალტერნატივა არ აქვს [თადთაევი გულისხმობს გაერთიანებას ჩრდილოეთ ოსეთ-ალანიასთან, რესპუბლიკასთან, რომელიც შედის რუსეთის ფედერაციის შემადგენლობაში – JAMnews].

“რესპუბლიკის მოსახლეობის აბსოლუტური უმრავლესობა რუსეთის მოქალაქეა – ეს არის სადღაც 98-99%, და ისინი თავიანთ მომავალს ხედავენ, როგორც რუსეთის ნაწილად და რუსეთთან ერთიან სივრცეში“, – ამბობს დეპუტატი.

ამასთან, თადთაევი უკმაყოფილოა იმით, რომ სამხრეთ ოსეთის ამჟამინდელი ხელმძღვანელობა რეალურ ნაბიჯებს არ დგამს მსგავსი გაერთიანებისკენ. ის იხსენებს, რომ საპრეზიდენტო არჩევნებში გამარჯვების შემდეგ გაგლოევმა ჩაშალა ბიბილოვის მიერ 2022 წლის 17 ივლისს დაგეგმილი რეფერენდუმი რუსეთთან შეერთების შესახებ.

„შეიძლება გაერთიანების ოცნება ახდეს. სამხრეთ ოსეთის მოსახლეობა რეფერენდუმს მოითხოვს, მაგრამ არჩევნები ჩატარდა მოსახლეობის სრული “გადაგდებით“.

ცხინვალი რუსეთისკენ მიისწრაფვის, მაგრამ მას იქ არ ელიან. რატომ და რას უნდა ველოდოთ?

ცხინვალის რუსეთთან შეერთება გადაიდო. ხომ არ უკავშირდება ეს საქართველოს ხელსუფლების პოზიციას უკრაინის ომზე?

ვარიანტი 2: “რუსეთთან საკავშირო სახელმწიფოში შესვლა”

ბოლო წლებში სამხრეთ ოსეთის ბიუროკრატთა ნაწილი ინტეგრაციის სხვა ვარიანტს ემხრობა – ბელარუსისა და რუსეთის საკავშირო სახელმწიფოში გაწევრიანებას. თუმცა, ეს ვარიანტი ჯერ კიდევ არარეალურია, რადგან ბელარუსი არ ცნობს სამხრეთ ოსეთის სუვერენიტეტს.

პრეზიდენტის სახელმწიფო მრჩეველი ვიაჩესლავ გობოზოვი დარწმუნებულია, რომ ადრე თუ გვიან ეს მოხდება. გობოზოვი ოსი ხალხის რუსეთის შემადგნელობაში გაერთიანების ერთ-ერთი მოწინააღმდეგეა. ეს არ არის პირველი შემთხვევა, როდესაც ის გამოდის თეზისებით საკავშირო სახელმწიფოში გაწევრიანების გეგმების შესახებ.

ანონიმურობის პირობით, ერთ-ერთმა საჯარო მოსამსახურემ JAMnews-სთან აღიარა, რომ იგი მხარს უჭერს გობოზოვის იდეას საკავშირო სახელმწიფოს შესახებ, „რადგან ეს სამხრეთ ოსეთს საშუალებას მისცემს შეინარჩუნოს თავისი სახელმწიფო აპარატი“.

ეს არის ყველაზე გავრცელებული არგუმენტი რუსეთთან ინტეგრაციის ოპონენტებს შორის. სამხრეთ ოსეთის ზოგიერთი ოფიციალური პირი ხშირად აფერხებს რუსეთის ფედერაციაში გაწევრიანების პროცესს თანამდებობების დაკარგვისა და მაღალი ხელფასების შიშით.

ისინი თავიანთ პოზიციას განმარტავენ არგუმენტებით საერთო საბაჟო სივრცის, ბელარუსთან სავაჭრო და ეკონომიკური კავშირების შესახებ.

მაგრამ, თადთაევის თქმით, რუსეთთან შეერთება ბევრად უფრო ადვილია, ვიდრე მინსკისგან ჰიპოთეტური აღიარების მოლოდინი, შემდეგ კი საკავშირო სახელმწიფოში გაწევრიანება.

„თუ ამჟამინდელი ხელისუფლება საკავშირო სახელმწიფოში გაწევრიანების გეგმებს აყალიბებს, მოსახლეობას აზრი უნდა ჰკითხოს. ანუ რეფერენდუმის გარეშე ჩვენ ჯერ კიდევ არ შეგვიძლია ეს ნაბიჯი გადავდგათ“, – ამბობს თადთაევი.

• ცხინვალში გახმაურებული მკვლელობის გამოძიება დასრულდა
• ცხინვალში შიშობენ, რომ მათი სახელმწიფოებრიობა შეიძლება გახდეს ვაჭრობის საგანი
• თბილისის ანტირუსულმა აქციებმა სოხუმსა და ცხინვალში „მეორე ფრონტის“ შიში გააჩინა. ხელისუფლების რეაქცია

ვარიანტი 3: “რუსეთი საქართველოს დაუბრუნებს სამხრეთ ოსეთს”

საგარეო საქმეთა ყოფილი მინისტრი დმიტრი მედოევი ამბობს, რომ რუსეთთან შეერთების პოპულარობის ფონზე, დაიწყო საუბრები, თითქოს დასუსტებული რუსეთი სამხრეთ ოსეთს საქართველოს დაუბრუნებს – „გამოიყენებს მას, როგორც ვაჭრობის ობიექტს „ურთიერთმორიგებაში“.

თადთაევიც და მედოევიც დარწმუნებული არიან, რომ „რუსეთი უკრაინაში დამარცხებული არ არის“.

„დასავლეთის ქვეყნების ზეწოლისა და მოსკოვის წინააღმდეგ სანქციების მიუხედავად, სამხრეთ ოსეთი არ აპირებს მოსკოვთან მოკავშირე და ინტეგრაციული კავშირების გადახედვას.” – განაცხადა მედოევმა.

სტატია მომზადებულია ცხინვალის რედაქციის მიერ და პროექტის პირობების თანახმად, დაბეჭდილია უცვლელად.ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო