"მოსკოვისთვის?" აფხაზეთმა ჟენევის დისკუსიების თანათავმჯდომარეებთან დისკუსიებზე უარი თქვა
აფხაზეთი, საფრთხე ჟენევის დისკუსიებისთვის
აფხაზეთმა განაცხადა, რომ არ შეუშვებს ჟენევის დისკუსიის თანათავმჯდომარეებს, რომლებიც 8-9 თებერვალს აპირებდნენ ჩასვლას სოხუმში ოფიციალურ პირებთან შეხვედრების გასამართად.
ეს იყო პასუხი ქართულ-აფხაზური მოლაპარაკებების მორიგი რაუნდის გაუქმებაზე, მაგრამ ექსპერტები აღიარებენ, რომ ეს არის ერთგვარი „მსხვერპლშეწირვა“, რომელსაც აფხაზეთი აკეთებს რუსეთთან მოკავშირე ურთიერთობების დასადასტურებლად.
ჟენევის საერთაშორისო დისკუსიების ფორმატი (GID) შეიქმნა 2008 წლის ოქტომბერში, საქართველოსა და რუსეთს შორის აგვისტოს ომის შემდეგ. ფორმატს ჰყავს სამი თანათავმჯდომარე – ევროკავშირის, გაეროს და ეუთოს წარმომადგენლები.
სამხრეთ კავკასიაში სტაბილურობისა და უსაფრთხოების შესახებ ჟენევის საერთაშორისო მოლაპარაკებების 57-ე შეხვედრა 2023 წლის 21-22 თებერვალს იყო დაგეგმილი, მაგრამ 31 იანვარს ცნობილი გახდა, რომ ის აპრილისთვის გადაიდო. არ არსებობს საჯარო ინფორმაცია იმის შესახებ, თუ რატომ გაუქმდა მოლაპარაკებები. თუმცა, შესაძლოა, ჟენევის დისკუსიის მონაწილეებს უკვე კულისებიდან ჰქონდათ ინფორმაცია მიზეზებზე.
აფხაზეთის ხელისუფლება უკიდურესად უკმაყოფილო იყო ამ გადაწყვეტილებით.
„ბოლო დროს, ეს არ არის პირველი შემთხვევა, როდესაც თანათავმჯდომარეები ყოველგვარი ობიექტური მიზეზების და მოლაპარაკების პროცესში მონაწილეებთან შეთანხმების გარეშე იღებენ ცალმხრივ გადაწყვეტილებებს რაუნდის გაუქმების ან გადადების შესახებ. 2022 წელს დაგეგმილი ოთხი შეხვედრიდან მხოლოდ ერთი შედგა“, – განაცხადა აფხაზეთის საგარეო საქმეთა მინისტრმა ინალ არძინბამ სპეციალურ განცხადებაში.
არძინბას მიაჩნია, რომ „მსგავსი ქმედებები არის მიკერძოებული და […] ქმნის დამატებით საფრთხეებს რეგიონში სტაბილურობისთვის“.
- „აფხაზეთს თუ უნდა რომ ანგარიშს უწევდნენ, კი არ უნდა განდევნოს, არამედ მოიზიდოს დასავლეთი“ – ვიდეო დისკუსია
- ქართულ-აფხაზური არაფორმალური დიალოგის მონაწილეთა წინადადება
- ქართულ-აფხაზური კონფლიქტი: გამოსავალი არ ჩანს, არც დიალოგის სურვილი. ხედვა სოხუმიდან
- აფხაზეთის ოპოზიცია მთავრობის ვადამდე ადრე გადადგომას მოითხოვს
კომენტარი
ინალ ხაშიგი, JAMnews-ის რედაქტორი აფხაზეთში / ჩეგემსკაია პრავდას მთავარი რედაქტორი
„მოლაპარაკების სურვილი და შემდეგ უარის თქმა ჟენევის დისკუსიების თანათავმჯდომარეებთან, არ არის ლოგიკური გადაწყვეტილება. მხოლოდ მაღალი დელეგაციის ვიზიტი, რომელშიც შედის გაეროს, ევროკავშირისა და ეუთოს წარმომადგენლები, სოხუმმა შეიძლება შეძლოს საერთაშორისო შუამავლების დარწმუნება, რომ არ გააუქმონ შეხვედრა ჟენევაში.
და ამავდროულად, კიდევ ერთხელ აჩვენონ თავიანთი სურვილი, მოლაპარაკების მაგიდასთან მოგვარდეს ქართულ-აფხაზური კონფლიქტი.
შესაძლოა, ამ დემარშს ორი ვარიანტი აქვს, რამაც აიძულა აფხაზეთის ხელისუფლება ასეთი ნაბიჯის გადადგმისკენ.
ოპტიმისტური ვარიანტია, რომ სოხუმმა გადაწყვიტა გაეზარდა ფსონები, რათა როგორმე გაეხარებინა შეფერხებული მოლაპარაკებების პროცესი და ამით დაებრუნებინა ჟენევის დისკუსიების მუშაობის რეჟიმი ჩვეულ რეჟიმში. ანუ, მცირე შანტაჟი მოლაპარაკების პროცესის სასარგებლოდ.
პესიმისტური ვარიანტი: აფხაზეთის ხელისუფლება გაუქმებულ რაუნდთან დაკავშირებით სარგებლობას ეძებს ჟენევის მოლაპარაკებების პროცესში მონაწილეობის თანდათანობით შეზღუდვით.
შესაძლოა, ევროკავშირისა და ეუთოს შუამავალი როლი ქართულ-აფხაზური კონფლიქტის მოგვარების საკითხში აღარ შეეფერება აფხაზეთს რუსეთსა და დასავლეთს შორის დაპირისპირების გამო.
და მოსკოვთან მოკავშირე ურთიერთობების დასადასტურებლად აფხაზეთი სწირავს ჟენევას, ერთადერთ საერთაშორისო პლატფორმას, სადაც მას შეეძლო საკუთარი თავის მაღალ დონეზე წარმოჩენა.
სტატია მომზადებულია სოხუმის რედაქციის მიერ და პროექტის პირობების თანახმად, დაბეჭდილია უცვლელად. ტექსტში გამოყენებული ტერმინები და ტოპონიმები, ასევე მოსაზრებები და იდეები, გამოხატავს სტატიის ავტორის პირად პოზიციას და ყოველთვის არ ემთხვევა JAMnews-ის და მისი ცალკეული თანამშრომლების მოსაზრებებსა და პოზიციას. JAMnews-ი იტოვებს უფლებას წაშალოს პუბლიკაციის ქვეშ დატოვებული კომენტარები, რომლებიც შეფასდება, როგორც შეურაცხმყოფელი, მუქარის შემცველი, ძალადობის წამქეზებელი და ასევე ეთიკურად მიუღებელი სხვა მიზეზების გამო
