რუსეთის შეჭრა უკრაინაში. მეათე დღე. განახლებადი ინფორმაცია

კადიროვმა შესთავაზა ზელენსკის ძალაუფლება იანუკოვიჩს გადასცეს: „მე თქვენ არ მოგმართავთ, როგორც პრეზიდენტს.  კანონის მიხედვით, უკრაინის პრეზიდენტი  ვიქტორ იანუკოვიჩია.  აი,მას,  ლეგიტიმურ პრეზიდენტს, უნდა გადაეცეს ძალაუფლება.  შესაძლოა, ასე მაინც დაგრჩეთ დანაშაულის ნაწილობრივ გამოსყიდვის შანსი. ”

 Twitter-ზე კინგმა მხარი დაუჭირა მწერალ ლინვუდ ბარკლის ანალოგიურ გადაწყვეტილებას.

ზოგადად, სტივენ კინგი აქტიურია ტვიტერზე უკრაინის თემაზე. ეს მისი ბოლო ტვიტია

პუტინი დღეს “აეროფლოტის” პილოტებს და ბორტგამცილებლებს შეხვდა. ამ შეხვედრაზე რანდენიმე მნიშვნელოვანი განცხადება გაკეთდა უკრაინის საკითხზე:

➖ თუ უკრაინის ხელისუფლება განაგრძობს იმის კეთებას, რასაც ახლა აკეთებს, კითხვის ნიშნის ქვეშ დადგენა ამ ქვეყნის სახელმწიფოებრიობა. და ეს მთლიანად მათი [უკრაინის ხელისუფლების] პასუხისმგებლობა იქნება

➖რუსეთსა და ნატოს შორის კონფლიქტის შედეგები, თუ ეს მოხდა, „ყველასთვის გასაგებია“.

➖ რუსეთშიც არიან ნეონაცისტები, მაგრამ არა მთავრობაში, როგორც უკრაინაში, თქვა პუტინმა.

➖ უკრაინის თითქმის მთელი სამხედრო ინფრასტრუქტურა განადგურდა, საჰაერო თავდაცვის ლიკვიდაცია თითქმის დასრულებულია.

➖ რუსეთის ატომური ძალები სპეციალურ რეჟიმზე გადავიდნენ მას შემდეგ, რაც ბრიტანეთის საგარეო საქმეთა სამინისტრომ კონფლიქტში ნატოს ჩართვის შესაძლებლობა ახსენა – პუტინი.

➖ შეგვეძლო მხოლოდ დონბასში გაგვეგზავნა ჯარები, მაგრამ მაშინ კიევს ექნებოდა “უსასრულო მხარდაჭერა” დასავლეთის ქვეყნების მხრიდან. ამიტომ გადავწვიტეთ, სხვა გზით წასულიყავით. ეს გზა აბსოლუტურად სწორია, როგორც აღმოჩნდა… უკრაინის სამხედრო ინფრასტრუქტურის განადგურებაზე მუშაობა თითქმის დასრულებულია.

➖ ჩვენ არ ვგეგმავთ საომარი მდგომარეობის შემოღებას, ასეთი საჭიროება არ არსებობს.

➖ წვევამდელები არ არიან ჩართულნი სამხედრო ოპერაციაში და არ გვაქვს ასეთი გეგმა.

➖ სხვა ქვეყნების ნებისმიერი მცდელობა უკრაინის თავზე შექმნან ფრენის აკრძალული ზონა,
რუსეთის მხრიდან აღქმული იქნება საომარ მოქმედებებში მონაწილეობად.

➖ რუსეთის წინააღმდეგ სანქციები ომის გამოცხადებას ჰგავს

–უკრაინის მიერ ბირთვული იარაღის შექმნა რეალურია, რადგან უკრაინას საბჭოთა დროიდან აქვს ბირთვული და სარაკეტო კომპეტენციები.რაწამს უკრაინაში ბირთვული იარაღი გაჩნდება, რუსეთის ბედი შეიცვლება”

-რუსეთის ატომური ძალები სპეციალურ რეჟიმზე გადავიდნენ მას შემდეგ, რაც ბრიტანეთის საგარეო საქმეთა სამინისტრომ კონფლიქტში ნატოს ჩართვის შესაძლებლობა ახსენა – განაცხადა პუტინმა.

ეს განცხადება გაკეთდა იმ ფონზე, როდესაც რუსეთში დამოუკიდებელი მედია ორგანიზაციები მასობრივად დაიბლოკა ან დაიხურა “რუსული არმიის შესახებ ყალბი ამბების გავრცელების” კანონის მიღების გამო.

ოპოზიციონერმა პოლიტიკოსმა ნავალნიმ (რომელიც ახლა ციხეშია) გამოაცხადა, რომ მისი გუნდი მზადაა შესთავაზოს ჟურნალისტებს და რედაქტორებს სხვა ქვეყანაში გადასახლება.

მარიუპოლის ქალაქის ადმინისტრაციამ შეაჩერა მაცხოვრებლების ევაკუაცია ჰუმანიტარული დერეფნებით, რადგან რუსული მხარე არ იცავს ე.წ. “დუმილის რეჟიმს” და აგრძელებს ქალაქისა და მისი შემოგარენის დაბომბვას.

მანამდე მხარეები შეთანხმდნენ 5 მარტს მოსკოვის დროით დილის 10 საათიდან “დუმილის რეჟიმის” უზრუნველყოფაზე მოსახლეობის ევაკუაციისთვის.

მოკლულია დენის კირეევი –  გომელში რუსეთთან მოლაპარაკებების პირველ რაუნდზე უკრაინის  დელეგაციის წევრი.

ვრცელდება ინფორმაციას, რომ კირეევი უკრაინის უშიშროების სამსახურის წარმომადგენლებმა მოკლეს, როდესაც მის დაკავებას ცდილობდნენ.

“strana.ua” წყაროები ადასტურებენ, რომ კირეევი

პეჩერსკის სასამართლოს შენობასთან მოკლეს. 

ამასთან, წყაროები არ აკონკრეტებენ, რა ვითარებაში მოხდა ეს და კონკრეტულად ვინ მოკლა.

მანამდე გავრცელდა ინფორმაცია, რომ უკრაინის უსაფრთხოების სამსახურმა მას რუსეთის სასარგებლოდ ჯაშუშობასა და ღალატში დასდო ბრალი.

ოფიციალური განცხადება ამ თემაზე არ გაკეთებულა.

როგორც უკრაინის საზოგადოებრივი ამბობს, რუსებს უჭირთ უცნობ ტერიტორიაზე ორიენტირება და გზის გაკვლევა, ადგილობრივი მცხოვრებლები მათ ამაში არ ეხმარებიან.

ბოლო 24 საათში რუსეთის საჰაერო თავდასხმები შემცირდა, მაგრამ რუსეთი კვლავ მიიწევს წინ

➖ ბრიტანული დაზვერვის ბრიფინგის თანახმად, რუსული ჯარები სავარაუდოდ მიიწევენ ქვეყნის სამხრეთით მდებარე საპორტო ქალაქ ნიკოლაევისკენ.

➖ ბრიტანული სამხედრო დაზვერვის თანახმად, არსებობს რეალური შესაძლებლობა, რომ რუსული არმიის ერთი ნაწილი ეცდება ნიკოლაევის გვერდის ავლით ოდესისკენ შეტევას.

➖ უკრაინა აგრძელებს შეტევას ხარკოვის, ჩერნიგოვისა და მარიუპოლის მიმართულებით. ასევე ქუჩის ბრძოლებია ჩრდილო-აღმოსავლეთ უკრაინის ქალაქ სუმიში. ბრიტანეთის თავდაცვის სამინისტროს ცნობით, დიდია ალბათობა იმისა, რომ ოთხივე ეს ქალაქი რუსი ჯარების მიერ იყოს გარშემორტყმული.

ილონ მასკმა უარი თქვა StarLink ქსელში რუსული მედია საშუალებების დაბლოკვაზე. მისი თქმით, თხოვნა ზოგი – არა უკრაინის – ხელისუფლებისგან მიიღო, მაგრამ მისი თქმით, ასეთ ნაბიჯს მხოლოდ იარაღის მუქარით გადადგამს.

ბოდიშს გიხდით, რომ სიტყვის თავისუფლების აბსოლუტისტი ვარ“, – წერს მასკი.

გაეროს მონაცემებით, უკრაინა 1,2 მილიონზე მეტმა ლტოლვილმა დატოვა.

მათი უმეტესობა პოლონეთში წავიდა – 650 ათასი. სიაში ასევე არიან სლოვაკეთი, უნგრეთი, რუმინეთი, მოლდოვა და რუსეთი.

ზაპოროჟიეს ატომურ სადგურს უკრაინა მართავს, თუმცა რუსული ჯარები კვლავ აკონტროლებენ სადგურის პერიმეტრს და იმყოფებიან ენერგოდარში – შინაგან საქმეთა მინისტრის დენისენკოს მრჩეველი საზოგადოებრივის ეთერში.

სამი ციტატა ვოლოდიმირ ზელენსკის მიმართვიდან 4 მარტს თბილისში, ფრანკფურტში, ლიონში, პარიზში, პრაღასა და ვილნიუსში გამართულ აქციებზე:

1. „სამი წუთი მაქვს თქვენთან დასაკავშირებლად. პირველ რიგში მინდა წუთიერი დუმილით პატივი მივაგოთ ყველა დაღუპულის ხსოვნას – ჩვენი სამხედროების, სპეცსამსახურების, პოლიციელების, დაზვერვის ოფიცრების, მეხანძრეების ხსოვნას. ვინც სიცოცხლე გაწირა, ვინც ახლა ისევ ჩვენ შორის არის, მაგრამ მათ ვეღარ ვხედავთ”.

2. „გამოსვლის მეორე წუთიც მინდა დუმილს დავუტოვო. ჩვენი მშვიდობიანი მოქალაქეების ხსოვნას – დიდების და ბავშვების, ათობით და ასობით ადამიანის, რომელთაც სიცოცხლე გაწირეს, მაგრამ არ იცოდნენ ამის შესახებ. საუკუნო სიცოხლე მათ.

3. მესამე წუთი გეკუთვნით თქვენ, ევროპის ხალხებო. ნუ გაჩუმდებით! გამოდით ქუჩებში. მხარი დაუჭირეთ უკრაინას – ჩვენ ეს გვჭირდება! მხარი დაუჭირეთ ჩვენს თავისუფლებას, რადგან ეს არის გამარჯვება. გამარჯვება არა მარტო რუს სამხედროებზე, არამედ სინათლის სიბნელეზე, სიკეთის ბოროტებაზე… თუ უკრაინა დამარცხდება, მთელი ევროპა დამარცხდება“.

მანამდე ეს ორი კომპანია აცხადებდა, რომ დარჩებიან რუსულ ბაზარზე, რასაც უკრაინაში დახლებიდან მათი პროდუქციის ამოღება და ბოიკოტი მოჰყვა. დღეს გავრცელდა ინფორაცია, რომ შეცვალეს პოზიცია და მიდიან რუსეთიდან.

სინგაპური სანქციებს აწესებს ბანკების VTB, Promsvyazbank, VEB და Rossiya Bank წინააღმდეგ, იუწყება რესპუბლიკის საგარეო საქმეთა სამინისტრო. მათთან ტრანზაქციები იკრძალება და მათი აქტივები გაიყინება.

რამზან კადიროვი ითხოვს, კიდევ უფრო გამკაცრდეს კანონი “ფეიკებზე”, როემლიც გუშინ დუმამ მიიღო და პუტინმა ხელი მოაწერა. კანონი 15 წლამდე თავისუფლების აღკვეთას ითვალისწინებს რუსი სამხედროების მოქმედებებზე “ყალბი” ინფორმაციის გავრცელებისთვის.

კადიროვი მოითხოვს, რომ კანონის ტექსტი შეივსოს და მარტო არმიაზე კი არა,სპეცსამსახურებზე და სხვა დანაყოფებზე “ცრუ ინფორმაციაც” დასჯადი გახდეს.

უკრაინის საგარეო საქმეთა სამინისტროს ხელმძღვანელმა განაცხადა, რომ ნატო, ევროკავშირისგან განსხვავებით, უკრაინასთან დაკავშირებით ვერაფერს წყვეტს და „ამ სისუსტის გამო გადაიხდის“.

ამასთან, მან დასძინა, რომ არიან ქვეყნები, რომლებიც მზად არიან უკრაინის ცის დასაცავად.

“აშანი”, სუპერმანკეტების გიგანტური ქსელი რუსეთში, თავის მაღაზიებში აწესებს ლიმიტს, თუ რამდენი პროდუქტის ყიდვა შეუძლია ერთ მყიდველს ერთ ჯერზე. ამ ეტაპზე საუბარია პირველადი მოხმარების პროდუქტებზე.

მაგალითად, ერთ მყიდველს არ შეუძლია შეიძინოს 10 კგ შაქარზე მეტი. ასევე, 10 ბოთლ მცენარეულზე ზეთზე, 10 კგ ფქვილზე,
და 3 შეკვრა მარილზე მეტი რაოდენობა.

ასევე ერთ ადამიანს შეუძლია იყიდოს არაუმეტეს 10 შეფუთვა საბაკალეო სურსათისა (მაკარონი, ბრინჯი და სხვა მარცვლეული.)

 4 მარტის  Live. ომი უკრაინაში დღე მეცხრე.

3 მარტის Live.ომი უკრაინაში. დღე მერვე.

2 მარტის Live.ომი უკრაინაში. დღე მეშვიდე.

1 მარტის Live. უკრაინაში რუსეთის წინააღმდეგ ბრძოლის მეექვსე დღე.

28 თებერვლის  Live .უკრაინაში რუსეთის წინააღმდეგ ბრძოლა გრძელდება. დღე მეხუთე.

27 თებერვლის  Live. რუსეთი უკრაინაში შეიჭრა.  ომის მეოთხე დღე 

26 თებერვლის  Live.რუსეთი უკრაინაში შეიჭრა.  ომის მესამე დღე 

25 თებერვლის  Live. რუსეთი უკრაინაში შეიჭრა ომის მეორე დღე

24 თებერვლის  Live. რუსეთი უკრაინაში შეიჭრა ომის პირველი დღე